ନୂଆଦିଲ୍ଲୀ,୧୦/୦୫: ଭାରତ ଓ ପାକିସ୍ତାନ ମଧ୍ୟରେ ଯୁଦ୍ଧ ଜାରି ରହିଛି । ଆଉ ଏହାରି ମଧ୍ୟରେ ପାକିସ୍ତାନକୁ ମିଳିଛି ଆଶ୍ୱସ୍ତି । ପାକିସ୍ତାନ ଅନ୍ତର୍ଜାତୀୟ ମୁଦ୍ରା ପାଣ୍ଠି ବା ଆଇଏମଏଫ ପକ୍ଷରୁ ୧୦୦ କୋଟି ଟଙ୍କା ଋଣ ପାଇଛି। ପାକିସ୍ତାନ ଏହି ଋଣ ନଗଦ ଆକାରରେ ମିଳିବ। ତେବେ IMF ପାକିସ୍ତାନ ସହିତ ନିଜର ୭ ବିଲିୟନ ଡଲାର ଋଣକୁ ଅନୁମୋଦନ କରିଛି।
ଯଦିଓ ଭାରତ ଋଣର ପ୍ରତିବାଦ କରିଥିଲା ଏବଂ ଭୋଟ ପ୍ରକ୍ରିୟାରୁ ନିଜକୁ ଦୂରେଇ ରଖିଥିଲା। ଏହା ସତ୍ତ୍ୱେ, ପାକିସ୍ତାନକୁ ଋଣ ମିଳିଛି। ଭାରତ ପ୍ରତିବାଦ କରି ଯୁକ୍ତି ଦେଇଥିଲା ଯେ ପାକିସ୍ତାନ ଏହି ଋଣକୁ ଆତଙ୍କବାଦ ଏବଂ ଆତଙ୍କବାଦୀଙ୍କ ପାଇଁ ବ୍ୟବହାର କରିପାରିବ। ତେଣୁ ଭାରତ ପାକିସ୍ତାନକୁ ଋଣ ଦେବା ସପକ୍ଷରେ ନଥିଲା। ସେପଟେ ଶ୍ରୀନଗର ଆକାଶରେ ଯୁଦ୍ଧ ପରିସ୍ଥିତି ସୃଷ୍ଟି ହୋଇଛି । ଶ୍ରୀନଗର ନିକଟରେ ପାକିସ୍ତାନ ବାୟୁସେନାର ଦୁଇ ଫାଇଟର ଜେଟ୍କୁ ଖସାଇଛି ଭାରତୀୟ ବାୟୁସେନା । ଦମ୍ ଦେଖାଇ ଦୁଇ ପାକିସ୍ତାନୀ ଯୁଦ୍ଧ ବିମାନକୁ ଖସାଇଛି ଭାରତ । ଶତ୍ରୁ ଦେଶକୁ ଚକମା ପରେ ଚକମା ଦେଉଛି । ପାକ୍ ଫାଇଟର ଜେଟ୍ F-16କୁ ଧ୍ୱଂସ କରିଛି । ଶ୍ରୀନଗର ଆଖପାଖରେ ଖଣ୍ଡବିଖଣ୍ଡିତ ହୋଇଛି ଯୁଦ୍ଧବିମାନ । ତେବେ ୨ ଜଣ ପାଇଲଟଙ୍କର ପତ୍ତା ମିଳୁନି । ତାଙ୍କୁ ଖୋଜା ଖୋଜି ଜାରି ରହିଛି । ଆଜି ଜରୁରୀକାଳିନ ବୈଠକ ଡାକିଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫ୍ ।
