ନୂଆଦିଲ୍ଲୀ,୨୧/୦୩ : ଖୁସି ଖବର । ୨୦୩୦ ରାଜ୍ୟଗୋଷ୍ଠୀ କ୍ରୀଡା ଆୟୋଜନ କରିପାରେ ଭାରତ । ଗୁଜୁରାଟର ଅହମ୍ମଦାବାଦରେ ଏହି କ୍ରୀଡା ମହାକୁମ୍ଭ ଆୟୋଜନ କରିବାକୁ ଦାବି ଉପସ୍ଥାପନ କରିଛି ଭାରତ । ଆଇଓଏ ଓ ଗୁଜୁରାଟ ସରକାରଙ୍କ ପକ୍ଷରୁ ମିଳିତ ଦାବି ଉପସ୍ଥାପନ କରାଯାଇଛି । ଆୟୋଜନ ପାଇଁ ଏକ୍ସପ୍ରେସନ ଅଫ୍ ଇଣ୍ଟଟ୍ରେଷ୍ଟ ଦାଖଲ କରିବାର ଶେଷ ତାରିଖ ମାର୍ଚ୍ଚ ୩୧ ତାରିଖ ରହିଛି । ଅନୁମତି ମିଳିଲେ ଭାରତ ଦ୍ବିତୀୟ ଥର ରାଜ୍ୟଗୋଷ୍ଠୀ କ୍ରୀଡା ଆୟୋଜନ କରିବ । ଏ ନେଇ କ୍ରୀଡା ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି ।
କ୍ରୀଡା ମନ୍ତ୍ରଣାଳୟ ପକ୍ଷରୁ ମିଳିଥିବା ସୂଚନା ଅନୁସାରେ, ଅହମ୍ମଦାବାଦରେ ଭାରତ ରାଜ୍ୟଗୋଷ୍ଠୀ କ୍ରୀଡା ୨୦୩୦ ଆୟୋଜନ କରିବାକୁ ଆବେଦନ କରିଛି । ଏହି ପଦକ୍ଷେପ ଭାରତୀୟ ଅଲିମ୍ପିକ୍ସ ସ୍ବପ୍ନକୁ ସାକାର କରିବା ଦିଗରେ ଆଉ ଗୋଟି ପାଦ ଆଗକୁ ବଢିଥିବା କୁହାଯାଉଛି । ଆୟୋଜନ ପାଇଁ ଏକ୍ସପ୍ରେସନ ଅଫ୍ ଇଣ୍ଟଟ୍ରେଷ୍ଟ ଦାଖଲ କରିବାର ଶେଷ ତାରିଖ ମାର୍ଚ୍ଚ ୩୧ ତାରିଖ ରହିଛି । ଯଦି ଅନୁମତି ମିଳେ ତେବେ ଦ୍ବିତୀୟ ଥର ପାଇଁ ଭାରତ ଏହି କ୍ରୀଡା ମହାକୁମ୍ଭ ଆୟୋଜନ କରିବ । ଶେଷ ଥର ୨୦୧୦ରେ ଦିଲ୍ଲୀରେ କମନୱେଲ୍ଥ ଗେମ୍ସ ଆୟୋଜିତ ହୋଇଥିଲା । ଯେଉଁଥିରେ ଭାରତ ରେକର୍ଡ ୧୦୧ ମେଡାଲ ହାସଲ କରିଥିଲା ।
ଆବେଦନର ଯାଞ୍ଚ କରିବ ସିଜିଏଫ- କମନୱେଲ୍ଥ ଗେମ୍ସ ଆସୋସିଏସନ ଅଫ୍ ଇଣ୍ଡିଆ ଅଧ୍ୟକ୍ଷା ପିଟି ଉଷା ରାଜ୍ୟଗୋଷ୍ଠୀ କ୍ରୀଡା ୨୦୩୦ ଆୟୋଜନ ନେଇ ଚିଠି ଲେଖିଛନ୍ତି । ରାଜ୍ୟଗୋଷ୍ଠୀ କ୍ରୀଡା ମହାସଂଘ ଆବେଦନର ଯାଞ୍ଚ କରିବ । ୨୦୨୬ କମୱେଲଥ୍ଥ ଗେମ୍ସର ୨୩ତମ ସଂସ୍କରଣ ଗ୍ଲାସଗୋରେ ଆୟୋଜିତ ହେବ । ବର୍ମିଂହାମରେ ୨୦୨୨ ରାଜ୍ୟଗୋଷ୍ଠୀ କ୍ରୀଡାରେ ଭାରତ ୬୧ ପଦକ ଜିତିଥିଲା । ଯେଉଁଥିରେ ୨୨ଟି ସ୍ବର୍ଣ୍ଣ, ୧୬ଟି ରୌପ୍ୟ ଓ ୨୩ଟି କାଂସ୍ୟ ପଦକ ସାମିଲ ଥିଲା ।
ଅଧିକ ପଢନ୍ତୁ...୨୦୩୬ ଅଲିମ୍ପିକ୍ସ ଆୟୋଜନ କରିବ ଭାରତ
କହି ରଖୁଛୁ କି ୨୦୩୬ ଅଲିମ୍ପିକ୍ସ ଓ ପାରା ଅଲମ୍ପିକ୍ସ ଆୟୋଜନ ପାଇଁ ମଧ୍ୟ ଇଚ୍ଛା ପ୍ରକାଶ କରିଛି ଭାରତ । ୨୦୩୬ ଅଲମ୍ପିକ୍ସ ସଂସ୍କରଣ ଭାରତରେ ଆୟୋଜନ କରିବାକୁ ଆଇଓଏ ଆନୁଷ୍ଠାନିକ ଭାବେ ଆଗ୍ରହ ପ୍ରକାଶ କରିଛି । ଗତବର୍ଷ ଅକ୍ଟୋବର ୧ ତାରିଖରେ ଭାରତୀୟ ଅଲିମ୍ପିକ୍ସ ସଂଘ ଅନ୍ତର୍ଜାତୀୟ ଅଲମ୍ପିକ୍ସ କମିଟିକୁ ଚିଠି ପଠାଇଥିଲା ।
