ନୂଆଦିଲ୍ଲୀ: ୧୪ ବର୍ଷିୟ ବୌଭବ ସୂର୍ଯ୍ୟବଂଶୀଙ୍କ ଶତକ ବଳରେ ରାଜସ୍ଥାନ ରୟାଲ୍ସ ଆଇପିଏଲରେ ଲଗାତାର ପଞ୍ଚମ ହାର ପରେ ବିଜୟର ସ୍ୱାଦ ଚାଖିଛି। ଦଳ ଗୁଜୁରାଟ ଟାଇଟନ୍ସକୁ ୮ ୱିକେଟରେ ହରେଇ ଦେଇଛି। ଜୟପୁରର ସୱାଇ ମାନସିଂହ ଷ୍ଟାଡିୟମରେ ହେଉଥିବା ମ୍ୟାଚ୍ ରେ ରାଜସ୍ଥାନ ଟସ୍ ଜିତି ବୋଲିଂ କରିବାକୁ ବାଛିଥିଲା। ଗୁଜରାଟ ଟାଇଟାନ୍ସ ୪ ୱିକେଟ ହରାଇ ମୋଟ୍ ୨୦୯ ରନ୍ ସଂଗ୍ରହ କରିଥିଲା। ରାଜସ୍ଥାନ ୨ ୱିକେଟ ହରାଇ ୧୬ ତମ ଓଭର ସୁଦ୍ଧା ଏହି ଟାର୍ଗେଟ ହାସଲ କରିନେଇଥିଲା।
ଗୁଜୁରାଟ ପକ୍ଷରୁ ଶୁଭମନ ଗିଲ ୮୪ ଓ ଜୋସ ବଟଲର ୫୦ ରନ ସଂଗ୍ରହ କରିଥିଲେ। ରାଜସ୍ଥାନ ପକ୍ଷରୁ ବୈଭବ ୧୦୧ ରନ ଓ ଯଶସ୍ୱୀ ଜୟସୁଆଲ ୭୦ ରନ ସଂଗ୍ରହ କରିଛନ୍ତି। ରିଆନ ପରାଗ ୩୨ ରନ ସଂଗ୍ରହ କରି ନଟଆଉଟ ହୋଇ ପାଭିଲିୟନ ଫେରିଛନ୍ତି। ମହିଶ ତୀକ୍ଷଣାଙ୍କୁ ଦୁଇଟି ୱିକେଟ ମିଳିଛି।
ବୈଭବ ଆଇପିଏଲ ଓ ଟି-୨୦ ଫର୍ମାଟରେ ଅର୍ଦ୍ଧ ଶତକ ଓ ଶତକ ବନାଇ ପାରିଥିବା ସବୁଠୁ କନିଷ୍ଠ ଖେଳାଳି ହବାର ଗୌରବ ଲାଭ କରିଛନ୍ତି। ସେ ମାତ୍ର ୩୫ ବଲରୁ ଶତକ ହାସଲ କରିଛନ୍ତି। ଏହା ଆଇପିଏଲରେ କୈଣସି ଭାରତୀୟ ଖେଳାଳିଙ୍କ ସବୁଠୁ କମ ବଲରେ ଶତକ ହାସଲ କରିଥିବା ରନ୍ ଭାବେ ରେକର୍ଡ ସୃଷ୍ଟି କରିଛି।
