ନୂଆଦିଲ୍ଲୀ, ୧୦/୦୧: ଆର୍ଥିକ ବର୍ଷ ୨୦୨୫-୨୬ରେ ଦେଶ ୬.୮% ଅଭିବୃଦ୍ଧି ହାସଲ କରିବ । ଘରୋଇ ବଜାରର ବିଭିନ୍ନ କ୍ଷେତ୍ର ଏବେ ଦୃଢ଼ତା ଦେଖାଉଛନ୍ତି । ଏହାକୁ ଦେଖିଲେ ଦେଶର ଜିଡିପି ଦୃଢ଼ ଭାବେ ଅଗ୍ରସର ହେବ ବୋଲି ବ୍ୟାଙ୍କ ଅଫ୍ ବରୋଦା ପକ୍ଷରୁ ଏହାର ରିପୋର୍ଟରେ କୁହାଯାଇଛି ।
ଦେଶର ନୋମିନାଲ ଜିଡିପି ୧୦.୫% ବଢ଼ିବା ନେଇ ଏହି ରିପୋର୍ଟରେ ଆକଳନ କରାଯାଇଛି । ପାସେଞ୍ଜର ଯାନ ବିକ୍ରି, ସେବା କ୍ଷେତ୍ର ଅଭିବୃଦ୍ଧି ଏବଂ ଜିଏସ୍ଟି ସଂଗ୍ରହ ଭଳି ଦିଗଗୁଡିକ ଦେଶର ଅର୍ଥନୀତିର ଦୃଢ଼ ସ୍ଥିତିକୁ ଦର୍ଶାଉଛି । ସେହିଭଳି ରବି ଫସଲ ଉନ୍ନତ ହେବା ଯୋଗୁ ଏହା ଅର୍ଥନୀତି ଉପରେ ଉନ୍ନତ ପ୍ରଭାବ ପକାଇବ ବୋଲି ଏହି ରିପୋର୍ଟରେ କୁହାଯାଇଛି ।
