ନୂଆଦିଲ୍ଲୀ,୧୯।୯: ଭାରତକୁ ଅନ୍ତର୍ଜାତୀୟ ସ୍ତରରେ ବଡ଼ ସଫଳତା। ଶୁକ୍ରବାର ସିଙ୍ଗାପୁରରେ ଆୟୋଜିତ ୨୫ ତମ ଏସୀୟ ଆଞ୍ଚଳିକ ସମ୍ମିଳନୀ ବେଳେ ଭାରତକୁ ଇଣ୍ଟରପୋଲ ଏସିଆ କମିଟିର ସଦସ୍ୟ ଚୟନ କରାଯାଇଛି। ଏହି ସଫଳତା ଆଇନ ପ୍ରବର୍ତ୍ତନ ଓ ଅନ୍ତର୍ଜାତୀୟ ସୁରକ୍ଷା ମାମଲାରେ ଭାରତର ବଢୁଥିବା ବିଶ୍ବ ନେତୃତ୍ବକୁ ଦର୍ଶାଉଛି। କମିଟି ପ୍ରତିବର୍ଷ ବୈଠକ କରିଥାଏ। ଆଞ୍ଚଳିକ ସୁରକ୍ଷା ସମ୍ପର୍କିତ ପ୍ରସଙ୍ଗରେ ସଦସ୍ୟ ଦେଶକୁ ପରାମର୍ଶ ଦେଇଥାଏ। ବିଶେଷ ଭାବରେ
ଏହି କମିଟିର ଉଦେଶ୍ୟ ଏସୀୟ ଆଞ୍ଚଳିକ ସମ୍ମିଳନୀକୁ ଏହାର ନିର୍ଦ୍ଦେଶର କାର୍ଯ୍ୟକାରିତାରେ ପରାମର୍ଶ ଦେବ। ଏହାଛଡା ସମ୍ପର୍କିତ ରଣନୈତିକ ଏବଂ ପରିଚାଳନାତ୍ମକ ପ୍ରସଙ୍ଗକୁ ବୁଝାମଣା କରି ଏସୀୟ ଆଞ୍ଚଳିକ ସମ୍ମିଳନୀରେ ବିଚାର ବିମର୍ଷକୁ ସୁଗମ କରିବ। କମିଟି, ଅପରାଧ ବିରୋଧରେ ଲଢେଇ ଆଞ୍ଚଳିକ ରଣନୈତିକ ପ୍ରାଥମିକତା ଓ ଆଞ୍ଚଳିକ ପୋଲିସ ସହଯୋଗ ସମ୍ପର୍କିତ ପ୍ରସଙ୍ଗର ଚିହ୍ନଟ କରିବ।
ଭାରତର ସଦସ୍ୟତାର କ୍ଷେତ୍ରୀୟ ସହଯୋଗ ଆହୁରି ଅଧିକ ବଢିବ। ବିଶେଷ ଭାବରେ ସଂଗଠିତ ଅପରାଧ, ସାଇବର ଅପରାଧ, ମାନବ ତସ୍କରୀ, ଆତଙ୍କବାଦ ଓ ମାଦକ ପଦାର୍ଥର ତସ୍କରୀ ଭଳି ଗମ୍ଭୀର ଚ୍ୟାଲେଞ୍ଜ ମୁକାବିଲାରେ ଭାରତ ନିଜର ପ୍ରଭାବଶାଳୀ ଭୂମିକା ନିର୍ବାହ କରିବ। ଏହି ଉପଲବ୍ଧି ଅନ୍ତର୍ଜାତୀୟ ପୁଲିସିଂ ପଦକ୍ଷେପ ଆହୁରି ମଜବୁତ ହେବ। ଭାରତର ଏହି ବିଜୟର ଶ୍ରେୟ ଭାରତର କୁଟନୀତିଜ୍ଞ, ଦୂତାବାସ ଓ ରାଷ୍ଟ୍ରୀୟ କେନ୍ଦ୍ରୀୟ ବ୍ୟୁରୋ ଦ୍ବାରା ଚଳାଯାଇଥିବା ଗହନ ଓ ସମନ୍ବିତ ଅଭିଯାନକୁ ଦିଆଯାଉଛି
