ଭୁବନେଶ୍ୱର, ୦୨/୦୫: ରାସ୍ତାରେ ଚାଲି ଚାଲି ଯାଉଥିବା ବେଳେ ମହୁମାଛି ଆକ୍ରମଣର ଶିକାର । ଚାଲିଗଲା ଯୁବକଙ୍କ ଜୀବନ । ମୃତକ କୋରାପୁଟ ହାଉସିଂ ବୋର୍ଡ଼ ନିବାସୀ ଅଜୁ ଚେଟି ବୋଲି ଜଣାପଡ଼ିଛି । କୋରାପୁଟ ଜାତୀୟ ରାଜପଥ ଦକ୍ଷିଣ ପଶ୍ଚିମାଞ୍ଚଳ ଡିଆଇଜି କାର୍ଯ୍ୟାଳୟ ନିକଟରେ ଏଭଳି ଅଭାବନୀୟ ଘଟଣା ଘଟିଛି ।
ସୂଚନା ମୁତାବକ, ଯୁବକ ଜଣକ କୋରାପୁଟ ହାଉସିଂ ବୋର୍ଡ଼ ନିବାସୀ ଅଜୁ ଚେଟି ହୋଇଥିବା ବେଳେ ଅଟୋ ଚାଳକ ଭାବରେ କାମ କରନ୍ତି । ଶୁକ୍ରବାର ସକାଳୁ ଅଟୋ କାଢ଼ିବାକୁ ନିଜ ଭଉଣି ଘରକୁ ଚାଲି ଚାଲି ଯାଉଥିଲେ । ଏହି ସମୟରେ ସେ ମହୁମାଛି ଆକ୍ରମଣର ଶିକାର ହୋଇଥିଲେ । ଫଳରେ ଯୁବକ ଜଣକ ଗୁରୁତର ଅବସ୍ଥାରେ ରାସ୍ତାରେ ପଡ଼ିଯାଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ଆହତଙ୍କୁ ଉଦ୍ଧାର କରି କୋରାପୁଟ ମେଡିକାଲ ସ୍ଥାନାନ୍ତର କରିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
