ଭୁବନେଶ୍ୱର,୩୧/୧୦: ଦୀପାବଳିରେ ସନ୍ଧ୍ୟା ୭ରୁ ରାତି ୯ଟା ବାଣ ଫୁଟିବ । ତା’ ପୁଣି କେବଳ ସବୁଜ ବାଣ । ଗାଇଡ୍ଲାଇନ୍ ନାଁରେ ବାସ୍ ଏତିକି ଲେଖି ଦେଇ ବସିଗଲା ପ୍ରଦୂଷଣ ନିୟନ୍ତ୍ରଣ ବୋର୍ଡ । ପୁଲିସ ବି ନାଲି ଆଖି ଦେଖାଇ କହୁଛି, ୨ ଘଣ୍ଟାରୁ ଅଧିକ ଫୁଟାଇଲେ କାର୍ଯ୍ୟାନୁଷ୍ଠାନ ନେବୁ । ହେଲେ ଦୀପାବଳି ତାରିଖ ନେଇ କେହି କିଛି ସ୍ପଷ୍ଟ କରୁନଥିବାରୁ ବଢ଼ି ଚାଲିଛି ଦ୍ୱନ୍ଦ୍ୱ ।
ଏଥର ଦୀପାବଳିକୁ ନେଇ ଓଡ଼ିଶାରେ ଦ୍ୱନ୍ଦ୍ୱ । ଓଡ଼ିଆ ତିଥି ଅନୁସାରେ ଦୀପାବଳି ନଭେମ୍ବର ୧ (ଶୁକ୍ରବାର) । ସେହିଦିନ ହିଁ ବଡ଼ବଡ଼ୁଆ ପୂଜା ଓ ଦୀପାବଳି ପାଳନ କରିବାକୁ ଜ୍ୟୋତିଷ ଓ ପୂଜକମାନେ ନୀତି ଧାର୍ଯ୍ୟ କରିଛନ୍ତି । ହେଲେ ସରକାରୀ ଛୁଟି ପଡୁଛି ଅକ୍ଟୋବର ୩୧ ତାରିଖ । ଏଭଳି ସ୍ଥିତିରେ ଦୀପାବଳି ପାଳନକୁ ନେଇ ଲୋକଙ୍କ ଭିତରେ ଦ୍ୱନ୍ଦ୍ୱ ରହିଛି । ସରକାର ଜାରି କରିଥିବା ଗାଇଡଲାଇନରେ ଦୀପାବଳିରେ ୨ ଘଣ୍ଟା ବାଣ ଫୁଟାଇବାକୁ ଅନୁମତି ମିଳିଛି । ଅର୍ଥାତ୍ ଏହି ଦୁଇ ଘଣ୍ଟାରୁ ଅଧିକ ସମୟ ଫୁଟାଇଲେ ଆଇନ ଅନୁସାରେ ଦଣ୍ଡନୀୟ । ହେଲେ ତାରିଖ ନଥିବାରୁ ଲୋକେ କେଉଁଦିନ ବାଣ ଫୁଟାଇବେ, ତାହାକୁ ନେଇ ଦ୍ୱନ୍ଦ୍ୱ ଉପୁଜିଛି । ଏଭଳି ଦ୍ୱନ୍ଦ୍ୱ ନେଇ ଜାଣିବା ପରେ ବି ପ୍ରଦୂଷଣ ନିୟନ୍ତ୍ରଣ ବୋର୍ଡ ହାତ ବାନ୍ଧି ବସିଛି । ପୁଲିସ ବି ଚୁପ୍ ।
ଯଦି ସରକାରୀ କଳ ଏଭଳି ଦ୍ୱନ୍ଦ୍ୱ ସୃଷ୍ଟି କରି ଚୁପ୍ ରହିବେ,ତେବେ କଟକଣାର କିଛି ମୂଲ୍ୟ ନାହିଁ । ସରକାର ସ୍ପଷ୍ଟ ନ କଲେ, ଯାହାର ଇଚ୍ଛା ସିଏ ଗୁରୁବାର ଫୁଟାଇବେ, ଆଉ ଯାହାର ଇଚ୍ଛା ସିଏ ଶୁକ୍ରବାର ଫୁଟାଇବେ । ଯିଏ ଯେଉଁଦିନ ଦୀପାବଳି ପାଳିବେ, ସେଦିନ ଫୁଟାଇବେ । ଅନେକ ଦୁଇଦିନ ବି ବାଣ ଫୁଟାଇ ପ୍ରଦୂଷଣ ବଢ଼ାଇବେ । ଏ ଗାଇଡଲାଇନକୁ ଲୋକେ ଚୁଟ୍କିରେ ଉଡ଼ାଇ ଦେବେ । ଅମାନିଆ ବି ବୁଝି ସାରିଲେଣି, କୌଣସି କାର୍ଯ୍ୟାନୁଷ୍ଠାନ ବ୍ୟବସ୍ଥା ନଥିବା ଏଭଳି ଗାଇଡଲାଇନ ନ ମାନିଲେ ଢୋ... ।
