ବିଣିକା,୨୭/୧୧: ଚଳିତ ବର୍ଷ ବିଳମ୍ବରେ ଶୀତ ଆସିଥିଲେ ମଧ୍ୟ ଘନ କୁହୁଡ଼ି ସହ ଶୀତର ଲହରୀ ଦେଖାଦେଇଛି । ସୁବର୍ଣ୍ଣପୁର ଜିଲ୍ଲାରେ ଗତ କିଛି ଦିନ ହେବ ଘନ କୁହୁଡି ସକାଳ ୯ଟା ପର୍ଯ୍ୟନ୍ତ ପଡୁ ଥିବାରୁ ଯାନବାହାନ ଚଳାଚଳରେ ବାଧା ସୃଷ୍ଟି ହେଉଛି । ସେଥିପାଇଁ ଲାଇଟ ଲଗାଇ ଲୋକେ ଯାତାୟତ କରୁଛନ୍ତି । ସନ୍ଧ୍ୟା ୫ଟାରୁ ସକାଳ ୯ଟା ପର୍ଯ୍ୟନ୍ତ ଶୀତ ଲହରୀ ଜାରି ରହୁଛି । ଘନ କୁହୁଡିର ଆସ୍ତରଣରେ ଦିନ ୯ ଟା ପର୍ଯ୍ୟନ୍ତ ଢାଙ୍କି ରହୁଛି । ସକାଳୁ ସକାଳୁ ଲୋକେ ଶୀତର ମଜା ନେବା ପାଈଁ ମର୍ଣୀଙ୍ଗ ୱାକ କରୁଛନ୍ତି । ସକାଳୁ ସକାଳୁ ଲୋକେ ଗରମ ଗରମ ଜିନିଷ ଖାଇବା ସହ ଚା ଦୋକାନ ଗୁଡ଼ିକରେ ଭିଡ଼ ଲାଗୁଛି ।
ଶୀତରୁ ବର୍ତ୍ତିବା ପାଇଁ ଲୋକେ ଶୀତବସ୍ତ୍ର ପରିଧାନ କରୁଛନ୍ତି । ବିଭିନ୍ନ ସ୍ଥାନରେ ଲୋକେ ନିଆଁ ଜାଳି ଶୀତରୁ ରକ୍ଷା ପାଉଛନ୍ତି । ଶୀତ ପାଇଁ ସନ୍ଧ୍ୟା ସମୟରେ ଲୋକେ ଘରୁ ଆସୁନଥିବାରୁ ଦୋକାନ ବଜାରରେ ଜିନିଷ ବିକ୍ରି ଉପରେ ପ୍ରଭାବ ପକାଇବା ସହ ସକାଳ ସମୟର ଦୋକାନ ଖୋଲିବାର ବିଳମ୍ବ ହେଉଥିବା କହିଛନ୍ତି ବ୍ୟବସାୟୀ । ଏ ବର୍ଷ କିନ୍ତୁ ଶୀତ ପାଇଁ ପୂର୍ବ ବର୍ଷ ଅପେକ୍ଷା କମ୍ବଳ ବ୍ୟବସାୟ ଅଧିକ ହେଉଥିବା ବାହାର ରାଜ୍ୟରୁ ଆସିଥିବା ବୁଲା ବ୍ୟବସାୟୀ ମାନେ କହୁଛନ୍ତି । ଶୀତ ଅଧୁକ ହେଉଥିବାରୁ କମ୍ବଳ ବ୍ୟବସାୟ ଅଧିକ ହେଉଥିବାରୁ ବ୍ୟବସାୟୀ ମାନେ ମଧ୍ୟ ଖୁସି ଥିବା କହିଛନ୍ତି ।
