ନୂଆଦିଲ୍ଲୀ – ଦେଶରେ ଭିନ୍ନ ଭିନ୍ନ ରାଜ୍ୟରେ ଲୁ ଓ ଉତ୍ତାପରେ ଲୋକ ଖୁବ୍ ହନ୍ତସନ୍ତ ହେଉଛନ୍ତି। ଭାରତୀୟ ପାଣିପାଗ ବିଜ୍ଞାନ ବିଭାଗ (ଆଇଏମଡି) ମୁତାବିକ , ପୂର୍ବ ଭାରତରେ ଲୁ' ର ସ୍ଥିତି ଜାରି ରହିବାର ସମ୍ଭାବନା ରହିଛି। ଆଗାମୀ ୫ଦିନ ଯାଏ ଦକ୍ଷିଣ ଇନସୁଲାର ଭାରତର କିଛି ଭାଗରେ ଲୁ ପ୍ରବାହର ସ୍ଥିତି ଜାରି ରହିବ। ଏହା ବ୍ୟତୀତ ୨୩ ଓ ୨୪ ଅପ୍ରେଲକୁ ପୂର୍ବୋତ୍ତର ଭାରତରେ ଭିନ୍ନ ଭିନ୍ନ ସ୍ଥାନରେ ପ୍ରବଳ ବେଗରେ ପବନ ବହିବା ସହ ଖୁବ୍ ବର୍ଷା ହେବାର ସମ୍ଭାବନା ରହିଛି।
ଆସାମ ଓ ମେଘାଳୟ, କେରଳ ଓ ମାହେରେ କିଛି ସ୍ଥାନରେ ଏବଂ ପଞ୍ଜାବ, ପଶ୍ଚିମ ଉତ୍ତର ପ୍ରଦେଶ , ମଧ୍ୟ ମହାରାଷ୍ଟ୍ର , ମରାଠାୱାଡା , ଛତିଶଗଡ଼ , ପଶ୍ଚିମବଙ୍ଗ ଓ ସିକ୍କିମ , ବିହାର , ଝାଡ଼ଖଣ୍ଡ , ଓଡ଼ିଶାରେ ଅଲଗା ଅଲଗା ସ୍ଥାନରେ ଘଡ଼ଘଡ଼ି ସହ ହାଲକାରୁ ମଧ୍ୟମ ଧରଣର ବର୍ଷାର ସମ୍ଭାବନା ରହିଛି। ମଧ୍ୟ ପ୍ରଦେଶ , ବିଦର୍ଭ ,ତଟୀୟ ଆନ୍ଧ୍ର ପ୍ରଦେଶ ଓ ୟନମ , ତେଲେଙ୍ଗାନା , କର୍ଣ୍ଣାଟକ, ତାମିଲନାଡୁ, ପୁଡୁଚେରୀ ଓ କରାଇକଲରେ ମଧ୍ୟ ଘଡ଼ଘଡ଼ି ସହ ହାଲକା ବର୍ଷା ହେବାର ସମ୍ଭାବନା ରହିଛି।
ଅନ୍ୟପଟେ ୨୩,୨୬ ଓ ୨୭ ତାରିଖରେ ପଞ୍ଜାବ ଓ ହରିଆଣା-ଚଣ୍ଡିଗଡ଼-ଦିଲ୍ଲୀରେ ବଜ୍ରପାତ ଓ ଖୁବ୍ ପବନ ( ୩୦-୪୦ କି.ମି ପ୍ରତି ଘଣ୍ଟା)ର ସହ ମଧ୍ୟମଧରଣର ବର୍ଷା ହେବାର ସମ୍ଭାବନା ରହିଛି।୨୬ରେ ପୂର୍ବ ରାଜସ୍ଥାନ, ୨୩ ଅପ୍ରେଲରେ ଉତ୍ତର ପ୍ରଦେଶରେ ବର୍ଷାର ସ୍ଥିତି ଜାରି ରହିଛି। ୨୬ ଓ ୨୭ ଅପ୍ରେଲରେ ପଞ୍ଜାବ ଓ ହରିଆଣାରେ କୁଆପଥର ବର୍ଷାର ସମ୍ଭାବନା ରହିଛି।