ନୂଆଦିଲ୍ଲୀ,୩୦।୧: ଚୀନ୍ ପରେ ଏବେ ଏଆଇ ଦୁନିଆରେ ଓହ୍ଲାଇବ ଭାରତ। କେନ୍ଦ୍ରମନ୍ତ୍ରୀ ଅଶ୍ବିନୀ ବୈଷ୍ଣବ ଏନେଇ ଦେଇଛନ୍ତି ସୂଚନା। ସେ କହିଛନ୍ତି, ଭାରତ ନିଜର ଜେନେରେଟିଭ୍ ଏଆଇ ମଡେଲ ତିଆରି କରୁଛି। କେବଳ ସେତିକି ନୁହେଁ ଓପନ ଏଆଇର ସିଇଓ ସାମ୍ ଅଲ୍ଟମ୍ୟାନ୍ ଭାରତ ଆସିପାରନ୍ତି।
ଭାରତ ଆରମ୍ଭ କରିବ ନିଜସ୍ବ ଏଆଇ ମଡେଲ। ଚୀନ୍ର ‘ଡିପସିକ୍’ ପରେ ଏବେ ଭାରତ ମଧ୍ୟ ଦିଗରେ ଆଉ ଗୋଟିଏ ପାଦ ଆଗେଇବାକୁ ଯାଉଛି। ଉତ୍କର୍ଷ ଓଡିଶା କନକ୍ଲେଭରେ ଏଭଳି ଘୋଷଣା କରିଛନ୍ତି କେନ୍ଦ୍ରମନ୍ତ୍ରୀ ଅଶ୍ବିନୀ ବୈଷ୍ଣବ। ସେ କହିଛନ୍ତି ଭାରତ ନିଜର ଜେନେରେଟିଭ ଏଆଇ ମଡେଲ ତିଆରି କରିବାକୁ ପ୍ରସ୍ତୁତି କରୁଛି। ଏଆଇ ଡାଟା ସେଣ୍ଟର ଓଡିଶାରେ ମଧ୍ୟ ସ୍ଥାପିତ କରାଯିବ। ଏହାକୁ ଏଆଇ କମ୍ପ୍ୟୁଟ ଫାସିଲିଟି ପକ୍ଷରୁ ପରିଚାଳିତ କରାଯିବ। ଏହା ଭାରତର ଆବଶ୍ୟକତାକୁ ଧ୍ୟାନରେ ରଖି ଏଲଏଲଏମ୍ ଅର୍ଥାତ ଲାର୍ଜ ଲାଙ୍ଗୁଏଜ୍ ମଡେଲ ବିକଶିତ କରିବା ପାଇଁ ୧୮ ହଜାର ଜେପିୟୁ ହାସଲ କରିଛି। ୧୮ ହଜାର ଜେପିୟୁ ସହ ଭାରତ ସ୍ବଦେଶୀ ଏଆଇ ମଡେଲ ତିଆରି କରିବା ଦୃଷ୍ଟିରେ ରହିଛି, ଯାହାକି ଦେଶର ଭାଷା, ଆର୍ଥିକ ଓ ସାମାଜିକ ଆବଶ୍ୟକତାକୁ ପୁରା କରିବ।’ ଶେଷ କଥା ଯେ,ବି ଭାରତ ସରକାର ସ୍ବାସ୍ଥ୍ୟ ସେବାରୁ ନେଇ ଶାସନ, ଶିକ୍ଷା ଓ ଆର୍ଥିକ ସେବାରେ ଏଆଇର ବ୍ୟବହାର କରିବା ଉପରେ ଜୋର ଦେଇଛନ୍ତି।
‘ଡିପସିକ୍’ ଏକ ଚୀନ୍ ଏଆଇ କମ୍ପାନୀ, ଯାହାର ସ୍ଥାପନା ୨୦୨୩ ରେ ହୋଇଛି। ଜାନୁଆରୀ ୨୦୨୫ ରେ କମ୍ପାନୀ ନିଜର ନୂଆ ମଡେଲ ଡିପସିକ୍-ଆର ୧ ଜାରି କରିଥିଲା। ଡିପସିକ୍ର କହିବା ଅନୁସାରେ, ଏହାର ମଡେଲ, ଓପନ ଏଆଇର ଚାଟ୍ଜିପିଟି ଓ ଗୁଗୁଲର ଜେମିନି ଭଳି ଆମେରିକୀୟ ମଡେଲ ସହ ସମାନ। ଏହା ସହ ଡିପସିକ୍ର ଏଆଇ ଆପ୍ ତୁଳନାତ୍ମକ ଭାବରେ ଖୁବ୍ କମ୍ ଦାମ୍ ରହିଛି।
