ଲକ୍ଷ୍ନୌ: ସନରାଇଜର୍ସ ହାଇଦ୍ରାବାଦ (SRH) ଆଇପିଏଲ ୨୦୨୫ର ୬୫ତମ ମ୍ୟାଚରେ ରୟାଲ୍ସ ଚ୍ୟାଲେଞ୍ଜର୍ସ ବେଙ୍ଗାଲୁରୁ (RCB)କୁ ୪୨ ରନରେ ପରାସ୍ତ କରିଛି। ଲକ୍ଷ୍ନୌର ଏକାନା ଷ୍ଟାଡିୟମରେ ହେଉଥିବା ଆଜିର ମ୍ୟାଚରେ ବେଙ୍ଗାଲୁରୁ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା।

ହାଇଦ୍ରାବାଦ ୨୦ ଓଭରରେ ୬ ୱିକେଟ୍ ହରାଇ ୨୩୧ ରନ୍ ସଂଗ୍ରହ କରିଥିଲା। ଜବାବରେ ବେଙ୍ଗାଲୁରୁ ୧୯.୫ ଓଭର ସୁଦ୍ଧା ୧୮୯ ରନ କରି ଅଲଆଉଟ୍ ହୋଇଯାଇଥିଲା। ଦଳ ପକ୍ଷରୁ ଫିଲ୍ ସଲ୍ଟ ୬୨ ରନ ହାସଲ କରିଥିଲେ ଏବଂ ବିରାଟ କୋହଲି ୪୩ ରନ କରି ଆଉଟ ହୋଇଯାଇଥିଲେ। ପ୍ୟାଟ୍ କମିନ୍ସ ୩ଟି ୱିକେଟ ନେଇଥିଲେ। ହର୍ଷଲ ପଟେଲ ଏବଂ ଇଶାନ ମାଲିଙ୍ଗା ଦୁଇଟି ଲେଖାଏଁ ୱିକେଟ ନେଇଥିଲେ।

ହାଇଦ୍ରାବାଦ ପକ୍ଷରୁ ଇଶାନ କିଷନ ୪୮ ବଲ୍ ରେ ୯୪ ରନର ଅପରାଜିତ ଇନିଂସ ଖେଳିଥିଲେ। ତାଙ୍କ ଇନିଂସରେ ୭ଟି ଚୌକା ଏବଂ ୫ଟି ଛକା ରହିଥିଲା। ଇଶାନଙ୍କ ବ୍ୟତୀତ ଅଭିଷେକ ଶର୍ମା ୩୪, ଅନିକେତ ବର୍ମା ୨୬ ଏବଂ ହେନରିଚ୍ କ୍ଲାସେନ୍ ୨୪ ରନ ହାସଲ କରିଥିଲେ। ରୋମାରିଓ ସେଫର୍ଡ ୨ଟି ୱିକେଟ ନେଇଥିଲେ।