ନୂଆଦିଲ୍ଲୀ,୧୫/୧୦: ଆଜି ଖୋଲିବ କୋରିଆ ଭିତ୍ତିକ କାର ନିର୍ମାଣକାରୀ କମ୍ପାନି ହ୍ୟୁଣ୍ଡାଇ ଆଇପିଓ । ଏହି ଆଇପିଓ ଜରିଆରେ କମ୍ପାନି ପୁଞ୍ଜି ବଜାରରୁ ୨୭,୮୫୬ କୋଟି ଟଙ୍କା ଉଠାଇବା ଯୋଜନା ରଖିଛି । ଏହା ଦେଶର ସବୁଠାରୁ ବଡ ଆଇପିଓ ହେବ । ଏହା ପୂର୍ବରୁ ଦେଶର ସବୁଠାରୁ ବଡ ଆଇପିଓ ରେକର୍ଡ ଭାରତୀୟ ଜୀବନ ବୀମା ନିଗମ (ଏଲ୍ଆଇସି) ନାମରେ ଥିଲା । ଏଲ୍ଆଇସି ୨୦,୫୫୭ କୋଟି ଟଙ୍କା ବଜାରରୁ ଉଠାଇଥିଲା ।
ଇଟିର ଏକ ରିପୋର୍ଟ ମୁତାବକ, ୧୨ ବ୍ରୋକରେଜ ହ୍ୟୁଣ୍ଡାଇ ମୋଟର ଇଣ୍ଡିଆ ଆଇପିଓକୁ ସବ୍ସ୍କ୍ରାଇବ ରେଟିଂ ପ୍ରଦାନ କରିଛନ୍ତି । ୧୭ ଅକ୍ଟୋବର ଯାଏ ଏଥିଲାଗି ବିଡିଂ କରିପାରିବେ ନିବେଶକ । ୨୨ ଅକ୍ଟୋବରରେ ଏହି କମ୍ପାନିର ଶେୟାର ବମ୍ବେ ଷ୍ଟକ ବଜାର ଏବଂ ନ୍ୟାଶନାଲ ଷ୍ଟକ ଏକ୍ସଚେଞ୍ଜରେ ଲିଷ୍ଟିଂ ହେବ । କମ୍ପାନିର ବର୍ତ୍ତମାନର ନିବେଶକ ଅଫର ଫର୍ ସେଲ୍ ବା ଓଏଫ୍ଏସ୍ ଜରିଆରେ ନିବେଶ କରିବାର ସୁଯୋଗ ପାଇବେ । ସର୍ବନିମ୍ନ ନିବେଶ ୧୩,୭୨୦ ଟଙ୍କା ରହିଛି ।
