ବିଶାଖାପଟ୍ଟନମ,୨୬/୧୦: ଆଜି ବିଶାଖାପଟ୍ଟନମ୍ରେ ଇଂଲଣ୍ଡ ଓ ନ୍ୟୁଜିଲାଣ୍ଡ ମଧ୍ୟରେ ଏକ ଲିଗ ମ୍ୟାଚ୍ ଖେଳାଯିବ । ନ୍ୟୁଜିଲାଣ୍ଡ ସେମି ଫାଇନାଲ୍ ଦୌଡ଼ରୁ ବାଦ ପଡ଼ି ସାରିଛି। ତେଣୁ ବିଜୟ ସହ ସମ୍ମାନ ବଞ୍ଚାଇବାକୁ ଦଳ ଉଦ୍ୟମ କରିବ । ଇଂଲଣ୍ଡ ଦଳ ଚମତ୍କାର ଫର୍ମରେ ରହିଥିବାରୁ ଏକ ସଂଘର୍ଷପୂର୍ଣ୍ଣ ମ୍ୟାଚ ଦେଖିବାକୁ ମିଳିବ ।
ଶୋଫି ଡିଭାଇନ୍, ସୁଜି ବେଟ୍ସଙ୍କ ଭଳି ମହାନ ତାରକା ବିଶ୍ୱକପର ଶେଷ ମ୍ୟାଚ୍ ଖେଳିବେ । ଉଭୟ ଅବସର ନେବାକୁ ନିଷ୍ପତ୍ତି ନେଇ ସାରିଛନ୍ତି । ତେଣୁ ଦର୍ଶକଙ୍କ ନଜର ସେମାନଙ୍କ ପ୍ରଦର୍ଶନ ଉପରେ ନ୍ୟସ୍ତ ରହିବ । ଇଂଲଣ୍ଡର ପଲା ଭାରି ରହିଥିଲେ ହେଁ ନ୍ୟୁଜିଲାଣ୍ଡ ଅଲ୍ରାଉଣ୍ଡ ପ୍ରଦର୍ଶନ କରିବାରେ ସିଦ୍ଧହସ୍ତ ।
ନାତାଲି ସ୍କିଭର-ବ୍ରଣ୍ଟ, ହିଥର ନାଇଟ୍, ଶୋଫି ଏକ୍ଲେଷ୍ଟୋନ ପ୍ରମୁଖ ଚମତ୍କାର ଫର୍ମରେ ରହିଛନ୍ତି । ତଥାପି ଲିନସେ ସ୍ମିଥ୍ଙ୍କ ଯାଦୁକରୀ ସ୍ପିନ୍ ବୋଲିଂ ପ୍ରତି ନ୍ୟୁଜିଲାଣ୍ଡକୁ ସତର୍କ ରହିବାକୁ ହେବ । ଏସିଏ-ଭିଟିସିଏ ଗ୍ରାଉଣ୍ଡର ପିଚ୍ ବ୍ୟାଟିଂ ପାଇଁ ଅନୁକୂଳ ରହିବ । ମାତ୍ର ଏଠାରେ ସ୍ପିନରମାନେ ପିଚ୍ର ଭରପୁର ଫାଇଦା ଉଠାଇ ପାରିବେ । ଦିନରେ ମ୍ୟାଚ୍ ରହିଥିବାରୁ ଟସ୍ ସେଭଳି ଗରୁତ୍ୱ ରଖିବ ନାହିଁ । ତଥାପି ରବିବାର ବିଶାଳ ସ୍କୋର ହେବା ଆଶା କରାଯାଉଛି ।
ସମ୍ଭାବ୍ୟ ଦଳ
ଇଂଲଣ୍ଡ: ତାମି ବ୍ୟୁମୋଣ୍ଟ, ଆମି ଜୋନ୍ସ, ହିଥର ନାଇଟ, ନାତାଲି ସ୍କିଭର-ବ୍ରଣ୍ଟ (ଅଧିନାୟିକା), ଶୋଫିଆ ଡଙ୍କଲି, ଏମା ଲାମ୍ବ, ଆଲିସ କ୍ୟାପସି, ଚାର୍ଲି ଡିନ, ଶୋଫି ଏକ୍ଲେଷ୍ଟୋନ, ଲିନସେ ସ୍ମିଥ, ଲାଉରେନ ବେଲ ।
ନ୍ୟୁଜିଲାଣ୍ଡ: ସୁଜି ବେଟ୍ସ, ଜର୍ଜିୟା ପ୍ଲିମର, ଆମେଲିଆ କେର, ଶୋଫି ଡିଭାଇନ (ଅଧିନାୟିକା), ବ୍ରୁକ ହାଲିଡେ, ମାଡି ଗ୍ରୀନ, ଇସାବେଲା ଗେଜ, ଜେସ କେର/ରୋଜମେରୀ ମାଇର, ଲି ତାହୁହୁ, ଏଡେନ କାର୍ସନ, ବ୍ରି ଇଲିଂ ।
