ଦୁବାଇ,୨୪/୧୦: ସଦ୍ୟ ପ୍ରକାଶିତ ଆଇସିସି ଟେଷ୍ଟ ମାନ୍ୟତାରେ ଭାରତୀୟଙ୍କ ଉନ୍ନତି ହୋଇଛି । ବ୍ୟାଟିଂ ବର୍ଗରେ ରିଷଭ ପନ୍ତ ଷଷ୍ଠକୁ ଉନ୍ନୀତ ହୋଇଛନ୍ତି । ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଟେଷ୍ଟର ଦ୍ୱିତୀୟ ଇନିଂସରେ ସେ ୯୯ ରନ୍ର ଇନିଂସ ଖେଳିଥିଲେ । ଏହି ପ୍ରଦର୍ଶନ ବଳରେ ତାଙ୍କ ମାନ୍ୟତାରେ ୩ଟି ସ୍ଥାନ ଉନ୍ନତି ହୋଇଥିଲା । ଅନ୍ୟ ଭାରତୀୟଙ୍କ ମଧ୍ୟରେ ଶ୍ରେଷ୍ଠ ୧୦ଜଣଙ୍କ ମଧ୍ୟରେ ଯଶସ୍ୱୀ ଜୈସ୍ୱାଲ୍ ଓ ବିରାଟ କୋହଲି ରହିଛନ୍ତି । ଜୈସ୍ୱାଲ୍ ଚତୁର୍ଥ ସ୍ଥାନ ବଜାୟ ରଖିଛନ୍ତି । କୋହଲିଙ୍କ ମାନ୍ୟତାରେ ଗୋଟିଏ ସ୍ଥାନ ଅବନତି ହୋଇଛି ଓ ସେ ଅଷ୍ଟମ ସ୍ଥାନରେ ପହଞ୍ଚିଛନ୍ତି । ପ୍ରଥମ ଟେଷ୍ଟର ଦ୍ୱିତୀୟ ଇନିଂସରେ କୋହଲି ୭୦ ରନ୍ର ଏକ ଦାୟିତ୍ୱପୂର୍ଣ୍ଣ ଇନିଂସ ଖେଳିଥିଲେ ।
ପ୍ରଥମ ଟେଷ୍ଟରେ ଅର୍ଦ୍ଧଶତକ ସତ୍ତେ୍ୱ ରୋହିତ ଶର୍ମାଙ୍କ ମାନ୍ୟତାରେ ୨ଟି ସ୍ଥାନ ଅବନତି ହୋଇଛି । ସେ ବର୍ତ୍ତମାନ ୧୬ତମ ସ୍ଥାନକୁ ଖସିଛନ୍ତି । ସେହପରି ପ୍ରଥମ ଟେଷ୍ଟ ଖେଳିନଥିବା ଶୁଭମନ ଗିଲ୍ ୪ଟି ସ୍ଥାନ ତଳକୁ ଖସି ୨୦ତମ ସ୍ଥାନରେ ପହଞ୍ଚିଛନ୍ତି । ବୋଲିଂ ମାନ୍ୟତାରେ ତାଲିକାରେ ଯଶପ୍ରୀତ ବୁମରା ଓ ରବି ଅଶ୍ୱିନ ପ୍ରଥମ ୨ଟି ଯାକ ସ୍ଥାନ ବଜାୟ ରଖିଥିବାବେଳେ ରବିନ୍ଦ୍ର ଜାଡେଜା ସପ୍ତମ ସ୍ଥାନରେ ରହିଛନ୍ତି।
