ନୂଆଦିଲ୍ଲୀ: ମହାରାଷ୍ଟ୍ରର ୱାଶିମରେ ବଡ ଧରଣର ଏକ ସଡକ ଦୁର୍ଘଟଣା ହୋଇଛି । ଦୁଇଟି କାର ମଧ୍ୟରେ ମୁହାଁମୁହିଁ ଧକ୍କା ହୋଇଛି । ଏହି ଦୁର୍ଘଟଣାରେ ୬ ଜଣଙ୍କର ମୃତ୍ୟୁ ହୋଇଛି । କୁହାଯାଉଛି ଯେ ଦ୍ରୁତ ଗତିରେ ଯାତ୍ରା କରୁଥିବା ଦୁଇଟି କାର ଆକୋଲା ପାଟୁର ନିକଟରେ ପରସ୍ପର ସହ ମୁହାଁମୁହିଁ ଧକ୍କା ହୋଇଛି । ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚିଛି ।
ପୋଲିସର ସୂଚନାନୁସାରେ, ଯେଉଁ କାର୍ରେ ଦୁର୍ଘଟଣା ଘଟିଛି, ସେଥିରେ ଏମଏଲସି କିରଣ ସରନାଇକଙ୍କ ପରିବାର ସଦସ୍ୟ ବସିଥିଲେ । ତାଙ୍କ ପରିବାରର ଚାରିଜଣ ସଦସ୍ୟଙ୍କ ମୃତ୍ୟୁ ହୋଇଛି । ପୋଲିସ ଏନେଇ ସୂଚନା ଦେଇଛି । କୁହାଯାଉଛି କି କାରରେ କିରଣ ସରନାଇକଙ୍କ ଭାଇ, ପୁତୁରା, ଝିଅ ଏବଂ ଭଉଣୀ ଯାତ୍ରା କରୁଥିଲେ। ଦୁର୍ଘଟଣା ଏତେ ଭୟଙ୍କର ଥିଲା ଯେ ଦୁଇଟି କାର ଖଣ୍ଡ ଖଣ୍ଡ ହୋଇଯାଇଛି ।
ସୂଚନାଥାଉକି,ଯେ କିରଣ ସରନାଇକ୍ ୨୦୨୦ ମସିହାରେ ଟିଚର କ୍ଷେତ୍ରରୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ । ସେ ଜଣେ ସ୍ୱାଧୀନ ପ୍ରାର୍ଥୀ ଭାବରେ ଜିତିଥିଲେ । ପରେ ସେ ଏକନାଥ ସିନ୍ଦେ ଦଳର ଶିବସେନାରେ ଯୋଗ ଦେଇଥିଲେ ।