ନୂଆଦିଲ୍ଲୀ,୧୬/୦୧: ଖୋ ଖୋ ବିଶ୍ୱକପ୍ରେ ଭାରତ ପୁରୁଷ ବର୍ଗରେ କ୍ୱାର୍ଟର ଫାଇନାଲରେ ପ୍ରବେଶ କରିଛି । ପେରୁକୁ ଦଳ ୭୦-୩୮ରେ ପରାଜିତ କରିଥିଲା । ଭାରତର ପ୍ରଦର୍ଶନ ବେଶ ଉନ୍ନତ ରହିଥିଲା । ଉଭୟ ଟର୍ଣ୍ଣରେ ଦଳ ଚମତ୍କାର ପ୍ରଦର୍ଶନ କରି ପେରୁକୁ ୩୨ ପଏଣ୍ଟରେ ପେରୁକୁ ପରାଜିତ କରିଥିଲା । ଏଥିସହ ଦଳ ଟାଇଟଲ ଜିତିବା ନେଇ ପ୍ରମୁଖ ଦାବିଦାର ଭାବେ ଉଭା ହୋଇଛି । ଅନ୍ୟ ମ୍ୟାଚ୍ ଗୁଡ଼ିକରେ ଇରାନ, କେନିଆ ଓ ଶ୍ରୀଲଙ୍କା ବିଜୟୀ ହୋଇଛନ୍ତି ।
ମହିଳାରେ ଭାରତ ୧୦୦- ୧୬ରେ ଇରାନକୁ ପରାଜିତ କରିଥିଲା । ମାତ୍ର ୩୩ ସେକେଣ୍ଡରେ ଇରାନର ପ୍ରଥମ ବ୍ୟାଚ୍ ଖେଳାଳି ଅଲଆଉଟ୍ ହୋଇଥିଲେ । ପୂରା ମ୍ୟାଚ୍ରେ ଏଭଳି ପ୍ରଭାବ ବିସ୍ତାର କରି ଖେଳିଥିଲା ଭାରତ । ଶେଷରେ ବିଶାଳ ବ୍ୟବଧାନରେ ବିଜୟ ହାସଲ କରିଥିଲା ।
