ନୂଆଦିଲ୍ଲୀ,୧୮।୧: ବିଶ୍ବର ସବୁ ସ୍ଥାନ ସମାନ ନଥାଏ। କେଉଁଠି ଦିନ ଥାଏ ତ ଆଉ କେଉଁଠି ରାତି ଥାଏ। ତେବେ ବିଶ୍ବର ଏଭଳି କିଛି ଦେଶ ରହିଛି ଯେଉଁଠି ମାସ ମାସ ପର୍ଯ୍ୟନ୍ତ ସୂର୍ଯ୍ୟ ଅସ୍ତ ହୁଅନ୍ତି ନାହିଁ। ଥରେ ଯଦି ଅସ୍ତହୁଏ ତେବେ ବହୁ ଦିନ ପର୍ଯ୍ୟନ୍ତ ରାତି ହୋଇ ରହିଥାଏ। ଆଉ ଏଭଳି ମଧ୍ୟ ଦେଶ ଅଛି ଯେଉଁଠି ସହଜରେ ରାତି ହୁଏନି। ତେବେ ଆସନ୍ତୁ ଜାଣିବା ସେ ସବୁ ଦେଶ ବିଷୟରେ….
ନରଓ୍ବେ : ନରଓ୍ବେ ଏଭଳି ଏକ ଦେଶ, ଯାହାକୁ ଲ୍ୟାଣ୍ଡ ଅଫ୍ ମିଡ୍ ନାଇଟ୍ କୁହାଯାଏ। ଏହି ଦେଶ ୧୦ ଏପ୍ରିଲରୁ ନେଇ ୨୩ ଅଗଷ୍ଟ ପର୍ଯ୍ୟନ୍ତ ୨୩ ଘଣ୍ଟାରୁ ଅଧିକ ସମୟ ଦିନ ରହିଥାଏ। ଅଢେଇ ମାସ ପର୍ଯ୍ୟନ୍ତ ଏଠାରେ କେବଳ ୪୦ ମିନିଟ୍ ପାଇଁ ରାତି ହୁଏ। ତେଣୁ ଏହାକୁ ଲ୍ୟାଣ୍ଡ ଅଫ୍ ମିଡ୍ନାଇଟ୍ ଏଭଳି ସ୍ଥାନ ରହିଛି ଯେଉଁଠି ୧୦୦ ବର୍ଷରୁ ଅଧିକ ସମୟ ଯାଏଁ ସୂର୍ଯ୍ୟ କିରଣ ପହଁଞ୍ଚି ପାରେନି।
ଆଇସଲାଣ୍ଡ: ୟୁରୋପର ଦ୍ବିତୀୟ ସବୁଠାରୁ ବଡ଼ ଆଇଲାଣ୍ଡ ଆଇସଲାଣ୍ଡ ଦେଶ। ସେଠାରେ ଜୁନ୍ ମାସରେ ୨୪ ଘଣ୍ଟା ସୂର୍ଯ୍ୟ ବୁଡନ୍ତି ନାହିଁ। ଅର୍ଥାତ ଏକ ମାସ ପର୍ଯ୍ୟନ୍ତ ରାତି ହୋଇନଥାଏ।
ସ୍ବିଡେନ: ସ୍ବିଡେନ୍ ନିଜର ପ୍ରାକୃତିକ ସୁନ୍ଦରତା ପାଇଁ ଖୁବ୍ ପ୍ରସିଦ୍ଧ। ଏଠାରେ ଜୋରଦାର ବରଫ ପଡିଥା ଓ ଥଣ୍ଡା ଦେଖିବାକୁ ମିଳେ। ମଇ ମାସ ଆରମ୍ଭରୁ ଅଗଷ୍ଟ ଶେଷ ପର୍ଯ୍ୟନ୍ତ ରାତି ହୋଇନଥାଏ।
କାନାଡା: ଋଷ ପରେ କାନାଡା ହେଉଛି ବିଶ୍ବର ସବୁଠାରୁ ବଡ ଦେଶ। ଏହି ଦେଶରେ ବହୁ ସଂଖ୍ୟାରେ ଭାରତୀୟ ରୁହନ୍ତି। ସେଠାରେ ନୁନାଭୁତ ସହରରେ ଦୁଇ ମାସ ପର୍ଯ୍ୟନ୍ତ ସୂର୍ଯ୍ୟ ଦେଖା ଯାଆନ୍ତି ନାହିଁ। ବହୁ ସଂଖ୍ୟାରେ ଲୋକ ବୁଲିବାକୁ ପହଁଞ୍ଚିଥାନ୍ତି।
ଆଲାସ୍କା: ସୁନ୍ଦର ଗ୍ଲାସିୟରର ଦେଶ ଭାବରେ ଆଲାସ୍କାକୁ ଜଣାଯାଏ। ସେଠାରେ ଦୁଇ ମାସ ପର୍ଯ୍ୟନ୍ତ ସୂର୍ଯ୍ୟ ଅସ୍ତ ହୁଅନ୍ତି ନାହିଁ। ମଇ ଶେଷରୁ ନେଇ ଜୁଲାଇ ଶେଷ ପର୍ଯ୍ୟନ୍ତ ୨୪ ଘଣ୍ଟା ସୂର୍ଯ୍ୟ କିରଣ ଦେଖିବାକୁ ମିଳିଥାଏ।
ଫିନଲାଣ୍ଡ: ଫିନଲାଣ୍ଡ ମଧ୍ୟ ଏଭଳି ଏକ ଦେଶ ଯେଉଁଠି ୭୩ ଦିନ ପର୍ଯ୍ୟନ୍ତ ରାତି ହୁଏନି। ଏହାଛଡା ବହୁ ସ୍ଥାନରେ ୫୧ ଦିନ ପର୍ଯ୍ୟନ୍ତ ଲଗାତାର ରାତି ରହିଥାଏ।
