ନୂଆଦିଲ୍ଲୀ,୧୯/୦୮: ଗାଜାରେ ଗତ ୨୨ ମାସ ହେବ ଚାଲିଛି ରକ୍ତପାତ ସଂଘର୍ଷ । ଏହାରି ଭିତରେ ଏକ ଭଲ ଖବର ସାମ୍ନାକୁ ଆସିଛି । ହମାସ ଆରବ ଦେଶ ପକ୍ଷରୁ ହୋଇଥିବା ଯୁଦ୍ଧବିରତି ପ୍ରସ୍ତାବକୁ ସ୍ୱୀକାର କରିଛି । ଏବେ ଇସ୍ରାଏଲକୁ ଫାଇନାଲ ନିଷ୍ପତ୍ତି ନେବାର ସମୟ ଆସିଛି । ଖୁବଶୀଘ୍ର ଗାଜା-ଇସ୍ରାଏଲ ଯୁଦ୍ଧରେ ବିରାମ ଲାଗିବା ଆକଳନ କରାଯାଉଛି ।
ଏବେ ବି ଗାଜାରେ ଇସ୍ରାଏଲର ଆକ୍ରମଣ ଜାରି ରହିଛି । ୨୦୨୩ ଅକ୍ଟୋବର ୭ରୁ ଆରମ୍ଭ ହୋଇଥିଲା ଲଢେଇ । ଗାଜାରେ ଦିନକୁ ଦିନ ସ୍ଥିତି ଭୟଙ୍କର ହେଉଛି । ସବୁଠୁ ବୋମାର ଧ୍ୱଂସ ଲୀଳା, ଭୋକ ଓ ଅସହାୟତାର ଚିତ୍ର । ପ୍ରତିଦିନ ଆକାଶରୁ ମୃତ୍ୟୁ ଖସୁଛି । ୨୨ ମାସରେ ୬୨ ହଜାରରୁ ଅଧିକ ପାଲେଷ୍ଟିନୀୟଙ୍କର ମୃତ୍ୟୁ ହୋଇଛି । ଲକ୍ଷ ଲକ୍ଷ ଲୋକ ବାସହରା ହୋଇଛନ୍ତି । ଏହାରି ଭିତରେ ହମାସ ଏକ ବଡ ବୟାନ ଜାରି କରିଛି । ସେ ଆରବ ଦେଶ ଦ୍ୱାରା କରାଯାଇଥିବା ଯୁଦ୍ଧବିରାମ ପ୍ରସ୍ତାବକୁ ସ୍ୱୀକାର କରିଛି । ଏହି ପ୍ରସ୍ତାବକୁ ଲାଗୁ କରିବାକୁ ଏବେ ଇସ୍ରାଏଲର ସହମତି ଦରକାର । ଗତମାସରେ ଆଲୋଚନା ବିଫଳ ହେବା ପରେ ଇସ୍ରାଏଲ ଗାଜା ପଟ୍ଟି ସମେତ ଅନ୍ୟ ଅଞ୍ଚଳ ଉପରେ ଆକ୍ରମଣ କରିଥିଲା । ଅନେକ ଅଞ୍ଚଳକୁ ନିଜ କବଜାକୁ ନେଇଥିଲା । ଫଳରେ ସ୍ଥିତି ଆହୁରି ସଙ୍ଗୀନ ହେବାରେ ଲାଗିଛି ।
ଅଧିକ ପଢନ୍ତୁ...ବୋମା, ଭୋକ ଆଉ ଅସହାୟତା...ଗାଜାରେ ପ୍ରତିଦିନ ବର୍ଷୁଛି ମୃତ୍ୟୁ,୨୨ ମାସରେ ଗଲାଣି ୬୧,୮୨୭ ଜୀବନ
ହମାସ ଉପରେ ଚାପ ପକାଇବାକୁ ଇସ୍ରାଏଲ ସେନାର କାର୍ଯ୍ୟବାହୀ ଯୋଜନାକୁ ଦୁନିଆରେ ବିରୋଧ କରାଯାଇଛି । ରବିବାର ଇସ୍ରାଏଲ ତାର ବନ୍ଧକଙ୍କୁ ଛାଡିବାକୁ ଦାବି କରିଥିଲା । ଇସ୍ରାଏଲର ରାଗ ଏବେ ବି ଥମିନାହିଁ । ବିଶ୍ୱୈକ ଚାପ ପରେ ବି ଇସ୍ରାଏଲ ଗାଜାରେ ସୈନ୍ୟ କାର୍ଯ୍ୟକଳାପ ରୋକିବାକୁ ପ୍ରସ୍ତୁତ ନାହିଁ । ଯେ ପର୍ଯ୍ୟନ୍ତ ସମସ୍ତ ବନ୍ଧକଙ୍କୁ ମୁକ୍ତ କରାନଯାଏ ସେ ଯୁଦ୍ଧ ପର୍ଯ୍ୟନ୍ତ ଜାରି ରହିବ ବୋଲି କହିଛନ୍ତି ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାୁହ । ସେହିପରି ହମାସ କରିଛି ଯେ ପର୍ଯ୍ୟନ୍ତ ସ୍ଥାୟୀ ଯୁଦ୍ଧବିରତିକୁ ଇସ୍ରାଏଲ ସ୍ୱୀକାର କରିନାହିଁ ବନ୍ଧକଙ୍କୁ ଛଡାଯିବ ନାହିଁ ।
