ଭୁବନେଶ୍ୱର,୦୧/୦୨: ଅବକାରୀ ବିଭାଗର ବଡ଼ ଧରଣର ଚଢ଼ାଉ । ଯଶିପୁର, ସୁକ୍ରୁଳି, କରଞ୍ଜିଆ ଓ ଠାକୁରମୁଣ୍ଡା ଅବକାରୀ ବିଭାଗର ମିଳିତ ଚଢ଼ାଉ । ଦରି ନିକଟସ୍ଥ ଜରା ନାଳ ନିକଟରେ ଦେଶୀ ମଦ ପ୍ରସ୍ତୁତ ହେଉଥିବାରୁ ସେଠାରେ ଚଢାଉ କରି ୫୮୦୦ ଲିଟର ମହୁଲ ପୋଚ ନଷ୍ଟ କରିବା ସହ ୧୨୦ ଲିଟର ଦେଶୀ ମହୁଲି ମଦ ଜବତ କରିଛି ଅବକାରୀ ବିଭାଗ ।
ସୂଚନା ମୁତାବକ, କରଞ୍ଜିଆ ଥାନା ଦରି ନିକଟସ୍ଥ ଜରା ନାଳ ନିକଟରେ ମଦ ପ୍ରସ୍ତୁତ କରାଯାଉଥିବା ନେଇ ଅବକାରୀ ବିଭାଗ ଏକ ବିଶେଷ ସୂତ୍ରରୁ ଖବର ପାଇଥିଲା । ଖବର ପାଇ ଦେଶୀ ମଦ ରନ୍ଧା ଯାଉଥିବା ସମୟରେ ଉକ୍ତ ସ୍ଥାନରେ ଚଢ଼ାଉ କଲା ଅବକାରୀ ବିଭାଗ । ଚଢ଼ାଉ ସମୟରେ ସମସ୍ତ ମଦ ମାଫିଆ ଫେରାର ହୋଇଯାଇଥିବା ବେଳେ ବିପୁଳ ପରିମାଣର ମହୁଲ ପୋଚ ନଷ୍ଟ କରାଯାଇ ଦେଶୀ ମଦ ଜବତ କରାଯାଇଛି । ଉକ୍ତ ସ୍ଥାନରୁ ୫୮୦୦ ଲିଟର ମହୁଲ ପୋଚ ନଷ୍ଟ କରିବା ସହ ୧୨୦ ଲିଟର ଦେଶୀ ମହୁଲି ମଦ ଜବତ ହୋଇଛି । ଏନେଇ ସମସ୍ତ ସୂଚନା ଅବକାରୀ ବିଭାଗ ପକ୍ଷରୁ ଦିଆଯାଇଛି ।
ଗାଡ଼ିରେ ବୀମା ନଥିଲେ ଜରିମାନା, ରାଜ୍ୟର ୨୨ ଟୋଲ୍ ଗେଟ୍ରେ ଇ-ଡିଟେକ୍ସନ୍ ଜରିଆରେ କଟିବ ଚାଲାଣ
