କଟକ,୧୨/୧୨: ଜିଲିଣ୍ଡା ଜାନିସାହିରେ ବଧୂହତ୍ୟା ଅଭିଯୋଗ ହୋଇଛି । ଝୁଲନ୍ତା ଅବସ୍ଥାରେ ମହିଳାଙ୍କ ମୃତଦେହ ଉଦ୍ଧାର ହୋଇଛି । ମୃତ ମହିଳା ଜଣକ ସୀମା ନାଏକ ୨୧ ବୋଲି ଜଣା ପଡ଼ିଛି । କଟକ ଜିଲ୍ଲା ନରସିଂହପୁର ବ୍ଲକ ଯୋଡୁମୁ ଥାନା ଅନ୍ତର୍ଗତ ଜିଲିଣ୍ଡା ଜାନିସାହିରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଯୋଡୁମୁ ଗ୍ରାମର ସିଧେଶ୍ୱର ନାଏକଙ୍କ ଝିଅ ସୀମା ନାଏକ ଜାନିସାହି ଗ୍ରାମର କୁଶ ନାଏକଙ୍କୁ ତିନି ବର୍ଷ ପୂର୍ବରୁ ବୈଦିକ ରୀତିରେ ବିବାହ କରିଥିଲେ । କିନ୍ତୁ ବିବାହ ପରେ ଅଧିକ ଯୌତୁକ ଦାବି କରି ବୋହୂକୁ ନିର୍ଯାତନା ଦେଇଥିଲେ ଶାଶୁଘର ଲୋକେ । ତେବେ ବୁଧବାର ତାଙ୍କ ଘରୁ ଝୁଲନ୍ତା ଅବସ୍ଥାରେ ସୀମାର ମୃତଦେହ ଉଦ୍ଧାର ହୋଇଥିଲା । ସୀମାକୁ ଶାଶୁଘର ଲୋକେ ହତ୍ୟା କରିଥିବା ସୀମାଙ୍କ ବାପଘର ପକ୍ଷରୁ ଯୋଡୁମୁ ଥାନାରେ ଅଭିଯୋଗ ହୋଇଛି ।
