ଡେରାଡୁନ,୧୫/୦୬: ଅହମ୍ମଦାବାଦ ବିମାନ ଦୁର୍ଘଟଣା ଦୁଃଖ ଭିତରେ ଆଉ ଏକ ହେଲିକପ୍ଟର କ୍ରାସ୍ ହୋଇଛି । କେଦାରନାଥ ନିକଟରେ ଏକ ହେଲିକପ୍ଟର ଦୁର୍ଘଟଣା ହୋଇଛି । ଗୁପ୍ତକାଶୀ ଯାଉଥିବା ବେଳେ କେଦାରନାଥ ଗୌରୀକୁଣ୍ଡ ଜଙ୍ଗଲରେ ଖସି ପଡିଛି ହେଲିକପ୍ଟର । ଏଥିରେ ୭ ଜଣଙ୍କର ମୃତ୍ୟୁ ହୋଇଛି । ହେଲିକପ୍ଟରରେ ଜଣେ ଶିଶୁ ସମେତ ୫ ଜଣ ଯାତ୍ରୀ ଥିଲେ । ଦୁର୍ଘଟଣାସ୍ଥଳରେ ରେସ୍କ୍ୟୁ ଟିମ୍ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଘଟଣାରେ ଦୁଃଖ ପ୍ରକାଶ କରିଛନ୍ତି ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି । ୫ ମାସରେ ୨ଟି ହେଲିକପ୍ଟର ଦୁର୍ଘଟଣା ପରେ ଚାରଧାମ ଯାତ୍ରାରେ ହେଲିକପ୍ଟର ସେବା ଉପରେ ରୋକ୍ ଲାଗିଛି ।
ଭୋର ପ୍ରାୟ ୫ଟା୨୦ରେ ଆର୍ୟନ ବେସାମରିକର ଏକ ହେଲିକପ୍ଟର VTBKA/BELL ୪୦୭ ବିମାନ କେଦାରନାଥ ଗୁପ୍ତକାଶୀକୁ ଉଡ଼ାଣ ଭରିଥିଲା । ହେଲେ କୌଣସି କାରଣବଶତଃ କେଦାରନାଥ ଗୌରୀକୁଣ୍ଡରେ ଦୁର୍ଘଟଣାଗ୍ରସ୍ତ ହୋଇଛି । ଏଥିରେ ପାଇଲଟଙ୍କ ସମେତ ମୋଟ ୭ଜଣଙ୍କର ମୃତ୍ୟୁ ହୋଇଛି । ୫ ଯାତ୍ରୀଙ୍କ ମଧ୍ୟରେ ଜଣେ ଶିଶୁ ଥିଲେ । ଉତ୍ତରାଖଣ୍ଡ, ଉତ୍ତରପ୍ରଦେଶ, ମହାରାଷ୍ଟ୍ର ଓ ଗୁଜରାଟ ରାଜ୍ୟର ଯାତ୍ରୀ ଥିବା କୁହାଯାଉଛି । ଦୁର୍ଘଟଣାର ଖବର ପାଇଁ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
ସମସ୍ତ ମୃତକ ହେଲେ, କ୍ୟାପ୍ଟେନ୍ ରାଜବୀର ସିଂହ ଚୌହାନ (ପାଇଲଟ), ରାଜକୁମାର ସୁରେଶ ଜୈସ୍ୱାଲ (୪୧), ଶ୍ରଦ୍ଧା ରାଜକୁମାର ଜୈସ୍ୱାଲ (୩୫), କାଶି (୨୩ମାସ), ମହାରାଷ୍ଟ୍ରର ବିକ୍ରମ ( ୪୬), ବିନୋଦ କୁମାର (୬୬),ଏବଂ ତୁଷ୍ଟି ସିଂହ (୨୯) ।
ଘଟଣାରେ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ଦୁଃଖ ପ୍ରକାଶ କରିଛନ୍ତି । ଏକ୍ସରେ ଲେଖିଛନ୍ତି, ଜନପଦ ରୁଦ୍ରପ୍ରୟୋଗରେ ହେଲିକପ୍ଟର ଦୁର୍ଘଟଣାଗ୍ରସ୍ତ ହେବା ଅତ୍ୟନ୍ତ ଦୁଃଖଦ ଘଟଣା । ଏସଡିଆରଏଫ, ସ୍ଥାନୀୟ ପ୍ରଶାସନ ଏବଂ ଅନ୍ୟ ରେସ୍କ୍ୟୁ ଦଳ ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ବାବା କେଦାରନାଥଙ୍କୁ ସମସ୍ତ ଯାତ୍ରୀଙ୍କ ସୁସ୍ଥ କାମନା କରୁଛି ।''
Uttarakhand helicopter crash | Today, at around 5:20 am, a helicopter, which was going from Shri Kedarnath Dham to Guptkashi, has been reported to have crashed near Gaurikund. There were six passengers, including the pilot (5 adults and 1 child). The passengers in the helicopter… pic.twitter.com/AVGtuxWKGj
— ANI (@ANI) June 15, 2025
ଅଧିକ ପଢନ୍ତୁ...ନାଇଜେରିଆରେ ବନ୍ଧୁକଧାରୀଙ୍କ ତାଣ୍ଡବ; ବନ୍ଦ କୋଠରୀରେ ଜିଅନ୍ତା ଜାଳିଦେଲେ, ୧୦୦ ଜଣଙ୍କ ମୃତ୍ୟୁ
ଏହା ପୂର୍ବରୁ ଜୁନ୍ ୭ରେ କେଦାରନାଥ ଯାଉଥିବା ଏକ ହେଲିକପ୍ଟର ଯାନ୍ତ୍ରିକ ତ୍ରୁଟି ପାଇଁ ଦୁର୍ଘଟଣା ହୋଇଥିଲା । ସୌଭାଗ୍ୟବସତଃ ସମସ୍ତ ୫ ଯାତ୍ରୀ ଓ ପାଇଲଟ ଅଳ୍ପକେ ବର୍ତ୍ତି ଯାଇଥିଲେ । ଏହାପୂର୍ବରୁ ମେ ୧୭ରେ ଋଷିକେଶ ସ୍ଥିତ ଅଖିଳ ଭାରତୀୟ ଆୟୁବିଜ୍ଞାନୀ ସଂସ୍ଥାନରୁ ଆସୁଥିବା ଏକ ହେଲି ଆମ୍ବୁଲାନ୍ସ ଉତ୍ତରାଖଣ୍ଡର କେଦାରନାଥ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା । କାହାର କିଛି ହୋଇନଥିଲା । ହେଲିକପ୍ଟରରେ ଥିବା ଜଣେ ଡାକ୍ତର, ପାଇଲଟ ଓ ଜଣେ ବ୍ୟକ୍ତି ସୁରକ୍ଷିତ ଥିଲେ ।
