ଭୁବନେଶ୍ୱର, ୦୧/୦୫: ଅନୁପ୍ରବେଶକାରୀଙ୍କୁ ରୋକିବା ପାଇଁ ଓଡିଶା-ପଶ୍ଚିମବଙ୍ଗ ସୀମାରେ କଡା ଚେକିଂ କରୁଛି ପୋଲିସ । ବାଲେଶ୍ୱର ଏସ୍ପିଙ୍କ ନିର୍ଦ୍ଦେଶ କ୍ରମେ ତାଳସାରି ସାମୁଦ୍ରିକ ପୋଲିସ ପକ୍ଷରୁ ଓଡ଼ିଶା ଭିତରକୁ ପଶ୍ଚିମବଙ୍ଗରୁ ଆସୁଥିବା ଗାଡି ମଟର ତଥା ଲୋକ ମାନଙ୍କ ସମସ୍ତ କାଗଜ ପତ୍ର ଯାଞ୍ଚ କରାଯାଉଥିବା ଦେଖିବାକୁ ମିଳିଛି ।
ଏହି ଯାଞ୍ଚ ପ୍ରକ୍ରିୟା ଭୋଗରାଇ ଦେଇ ପଶ୍ଚିମବଙ୍ଗକୁ ଗଳାବାଟ ସଂଯୋଗ କରୁଥିବା କମର୍ଦ୍ଦା, କଖଡ଼ା ସାହାବାଜିପୁର ,ବାଜିତପୁର ,ଅନଳିଆ ଆଦି ବିଭିନ୍ନ ସ୍ଥାନରେ ପୋଲିସ ନାକା ଲଗାଇ ଚେକ୍ କରୁଛନ୍ତି । ଅନିର୍ଦ୍ଧିଷ୍ଟ କାଳ ପାଇଁ ଏହି ପ୍ରକ୍ରିୟା ଚାଲୁରହିବ ବୋଲି ତାଳସାରି ପୋଲିସ ସୂଚନା ଦେଇଛି । ଏହା ସହିତ ଓଡ଼ିଶାରୁ ପଶ୍ଚିମବଙ୍ଗକୁ ଯାଉଥିବା ଲଘୁଖଣିଜ ସମ୍ପଦ ଉପରେ ରୋକ ଲାଗିବ ବୋଲି ସୂଚନା ଦେଇଛନ୍ତି ।
