ନୂଆଦିଲ୍ଲୀ,୦୯/୦୭: ଭାରତରେ ବିମାନ ବନ୍ଦରସେବା ଦେଇପାରିବେନି ତୁର୍କୀ କମ୍ପାନି । ରାଷ୍ଟ୍ରୀୟସୁରକ୍ଷା କାରଣରୁ ସେମାନଙ୍କ ଉପରେ ଲାଗିଥିବାକଟକଣା ଯୁକ୍ତିଯୁକ୍ତ । ଏହା କହିଛନ୍ତି ଦିଲ୍ଲୀ ହାଇକୋର୍ଟ ।ଏଥିସହିତ ଭାରତ ସରକାରଙ୍କ କଟକଣା ବିରୋଧରେତୁର୍କୀର ଗ୍ରାଉଣ୍ଡ୍ ହ୍ୟାଣ୍ଡ୍ଲିଂ ଏବଂ କାର୍ଗୋ ସେବାପ୍ରଦାନକାରୀ ସେଲେବି ଆଭିଏସନ୍ର ଆବେଦନକୁଖାରଜ କରିଦେଇଛନ୍ତି ହାଇକୋର୍ଟ ।ଆବେଦନରେ କମ୍ପାନି ଏହାର ସୁରକ୍ଷା ମଞ୍ଜୁରି ରଦ୍ଦନେଇ କେନ୍ଦ୍ର ସରକାରଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ୍ କରିଥିଲା । ରାଷ୍ଟ୍ରୀୟ ସୁରକ୍ଷାକୁ ଦୃଷ୍ଟିରେ ରଖି କେନ୍ଦ୍ର ସରକାରସେଲେବିର ମଞ୍ଜୁରିକୁ ରଦ୍ଦ କରିଥିଲେ ।
ସୂଚନାଯୋଗ୍ୟ,ପହଲ୍ଗାମ ଆତଙ୍କବାଦୀ ହମ୍ଲା ପରେ ଅପରେଶନ୍ସିନ୍ଦୁର ଅନ୍ତର୍ଗତ ଭାରତ ଏବଂ ପାକିସ୍ତାନ ମଧ୍ୟରେ ଯୁଦ୍ଧସମୟରେ ତୁର୍କୀ ପକ୍ଷରୁ ପାକ୍କୁ ଖୋଲାଖୋଲି ସମର୍ଥନଦିଆଯାଇଥିଲା । ଏହା ପରେ ପରେ ଭାରତରେ ତୁର୍କୀବିରୋଧୀ ଅଭିଯାନ ଆରମ୍ଭ ହୋଇଥିଲା ।ସେଲେବି ଆଭିଏସନ୍ ଏକ ତୁର୍କୀ କମ୍ପାନି, ଯାହାବିମାନବନ୍ଦରଗୁଡ଼ିକରେ ଗ୍ରାଉଣ୍ଡ୍ ହ୍ୟାଣ୍ଡ୍ଲିଂ ଏବଂ କାର୍ଗୋସେବା ପ୍ରଦାନ କରିଥାଏ । ବିମାନବନ୍ଦରରେ ଲ୍ୟାଣ୍ଡିଂ,ଯାତ୍ରୀ ପରିଚାଳନା, ସାମଗ୍ରୀ ଲୋଡିଂ-ଅନ୍ଲୋଡିଂ ଏବଂକାର୍ଗୋ ପରିଚାଳନା ଭଳି କାର୍ଯ୍ୟ ଏହା କରିଥାଏ ।କମ୍ପାନିର ଦିଲ୍ଲୀ, ମୁମ୍ବାଇ, ବେଙ୍ଗାଲୁରୁ, ହାଇଦ୍ରାବାଦ,ଚେନ୍ନାଇ, ଅହମ୍ମଦାବାଦ, ଗୋଆ, କୋଚି ଏବଂ କନ୍ନୁରଭଳି ୯ଟି ବଡ଼ ବିମାନବନ୍ଦରରେ କାରବାର ଥିଲା ।କମ୍ପାନି ପ୍ରତିବର୍ଷ ପ୍ରାୟ ୫୮,୦୦୦ ବିମାନ ଏବଂ ୫.୪ଲକ୍ଷ ଟନ୍ କାର୍ଗୋ ପରିଚାଳନା କରୁଥିଲା । ଏହାର ଭାରତରେ ୧୪,୦୦୦ କର୍ମଚାରୀ କାର୍ଯ୍ୟ କରୁଛନ୍ତି,ଯେଉଁମାନେ ସମସ୍ତେ ଭାରତୀୟ ।
ରାଷ୍ଟ୍ରୀୟ ସୁରକ୍ଷା ଲାଗି୨୦୨୫ ମେ’ ୧୫ରେ କେନ୍ଦ୍ର ସରକାର ବ୍ୟୁରୋ ଅଫ୍ସିଭିଲ୍ ଆଭିଏସନ୍ ସିକ୍ୟୋରିଟି(ବିସିଏଏସ୍) ମାଧ୍ୟମରେସେଲେବିର ସୁରକ୍ଷା ମଞ୍ଜୁରିକୁ ରଦ୍ଦ କରିଦେଇଥିଲେ ।କିଛି ଖବରରେ ଦାବି କରାଯାଇଥିଲା,ସେଲେବିରତୁର୍କୀ ରାଷ୍ଟ୍ରପତିଙ୍କ ଝିଅ ସୁମେୟେ ଏର୍ଦୋଗନ୍ଙ୍କ ସହସମ୍ପର୍କ ଥାଇପାରେ । ତେବେ ଏହି ଅଭିଯୋଗକୁ ସେଲେବିପକ୍ଷରୁ ଖଣ୍ଡନ କରାଯାଇଛି । ସଲିସିଟର ଜେନେରାଲତୁଷାର ମେହେଟ୍ଟା କୋର୍ଟରେ କହିଛନ୍ତି ଯେ, ସରକାରଙ୍କୁକିଛି ବିଶେଷ ସୂତ୍ରରୁ ଖବର ମିଳିଥିଲା, ଯେଉଁ ଆଧାରରେଏହି ନିଷ୍ପତ୍ତି ନିଆଯାଇଛି । ରାଷ୍ଟ୍ରୀୟ ସୁରକ୍ଷା ସହ ଜଡ଼ିତଏହା ଏକ ସ୍ୱତନ୍ତ୍ର ମାମଲା ବୋଲି ମେହେଟ୍ଟା କହିଛନ୍ତି ।
ଅନ୍ୟପକ୍ଷରେ, ସେଲେବି କୋର୍ଟରେ ଆବେଦନଦାଖଲ କରିଥିଲା ଯେ, ସରକାର ବିନା କୌଣସି ନୋଟିସ୍ତଥା ଠୋସ୍ କାରଣ ବିନା କମ୍ପାନିର ସୁରକ୍ଷା ମଞ୍ଜୁରିକୁରଦ୍ଦ କରିଛନ୍ତି, ଯାହାକି ଅନୁଚିତ । ଏହାର ଭାରତୀୟୟୁନିଟ୍ ସମ୍ପୂର୍ଣ୍ଣ ରୂପେ ଭାରତୀୟ ଏବଂ ଏହାର ସମସ୍ତକର୍ମଚାରୀ ଭାରତୀୟ ବୋଲି ଏହା କହିଥିଲା ।କମ୍ପାନି ଆହୁରି ପ୍ରକାଶ କରିଛି ଯେ, ବିନାକୌଣସି ଦାଗରେ ଏହା ୧୭ ବର୍ଷ ଧରି ଭାରତରେକାର୍ଯ୍ୟ କରିଆସୁଥିଲା ଏବଂ ହଠାତ୍ ମଞ୍ଜୁରି ରଦ୍ଦକରାଯିବା ଦ୍ୱାରା ଏହାର ୩,୭୯୧ କର୍ମଚାରୀଙ୍କ ଚାକିରିଓ ନିବେଶକଙ୍କ ଭରସା ବିପଦରେ ପଡ଼ିଯାଇଛି । ଆଜିଦିଲ୍ଲୀ ହାଇକୋର୍ଟ ଜଷ୍ଟିସ୍ ସଚିନ ଦତ୍ତ ସେଲେବିରଆବେଦନକୁ ଖାରଜ କରିବା ସହ କହିଲେ ଯେ,ରାଷ୍ଟ୍ରୀୟ ସୁରକ୍ଷା ସବୁ ଉପରେ ଏବଂ ଏଭଳି ନିଷ୍ପତ୍ତିକୁକୋର୍ଟରେ ଚ୍ୟାଲେଞ୍ଜ୍ କରିବା ମୁସ୍କିଲ୍ ।
