ବଲାଙ୍ଗୀର, ୧୫/୦୮: ସ୍ଵାଧୀନତା ଦିବସ ସମାରୋହରେ କୁକୁର ଆତଙ୍କ । ବୁଲା କୁକୁରଙ୍କ ଭୟରେ ବନ୍ଦ ହେଲା ପରେଡ୍ । କେବଳ ଜାତୀୟ ପତାକା ଉତ୍ତୋଳନ କରି ସ୍ୱାଧୀନତା ଦିବସ ପାଳନ କରାଯାଇଛି । ଏଭଳି ଏକ ଘଟଣା ବଲାଙ୍ଗୀର ଜିଲ୍ଲା ତୁଷୁରା ଥାନା ଅନ୍ତର୍ଗତ ଚିଂଚେଡ଼ ଗାଁରେ ଦେଖିବାକୁ ମିଳିଛି।
ସୂଚନା ମୁତାବକ, ଗତ ୧୦ ତାରିଖରେ ଚିଂଚେଡ଼ ଗାଁରେ ପାରାଅଲମ୍ପିଆଡ ଦୁଇ ଜଣଙ୍କ କୁକୁର କାମୁଡ଼ାରେ ମୃତ୍ୟୁ ହୋଇଥିଲା। ଏନେଇ ଗାଁରେ ଭୟର ବାତାବରଣ ଖେଳିଯାଇଛି । ସେବେଠୁ ଭୟଭୀତ ଅବସ୍ଥାରେ ରହିଛନ୍ତି ଗ୍ରାମବାସୀ । ତେବେ ପ୍ରତିବର୍ଷ ଏହି ଗ୍ରାମ ପଞ୍ଚାୟତରେ ୨୦୦ରୁ ଅଧିକ ଛାତ୍ରଛାତ୍ରୀ ସ୍ୱାଧୀନତା ଦିବସ ବେଶ ଧୁମଧାମରେ ପାଳନ କରିବା ସହ ପରେଡ କରି ଗାଁରେ ଶୋଭାଯାତ୍ରା କରନ୍ତି । ହେଲେ ଏବେ ଗାଁରେ ୪୦ରୁ ଅଧିକ ବୁଲା କୁକୁର ରହିଥିବାରୁ ସମଗ୍ର ଗ୍ରାମବାସୀ ଭୟରେ ରହିଛନ୍ତି । ତେବେ ଜିଲ୍ଲା ପ୍ରଶାସନକୁ ଜଣାଇ ଥିଲେ ମଧ୍ୟ କୌଣସି ସମାଧାନ ବାଟ ପ୍ରଶାସନ ବାହାର କରିନଥିବାରୁ ଏନେଇ ଗାଁ ଲୋକଙ୍କ ଭିତରେ ଅସନ୍ତୋଷ ପ୍ରକାଶ ପାଇଛି ।
