ଅଳତୀ ୦୭/୦୫: ରାମଚନ୍ଦ୍ରପୁର ଥାନା ଅନ୍ତର୍ଗତ ବରାଙ୍ଗ ଜଙ୍ଗଲରୁ ଏକ ଆହତ ହରିଣ ଉଦ୍ଧାର। ପୁରୁଣା ବାନ୍ଧଗୋଡା ଗାଁର ଏକ ପରିତ୍ୟକ୍ତ ଘରୁ ଆହତ ସିଙ୍ଗାଳ ଉଦ୍ଧାର କରି ଗ୍ରାମବାସୀମାନେ ବନବିଭାଗକୁ ଖବର ଦେଇଥିଲେ। କିନ୍ତୁ ବନବିଭାଗ ତରଫରୁ କୌଣସି ସହଯୋଗ ମିଳିବାରୁ ଆହତ ହରିଣକୁ ବିନା ଚିକିତ୍ସାରେ ଜଙ୍ଗଲରେ ଛାଡିଦେଇଥିବା ସୂଚନା ମିଳିଛି ।
ମିଳିଥିବା ସୂଚନା ଅନୁସାରେ, ଆଜି ସକାଳୁ ଵରାଙ୍ଗ ସଂରକ୍ଷିତ ଜଙ୍ଗଲରେ ହରିଣଟି କୁକୁର ଆକ୍ରମଣରେ ଆହତ ହୋଇ ପୁରୁଣା ବାନ୍ଧଗୋଡା ପଞ୍ଚାୟତ ନିକଟରେ ଥିବା ଏକ ପରିତ୍ୟକ୍ତ ଘରେ ପସିଯାଇଥିଲା। ହରିଣଟିକୁ ଗ୍ରାମର ଅଜିତ୍ ଧିର, ଅର୍ଜୁନ ମଲ୍ଲିକ,ପ୍ରକାଶ ନାୟକଙ୍କ ସହ କିଛି ଗ୍ରାମବାସୀମାନେ କାବୁ କରିଥିଲେ। ପରେ ସେମାନେ ବନବିଭାଗକୁ ଖବର ଦେଇଥିଲେ କିନ୍ତୁ ବନବିଭାଗ ତରଫରୁ ସହଯୋଗ ମିଳିବାରୁ ସେମାନେ ଆହତ ହରିଣକୁ ବିନା ଚିକିତ୍ସାରେ ଜଙ୍ଗଲରେ ଛାଡିଦେଲେ।
