ବିଣିକା,୨୫/୧୧: ଜାଡରେ ଥରୁଛି ସବର୍ଣ୍ଣପୁର । ଧୀରେ ଧୀରେ ତଳ ମୁହାଁ ହେଉଛି ପାରଦ । ୧୦ ଡିଗ୍ରୀ ତଳକୁ ଖସିଲା ପାରଦ । ଡେରିରେ ଆରମ୍ଭ ହୋଇଛି ଶୀତ କିନ୍ତୁ ଭାରି ଜାଡ଼ । ଉପାନ୍ତ ଅଞ୍ଚଳରେ ବୟସ୍କ ବୃଦ୍ଧ ବୃଦ୍ଧାଙ୍କ ପାଇଁ ସମସ୍ୟା ଦେଖା ଦେଉଛି । ସକାଳ ୯ଟା ପର୍ଯ୍ୟନ୍ତ କୁହୁଡିରେ ସାରା ଅଞ୍ଚଳ ଢାଙ୍କି ରଖିଥିବା ହେତୁ ଯାତାୟତ ପାଇଁ ବିଭିନ୍ନ ସମସ୍ୟା ଉପୁଜୁଛି । ରାସ୍ତାରେ ଯିବା ବେଳେ ୨୦ ମିଟର ପର୍ଯ୍ୟନ୍ତ କିଛିବି ଦେଖା ଯାଉନି । ଗାଡିମଟର ଲାଇଟ ଲଗାଇ ଯାତାୟାତ କରୁଛନ୍ତି ।
ଘନ କୁହୁଡି ସକାଶେ ରାସ୍ତା ଦେଖା ଯାଉନଥିବାରୁ ଗାଡି ମଟର ଚଳାଚଳରେ ଅସୁବିଧା ଉପୁଜୁଛି । ସନ୍ଧ୍ୟା ୭ ଟାରେ ମୁଖ୍ୟ ବଜାର ଜନଶୂନ୍ୟ ହୋଇଯାଉଛି । ନିଆଁ ଲଗାଇ ଶୀତ ଛଡାଉଛନ୍ତି ଅଞ୍ଚଳବାସୀ । ଶୀତ ବଢିବା ସଙ୍ଗେସଙ୍ଗେ ସକାଳୁ ସକାଳୁ ଶୀତୁଆ ଓଠକୁ ଗରମ ଚାର ମଜା ନେବାପଇଁ ଚାହା ଦୋକାନ ଗୁଡିକରେ ଭିଡ଼ ଜମୁଛି ।
