ଲକ୍ଷ୍ନୌ,୧୯/୦୫: ଆଇପିଏଲ ଇତିହାସରେ ୧୫୦ ୱିକେଟ ପୂରଣ କରିବାରେ ଦ୍ରୁତତମ ବୋଲର ହୋଇଛନ୍ତି ହର୍ଷଲ ପଟେଲ। ଏହି କ୍ଷେତ୍ରରେ ସେ କିମ୍ବଦନ୍ତୀ ବୋଲର ଲସିଥ ମାଲିଙ୍ଗାଙ୍କ ରେକର୍ଡ ଭାଙ୍ଗିଛନ୍ତି। ହର୍ଷଲ ପଟେଲ ୧୧୭ଟି ମ୍ୟାଚ୍ ଖେଳି ଏହି ସଫଳତା ହାସଲ କରିଛନ୍ତି। ଅବଶ୍ୟ ଲସିଥ୍ ମାଲିଙ୍ଗା ମାତ୍ର ୧୦୫ ମ୍ୟାଚ୍ରେ ଏହି ସଫଳତା ହାସଲ କରିଥିଲେ। ବୋଲିଂ ମାମଲାରେ ହର୍ଷଲ ପଟେଲ ମାଲିଙ୍ଗାଙ୍କୁ ପଛରେ ପକାଇ ଦେଇଛନ୍ତି। ସେ ଲକ୍ଷ୍ନୌ ସୁପରଜାଏଣ୍ଟ୍ସ ବିପକ୍ଷ ମ୍ୟାଚ୍ରେ ଏଡେନ୍ ମାକ୍ରମଙ୍କୁ ଆଉଟ୍ କରି ଏହି ରେକର୍ଡ ହାସଲ କରିଥିଲେ।
ହର୍ଷଲ ପଟେଲ ସବୁଠାରୁ କମ୍ ବଲ୍ରେ ୧୫୦ଟି ଆଇପିଏଲ୍ ୱିକେଟ୍ ପୂରଣ କରିଛନ୍ତି। ପଟେଲ ୨,୩୮୧ ବଲରେ ୧୫୦ ୱିକେଟ ପୂରଣ କରିଛନ୍ତି। ଏହି ପରିପ୍ରେକ୍ଷିରେ ଲସିଥ ମାଲିଙ୍ଗା ସମାନ ସଂଖ୍ୟକ ୱିକେଟ ପୂରଣ କରିବା ପାଇଁ ୨,୪୪୪ ବଲ୍ ବୋଲିଂ କରିଥିଲେ। ଏହି ତାଲିକାରେ ୟୁଜଭେନ୍ଦ୍ର ଚହଲଙ୍କ ନାଁ ମଧ୍ୟ ସାମିଲ ଅଛି, ଯିଏକି ୨୫୪୩ ବଲ୍ ବୋଲିଂ କରି ୧୫୦ ୱିକେଟ୍ ପୂରଣ କରିଥିଲେ।
* ହର୍ଷଲ ପଟେଲ - ୨,୩୮୧ ବଲ୍
* ଲସିଥ୍ ମାଲିଙ୍ଗା - ୨,୪୪୪ ବଲ୍
* ୟୁଜଭେନ୍ଦ୍ର ଚହଲ - ୨,୫୪୩ ବଲ
* ଡଓ୍ବେନ୍ ବ୍ରାଭୋ - ୨,୬୫୬ ବଲ୍
* ଜସପ୍ରିତ ବୁମ୍ରା - ୨,୮୩୨ ବଲ୍
ଲକ୍ଷ୍ନୌ ସୁପରଜାଏଣ୍ଟସ୍ ବିପକ୍ଷ ମ୍ୟାଚ୍ରେ ହର୍ଷଲ ପଟେଲ ବହୁତ ମହଙ୍ଗା ପ୍ରମାଣିତ ହୋଇଥିଲେ। ସେ ଏଡେନ୍ ମାକ୍ରମଙ୍କ ୱିକେଟ୍ ନେଇଥିଲେ। ଏହି ମ୍ୟାଚ୍ରେ ପଟେଲ ୪ ଓଭରରେ ୪୯ ରନ୍ ଦେଇଥିଲେ ଏବଂ କେବଳ ଗୋଟିଏ ୱିକେଟ୍ ନେଇଥିଲେ। ତମାମ ବୋଲିଂ ଭିତରେ ସେ ୨ଟି ନୋ-ବଲ୍ ପକାଇଥିଲେ ଏବଂ ୩୯ ବଲ୍ରେ ୬୫ ରନ୍ କରିଥିବା ମିଚେଲ୍ ମାର୍ଶଙ୍କ କ୍ୟାଚ୍ ମଧ୍ୟ ଛାଡ଼ିଥିଲେ। ହର୍ଷଲ ପଟେଲ ତାଙ୍କ ୧୧୬ ମ୍ୟାଚ୍ ବିଶିଷ୍ଟ ଆଇପିଏଲ କ୍ୟାରିୟରରେ ଏପର୍ଯ୍ୟନ୍ତ ୧୫୦ ୱିକେଟ୍ ନେଇଛନ୍ତି। ସେ ତାଙ୍କ ସମଗ୍ର କ୍ୟାରିୟରରେ ୮.୮୨ ଇକୋନୋମି ରେଟରେ ରନ୍ ଦେଇଛନ୍ତି।
ମ୍ୟାଚ୍ ମାମଲାରେ ପଛରେ ଅଛନ୍ତି ହର୍ଷଲ ପଟେଲ:
ମ୍ୟାଚ୍ ଦୃଷ୍ଟିରୁ ଦ୍ରୁତତମ ୧୫୦ ୱିକେଟ୍ ପୂରଣ କରିବାରେ ହର୍ଷଲ ପଟେଲ ଲାସିଥ୍ ମାଲିଙ୍ଗାଙ୍କ ପଛରେ ଅଛନ୍ତି। ସେ ୧୧୭ ମ୍ୟାଚ୍ ଖେଳି ଏହି ସଫଳତା ହାସଲ କରିଥିବା ବେଳେ ମାଲିଙ୍ଗା ୧୦୫ ମ୍ୟାଚ୍ ଖେଳି ଏହି ସଫଳତା ହାସଲ କରିଛନ୍ତି। ୟୁଜଭେନ୍ଦ୍ର ଚହଲ ୧୧୮ ମ୍ୟାଚ୍ରେ ୧୫୦ ୱିକେଟ୍ ପୂରଣ କରିଥିଲେ।
