ନୂଆଦିଲ୍ଲୀ,୨୩।୨: ଭାରତୀୟ ବାୟୁସେନା (IAF) ବଡ଼ କ୍ଷତି। ଚଳିତ ମାସ ଆରମ୍ଭରୁ ତେଜସ୍ ଲାଇଟ୍ କମ୍ବାଟ ଏୟାରକ୍ରାଫ୍ଟ (LCA)ର ଏକ ବିମାନ ଅବତରଣ ସମୟରେ ରନୱେ ଉପରେ ଚଢ଼ି ଯାଇଥିଲା, ଯାହା ଫଳରେ ବିମାନର ଏୟାରଫ୍ରେମରେ ଗୁରୁତର କ୍ଷତି ହୋଇଥିଲା। ପାଇଲଟ୍ ସୁରକ୍ଷିତ ଭାବରେ ବାହାରକୁ ବାହାରି ଆସିଥିଲେ, କିନ୍ତୁ ବିମାନଟି କ୍ଷତିଗ୍ରସ୍ତ ହୋଇଥିଲା। ଏହା ତେଜସ୍ ସହିତ ଜଡିତ ତୃତୀୟ ବଡ଼ ଦୁର୍ଘଟଣା। ଏହା ପୂର୍ବରୁ ୨୦୨୪ ମାର୍ଚ୍ଚରେ ଏକ ଦୁର୍ଘଟଣା ହୋଇଥିଲା। ଯେତେବେଳେ ଜୈସଲମେର ନିକଟରେ ଏକ ତେଜସ୍ ଜେଟ୍ ଦୁର୍ଘଟଣାଗ୍ରସ୍ତ ହୋଇଛି। ଦ୍ବିତୀୟ ଘଟଣା ନଭେମ୍ବର ୨୦୨୫ ରେ ହୋଇଥିଲା, ଯେତେବେଳେ ଦୁବାଇ ଏୟାର ସୋ’ ରେ ବିମାନ ପ୍ରଦର୍ଶନ ବେଳେ ଏକ ତେଜସ୍ ଜେଟ୍ ଦୁର୍ଘଟଣାଗ୍ରସ୍ତ ହୋଇଥିଲା।
ଲଗାତାର ଦୁର୍ଘଟଣା ଯୋଗୁଁ ଆଇଏଏଫ୍ ନିଜର ପ୍ରାୟ ୩୦ଟି ସିଙ୍ଗିଲ ସିଟ୍ ତେଜସ୍ ବିମାନର ସମ୍ପୂର୍ଣ୍ଣ ଫ୍ଲିଟ୍ ଉଡାଣରୁ ରୋକି ଦେଇଛି। ଏହି ଘଟଣାର ତଦନ୍ତ ପାଇଁ ଏକ ଟେକ୍ନିକାଲ ଯାଞ୍ଚ ଚାଲିଛି। ସେନା ଉପମୁଖ୍ୟ ଏୟାର ମାର୍ଶଲ ନାଗେଶ କପୁର ୧୧ ଫେବୃଆରୀରେ କହିଥିଲେ, ଭାରତୀୟ ବାୟୁସେନା ନିଜର ଫ୍ଲି ନୂତନ ପୀଢିର ଆହୁରି ଅଧିକ ବିମାନ ସାମିଲ କରିବାକୁ ଇଚ୍ଛୁକ।
ନିକଟରେ ବଡ଼ ଅର୍ଡର ଯୋଗୁଁ ତେଜସ୍ Mk-1A ର ୟୁନିଟ୍ ମୂଲ୍ୟ ବହୁତ ବୃଦ୍ଧି ପାଇଛି। ୨୦୨୫ ରେ, ସରକାର HAL ରୁ ୯୭ ଟି ତେଜସ୍ Mk-1A କିଣିବାକୁ ନିଷ୍ପତ୍ତି ନେଇଥିଲେ, ଯାହାର ମୋଟ ମୂଲ୍ୟ ୬୨,୩୭୦ କୋଟି ଥିଲା। ଏହା ପ୍ରତି ବିମାନର ହାରାହାରି ମୂଲ୍ୟ ୬୪୦-୬୫୦ କୋଟି ହେବ। ପୂର୍ବ ଅର୍ଡର ୫୫୦ରୁ ୬୦୦ କୋଟି ଥିଲା, କିନ୍ତୁ ଇଞ୍ଜିନ୍ (GE F404), ବିଦେଶୀ ମୁଦ୍ରା ହାର ଏବଂ ଅନ୍ୟାନ୍ୟ ଖର୍ଚ୍ଚ ଯୋଗୁଁ ଏହା ଏବେ ବୃଦ୍ଧି ପାଇଛି।
