ହରଭଙ୍ଗା,୨୮/୦୧: ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ କରଞ୍ଜକଟା ପଞ୍ଚାୟତ ଅନ୍ତର୍ଗତ କୋହ୍ଲ ସାହିକୁ ଜିଲ୍ଲାପାଳଙ୍କ ଗସ୍ତ । ସ୍ଥାନୀୟ ଲୋକଙ୍କ ଦୁଃଖ ଶୁଣିବା ସହ ପୁର୍ବରୁ ହରଭଙ୍ଗା ବିଡ଼ିଓ ଓ ତହସିଲଦାରଙ୍କ ତଦନ୍ତ ରିପୋର୍ଟ ଯାଞ୍ଚ କରିଛନ୍ତି । ପରେ ସ୍ଥାନୀୟ ଆଦିବାସୀଙ୍କୁ କିଭଳି ଜମି ପଟା, ଭୋଟର କାର୍ଡ, ଆଧାର କାର୍ଡ ଓ ରାସନ କାର୍ଡ କରାଯିବ ସେ ଦିଗରେ ଯଥାଶୀଘ୍ର କାର୍ଯ୍ୟ ଆରମ୍ଭ ପାଇଁ ଜିଲ୍ଲାପାଳ ବିଭୁତି ଭୁଷଣ ନାୟକ ହରଭଙ୍ଗା ତହସିଲଦାର ବଳଦେବ ବେହେରା ଓ ବିଡ଼ିଓ ବିଜୟ କୁମାର ପ୍ରଧାନଙ୍କୁ ନିର୍ଦ୍ଦେଶ ଦେଇଛନ୍ତି।
ଆହୁରି ପଢନ୍ତୁ-ମୁଁ ଗଭୀର ଭାବେ ମର୍ମାହତ ଓ ଦୁଃଖିତ : ନବୀନ
ଅନ୍ୟପଟେ ଉକ୍ତ ସାହିକୁ ଖୁବ୍ଶୀଘ୍ର ବିଜୁଳି ସଂଯୋଗ କରିବା ନଚେତ ସୋଲାର ଲାଇଟର ବ୍ୟବସ୍ଥା କରିବା ପାଇଁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି। ଖୁବଶୀଘ୍ର ନିୟମ ଅନୁଯାୟୀ ଯଥା ସମ୍ଭବ ଏମାନଙ୍କୁ ସମାଜର ମୁଖ୍ୟ ସ୍ରୋତକୁ ଫେରାଇ ଅଣାଯିବ ବୋଲି ଜିଲ୍ଲାପାଳ କହିଛନ୍ତି । କିଛିଦିନ ତଳେ ଉକ୍ତ ସାହିର ସମସ୍ୟା ନେଇ ପ୍ରମେୟରେ ଖବର ପ୍ରକାଶ ପାଇଥିଲା। ଆଉ ଖବର ପ୍ରକାଶର ୧୦ଦିନ ଭିତରେ ବ୍ଲକ ପ୍ରଶାସନ, ଜିଲ୍ଲା ପ୍ରଶାସନ, ଡାକ୍ତରୀ ଦଳ ସହିତ ଆଜି ଜିଲ୍ଲାପାଳ ଉକ୍ତ ସାହିରେ ପହଞ୍ଚି ପ୍ରତିଶୃତି ଦେଇଛନ୍ତି । ଜିଲ୍ଲାପାଳଙ୍କ ଏହି ଗସ୍ତରେ ବିଡ଼ିଓ, ତହସିଲଦାର, ସ୍ଥାନୀୟ ସରପଞ୍ଚ, ରାଜସ୍ବ ବିଭାଗ ଉପସ୍ଥିତ ଥିଲେ ।
