ନୂଆଦିଲ୍ଲୀ,୧୭।୬: ଗାଜାରେ ଜାରି ରହିଛି ଇସ୍ରାଏଲର ଲଗାତାର ଆକ୍ରମଣ। ଖାନ୍ ୟୁନିସରେ ଆଇଡିଏଫ୍ର ଆକ୍ରମଣରେ ୪୫ ପାଲେଷ୍ଟନୀୟ ନାଗରିକ ନିହତ ହୋଇଛନ୍ତି। ଏହା ସହ ଶତାଧିକ ଆହତ ହୋଇଛନ୍ତି। ଏହି ସମସ୍ତେ ଖାଦ୍ୟ ନେବା ପାଇଁ ଲାଇନ୍ରେ ଅପେକ୍ଷା କରିବା ବେଳେ ଆକ୍ରମଣ ହୋଇଥିଲା। ଏନେଇ ଗାଜା ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଦାବି କରାଯାଇଛି।
ମନ୍ତ୍ରଣାଳୟ ଅନୁସାରେ, ଏହି ଆକ୍ରମଣ ସେତେବେଳେ ହୋଇଥିଲା ଯେତେବେଳେ ଲୋକ ଅଲ ତହାଲିୟାର ଏକ ପୋଷ୍ଟରେ ଖାଦ୍ୟ ଦେବା ପାଇଁ ଏକ ଟ୍ରକ୍କୁ ଅପେକ୍ଷା କରୁଥିଲେ। ଠିକ୍ ଏହି ସମୟରେ ଇସ୍ରାଏଲୀ ସେନାର ଟ୍ୟାଙ୍କ ଗୁଳିବର୍ଷା କରିଥିଲା। ମୃତକଙ୍କ ସଂଖ୍ୟା ବଢିବାର ଆଶଙ୍କା କରାଯାଉଛି। କାରଣ ତାଙ୍କ ଭିତରୁ ଅନେକ ଏବେ ବି ଗୁରୁତର ଅଛନ୍ତି। ସ୍ବାସ୍ଥ୍ୟ ମନ୍ତ୍ରଣାଳୟର କହିବା ଅନୁସାରେ, ଇସ୍ରାଏଲର ଟ୍ୟାଙ୍କ ଖାନ୍ ୟୁନିସ୍ରେ ଲୋକଙ୍କ ଉପରକୁ ଗୁଳିମାଡ କରିଥିଲା। ସେଠାରେ ହଜାର ହଜାର ଲୋକ ଭୋଜନ ଓ ଅନ୍ୟ ଆବଶ୍ୟକୀୟ ସାମଗ୍ରୀ ନେବା ପାଇଁ ଅପେକ୍ଷା କରୁଥିଲେ। ମନ୍ତ୍ରଣାଳୟ କହିଛି ଅନେକ ଲୋକ ଗୁରୁତର ଆହତ ହୋଇଛନ୍ତି। ଇସ୍ରାଏଲ ସେନା ଏନେଇ ତୁରନ୍ତ କୌଣସି ଔପଚାରିକ ସୂଚନା ଦେଇ ନାହିଁ। ତେବେ କେବଳ ଏତିକ କହିଛି ଗୁଳି କରିବାର ଚେତାବନୀ ଦିଆଯାଇଥିଲା। କାରଣ ସେଠାରେ କିଛି ସନ୍ଦିଗ୍ଧଙ୍କ ଉପରେ କାର୍ଯ୍ୟାନୁଷ୍ଠାନ ହେବା ଥିଲା।
