ମୁମ୍ବାଇ,୧୩/୩ : ଆଇପିଏଲ୍ ୨୦୨୫ର ଆରମ୍ଭ ୨୨ମାର୍ଚ୍ଚରୁ ହେବ ଏବଂ ଫାଇନାଲ ୨୫ମଇରେ ଖେଳାଯିବ । ୧୮ତମ ସିଜନ ଲାଗି କେତେକ ଟିମ୍ ନିଜ ଜର୍ସିରେ ବଡ଼ ପରିବର୍ତ୍ତନ କରିଛନ୍ତି। ଆସନ୍ତୁ ଦେଖିବା କାହାର ଜର୍ସି ସୁନ୍ଦର ଲାଗୁଛି ।

ମୁମ୍ବାଇର ଜର୍ସି ଏଥର ନୀଳ ରଙ୍ଗର ହେବ । ଯାହାର କାନ୍ଧରେ ଗୋଲ୍ଡେନ ଷ୍ଟ୍ରାଇପ୍ସ ମୁମ୍ବାଇ ଇଣ୍ଡିଆନ୍ସର ପୁରୁଣା ଜର୍ସି ଭଳି ରହିବ । କିନ୍ତୁ ଏଥର ଟିମର ‘ଟାଇଟେଲ ଲୋଗୋ‘ ପରିବର୍ତ୍ତନ କରାଯାଇଛି । ଯେଉଁଥିରେ ଜର୍ସିକୁ ଏକ ନୂଆ ଲୁକ୍ ମିଳିଛି ।

ସିଏସକେର ଜର୍ସିରେ ବି କେତେକ ଖାସ୍ ପରିବର୍ତ୍ତନ ହୋଇନାହିଁ । କିନ୍ତୁ ତା’ର ବି ଟାଇଟେଲ ସ୍ପନ୍ସର ପରିବର୍ତ୍ତନ କରାଯାଇଛି । ୨୦୨୪ରେ ଏହାକୁ ଟାୟର କମ୍ପାନୀ ସ୍ପନ୍ସର କରୁଥିଲା । କିନ୍ତୁ ଏବେ ଜର୍ସିର ସାମ୍ନାରେ ‘Etihad Airways’ ଲେଖାଯାଇଛି ।

କେକେଆରର ଟାଇଟେଲ ସ୍ପନ୍ସରରେ ପରିବର୍ତ୍ତନ ହୋଇନାହିଁ । କିନ୍ତୁ ଟିମର ଟି-ଶାର୍ଟର ଡିଜାଇନ ପରିବର୍ତ୍ତନ କରିଛି । ଏଥର ଜର୍ସି ଉପରେ ଏକ ଡିଜାଇନ ହୋଇଛି , ସେହିଭଳି ଛାତିର ଡାହାଣ ପଟରେ ବଡ଼ ବଡ଼ ଅକ୍ଷରରେ ‘RR’ ଲେଖାଯାଇଛି । 

ଆଇପିଏଲ୍ ୨୦୨୪ରେ ଆରସିବି ନିଜ ଜର୍ସିରେ କଳା ଏବଂ ନୀଳ ରଙ୍ଗର କମ୍ବିନେଶନ ରଖିଥିଲା । କିନ୍ତୁ ବେଙ୍ଗାଲୁର ଫ୍ରାଞ୍ଚାଇଜ ଏବେ ନିଜ ପୁରୁଣା ‘ଲାଲ୍-କଳା’ ରଙ୍ଗର କ୍ଲାସିକ କମ୍ବିନେଶନକୁ ପୁଣି ଫେରିଆସିଛି ।

ଦିଲ୍ଲୀ କ୍ୟାପିଟାଲ୍ସର ଖେଳାଳୀ ସବୁବେଳେ ଲାଲ୍ ଏବଂ ନୀଳ ରଙ୍ଗର ଜର୍ସି ପିନ୍ଧିଆସିଛନ୍ତି । ଏଥର ବି ସେହି ଦୁଇ ରଙ୍ଗର ମିଳନ କରାଯାଇଛି , କିନ୍ତୁ ସାମ୍ନାରେ ସ୍ପନ୍ସର ପରିବର୍ତ୍ତନ କରାଯାଇଥିବା ଦେଖାଯାଉଛି । 

ରାଜସ୍ଥାନ ରୟାଲ୍ସର ଜର୍ସି ପ୍ରାୟ ପୂର୍ବ ସିଜନ ଭଳି ହୋଇଛି । କିଛି ସପ୍ତାହ ପୂର୍ବରୁ RR ନିଜ ଜର୍ସି ଲଞ୍ଚ କରି ଦେଇଥିଲା ।