ନୂଆଦିଲ୍ଲୀ,୨୫/୧ : ଭାରତୀୟ କ୍ରିକେଟର ରୋହିତ ଶର୍ମାଙ୍କୁ ପଦ୍ମଶ୍ରୀ ପୁରସ୍କାରରେ ସମ୍ମାନିତ କରାଯାଇଛି । ତାଙ୍କ ବ୍ୟତୀତ ଭାରତୀୟ ମହିଳା କ୍ରିକେଟ ଟିମର ଅଧିନାୟିକା ହରମନପ୍ରୀତ କୌର ମଧ୍ୟ ଏହି ସମ୍ମାନ ପାଇଛନ୍ତି । ଭାରତର ୭୭ତମ ଗଣତନ୍ତ୍ର ଦିବସର ପୂର୍ବ ସନ୍ଧ୍ୟାରେ ଏହି ପୁରସ୍କାର ଘୋଷଣା କରାଯାଇଛି । ତାଙ୍କ ବ୍ୟତୀତ ଭାରତର ଭେଟରାନ ଟେନିସ୍ ଖେଳାଳୀ ବିଜୟ ଅମୃତରାଜଙ୍କୁ ମଧ୍ୟ ପଦ୍ମ ଭୂଷଣ ସମ୍ମାନ ମିଳିଛି । ଚଳିତ ବର୍ଷ ଖେଳ ଜଗତରୁ ପଦ୍ମ ଭୂଷଣର ସମ୍ମାନ ମିଳିଥିବା ଅମୃତରାଜ ଏକାକୀ ଖେଳାଳୀ ଅଟନ୍ତି ।
ପଦ୍ମଭୂଷଣ ଭାରତର ତୃତୀୟ ସର୍ବୋଚ୍ଚ ନାଗରିକ ପୁରସ୍କାର ଅଟେ । ଯାହା କି ପଦ୍ମ ଶ୍ରୀ ଚତୁର୍ଥ ସ୍ଥାନରେ ଆସିଥାଏ । ରୋହିତ ଶର୍ମା ଏବଂ ହରମନପ୍ରୀତ କୌରଙ୍କ ବ୍ୟତୀତ ଭାରତୀୟ ମହିଳା ହକି ଦଳର ଗୋଲକିପର ସବିତା ପୁନିଆ, ବଲଦେବ ସିଂହ, ଭଗବାନଦାସ ରାୟକୱାର, କେ. ପଜାନିଭେଲ ଏବଂ ପ୍ରବୀଣ କୁମାରଙ୍କୁ ପଦ୍ମ ଶ୍ରୀରେ ସମ୍ମାନିତ କରାଯିବ। ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ୨୦୨୬ ପାଇଁ ୧୩୧ ପଦ୍ମ ପୁରସ୍କାର ବଣ୍ଟନକୁ ଅନୁମୋଦନ କରିଛନ୍ତି ।
