ନୂଆଦିଲ୍ଲୀ,୧୦/୦୩; ନକଆଉଟ୍ ମ୍ୟାଚରେ ୯୭ ନଟ୍ଆଉଟ୍ । ସେମିଫାଇନାଲରେ ୮୯ ଆଉ ଫାଇନାଲରେ ୮୯ । ବ୍ୟାକ୍ ଟୁ ବ୍ୟାକ୍ ବଡ଼ ଇନିଂସ । ଏହାକୁ ହିଁ କୁହାଯାଏ ଗ୍ରାଣ୍ଡ କମବ୍ୟାକ । ଦିନେ ବେଞ୍ଚରେ ବସିଥିଲେ, ସୁଯୋଗ ମିଳିବା ମାତ୍ରେ ନକଆଉଟ୍ ମ୍ୟାଚରେ ହିରୋ । ସାନଦାର ସଞ୍ଜୁ । ସୁପର ସାମସନ । ଭାରତ ଲଗାତାର ବିଶ୍ୱକପ ବିଜୟୀ ହେବା ପରେ ସମସ୍ତଙ୍କ ମୁହଁରେ ସଞ୍ଜୁଙ୍କ ପ୍ରଶଂସା । ଟି-ଟ୍ୱେଣ୍ଟି ବିଶ୍ୱକପ୍ ପୂର୍ବରୁ ସଞ୍ଜୁ ସାମସନ ନାଁ କେଉଁଠି ଥିଲା । ସଞ୍ଜୁ ଦଳରେ ସ୍ଥାନ ପାଇବା ନେଇ ସଂଘର୍ଷ କରୁଥିଲେ । ଆଜି ସେ ଟିମ୍ ଇଣ୍ଡିଆର ଷ୍ଟାର ପ୍ଲେୟାର । ସୁନାପୁଅ ସଞ୍ଜୁ । ଲଗାତା ୩ ବଡ ମ୍ୟାଚରେ ବିସ୍ଫୋରଣ ଇନିଂସ ଖେଳିଛନ୍ତି ସଞ୍ଜୁ । ୫ ମ୍ୟାଚରେ ୩୨୧ରନ୍ କରି ପ୍ଲେୟାର ଅଫ୍ ଦି ଟୁର୍ଣ୍ଣାମେଣ୍ଟ ହୋଇଛନ୍ତି । ତେବେ ତାଙ୍କର ଏହି ଫର୍ମ ସେ କିପରି ଫେରି ପାଇଛନ୍ତି ତାର ଖୁଲାସା ହୋଇଛି ।
ସଞ୍ଜୁ ଏମିତି ଫେରି ପାଇଳେ ଫର୍ମ- ଗଣମାଧ୍ୟମ ସହିତ କଥାବାର୍ତ୍ତା ହୋଇ ସାମସନ କହିଛନ୍ତି, ସେ ଏହି ବିଶ୍ୱକପ୍ ପାଇଁ ଏକ ସମ୍ପୂର୍ଣ୍ଣ ଭିନ୍ନ ଯୋଜନା ଗ୍ରହଣ କରିଥିଲେ, ଯାହା ତାଙ୍କୁ ତାଙ୍କର ହଜିଯାଇଥିବା ଫର୍ମ ଫେରିପାଇବାରେ ସାହାଯ୍ୟ କରିଥିଲା । ଟି-୨୦ ବିଶ୍ୱକପ୍ ପୂର୍ବରୁ ନ୍ୟୁଜିଲାଣ୍ଡ ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜରେ ସେ ସମ୍ପୂର୍ଣ୍ଣ ବିଫଳ ହୋଇଥିଲେ । ଏହି ସିରିଜରେ ତାଙ୍କର ଖରାପ ପ୍ରଦର୍ଶନ ବିଷୟରେ କହିବାକୁ ଗଲେ, ସେ କହିଛନ୍ତି, "ପୂର୍ବରୁ, ମୁଁ ପ୍ରତ୍ୟେକ ବଲରେ ବଡ଼ ସଟ୍ ମାରିବାକୁ ଚେଷ୍ଟା କରୁଥିଲି, କିନ୍ତୁ ସେହି ପଦ୍ଧତି କାମ କରିନଥିଲା । ମୁଁ ଅନେକ ବିଫଳତାର ସମ୍ମୁଖୀନ ହୋଇ ଶିକ୍ଷା ପାଇଥିଲି। ନ୍ୟୁଜିଲାଣ୍ଡ ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ସିରିଜରେ, ମୁଁ ମୋର ଷ୍ଟ୍ରାଇକ୍ ରେଟ୍ ବୃଦ୍ଧି କରିବା ଉପରେ ଧ୍ୟାନ ଦେଇଥିଲି, କିନ୍ତୁ ଏହା ଫଳାଫଳ ଦେଇ ନଥିଲା। ଶେଷରେ, ମୁଁ ବିଶ୍ୱକପ୍ ପୂର୍ବରୁ ଏକ ନୂତନ ଖେଳ ଯୋଜନା ବିକଶିତ କରିଥିଲି, ଯାହା ମୋ ପାଇଁ ଖେଳ ପରିବର୍ତ୍ତନକାରୀ ପ୍ରମାଣିତ ହୋଇଥିଲା। "
୨୫ ମିନିଟ୍ର ଫୋନ୍ କଲ୍- ସଚିନ ତେନ୍ଦୁଲକରଙ୍କ ଖରାପ ସମୟରେ ତାଙ୍କ ସମର୍ଥନକୁ ସାମସନ ତାଙ୍କର ସବୁଠାରୁ ବଡ଼ ସମର୍ଥନ ବୋଲି ବର୍ଣ୍ଣନା କରିଛନ୍ତି । ସେ କହିଥିଲେ ଯେ, ସେ କିଛି ସମୟ ଧରି ସଚିନ ସାର୍ଙ୍କ ସହ ନିରନ୍ତର ଯୋଗାଯୋଗରେ ଥିଲେ । ଓଚଖ ସମୟରେ ବୈଠକ ବ୍ୟତୀତ, ସେମାନେ ମେସେଜ ମାଧ୍ୟମରେ ମଧ୍ୟ ଯୋଗାଯୋଗ କରୁଥିଲେ । ଯେତେବେଳେ ତାଙ୍କର ଫର୍ମ ସବୁଠାରୁ କମ ଥିଲା, ସେତେବେଳେ ସଚିନଙ୍କ ନାମ ପ୍ରଥମେ ତାଙ୍କ ମନକୁ ଆସିଥିଲା । ସାମସନ କହିଥିଲେ, "ମୁଁ ତାଙ୍କ ସହିତ ଯୋଗାଯୋଗ କରିଥିଲି ଏବଂ ସେ ପ୍ରାୟ ୨୫ ମିନିଟ୍ ପର୍ଯ୍ୟନ୍ତ ହୃଦୟର ସହିତ କଥା ହୋଇଥିଲେ । ସେ ତାଙ୍କ କ୍ୟାରିୟରର କଷ୍ଟକର ସମୟ, ଚିନ୍ତାଧାରା, ଅଭ୍ୟାସ ଏବଂ ପରିସ୍ଥିତି ସହିତ ମୁକାବିଲା କରିବାର ତାଙ୍କର ଅଭିଜ୍ଞତା ବାଣ୍ଟିଥିଲେ । ତାଙ୍କ ପରାମର୍ଶ ମୋତେ ଶକ୍ତି ଦେଇଥିଲା । ଫାଇନାଲ ମ୍ୟାଚ୍ ପୂର୍ବରୁ ସଞ୍ଜୁ ସାମସନ ମଧ୍ୟ ସଚିନଙ୍କ ସହ କଥା ହୋଇଥିଲେ ।
ଏହା ବି ପଢନ୍ତୁ...ଭାବପ୍ରବଣ ହେଲେ ସଞ୍ଜୁ ସମାସନ, ବିଶ୍ବକପ ଜିତିବା ପରେ ସ୍ତ୍ରୀଙ୍କ ପାଇଁ ଲେଖିଲେ ଏମିତି
ବିଶ୍ୱକପ ବିଜୟ ପରେ ସଚିନଙ୍କୁ ଧନ୍ୟବାଦ ଦେଇ ସଞ୍ଜୁ କହିଛନ୍ତି, ‘ଅଷ୍ଟ୍ରେଲିଆ ଗସ୍ତରେ ଦଳରେ ସ୍ଥାନ ନପାଇବା ପରେ ମୁଁ ସଚିନ ସାରଙ୍କୁ ଭେଟିଥିଲି । ମୁଁ ଯେଉଁ ଚାପରେ ଥିଲି ସେ ମୋତେ ଦିଗଦର୍ଶନ ଦେଇଥିଲେ । ମୁଁ ଚାପ ମୁକ୍ତ ହୋଇଥିଲି । ଗତକାଲି ସେ ମୋତେ ଫୋନ କରିଥିଲେ ଏବଂ ସବୁ କଥା ପଚାରି ବୁଝିଥିଲେ । ସାରଙ୍କ ପାଖରେ ମୁଁ କୃତଜ୍ଞ । ସଞ୍ଜୁ-ଇଶାନ ଉଦାହରଣ ପାଲଟିଛନ୍ତି । କାରଣ ଭଗବାନ ସେମାନଙ୍କର ଧୈର୍ଯ୍ୟର ପରୀକ୍ଷା ନିଅନ୍ତି ଯାହାଙ୍କ ପାଖରେ ତାକୁ ସାମ୍ନା କରିବାର ଶକ୍ତି ଥାଏ ।
