ମୁମ୍ବାଇ,୨୬/୩ : ଆଇପିଏଲର ଚତୁର୍ଥ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ ଲକ୍ଷ୍ନୌ ସୁପର ଜାୟଣ୍ଟସକୁ ଏକ ରୋମାଞ୍ଚକର ମ୍ୟାଚରେ ହରାଇଛି । ଏହି ମ୍ୟାଚରେ ଶେଷ ସମୟ ପର୍ଯ୍ୟନ୍ତ ଲକ୍ଷ୍ନୌ ଜିତୁଥିଲା ମାତ୍ର ଆଶୁତୋଷ ଶର୍ମା ଦିଲ୍ଲୀ ଲାଗି ୬୬ରନର ମ୍ୟାଚ୍ ବିଜୟୀ ପାଳି ଖେଳିଥିଲେ । ଶେଷ ଓଭରରେ ଋଷଭ ପନ୍ତଙ୍କଠାରୁ ମୋହିତ ଶର୍ମାଙ୍କ ଏକ ଷ୍ଟମ୍ପ ବି ହାତ ଛଡ଼ା ହୋଇଯାଇଥିଲା ନୁହେଁ ତ ଲକ୍ଷ୍ନୌ ୨ଅଙ୍କ ଅର୍ଜନ କରିପାରିଥାନ୍ତା କାରଣ ଏହା ଦିଲ୍ଲୀ ପାଳିର ଶେଷ ଓ୍ବିକେଟ ଥିଲା । ଏହି ପରାଜୟ ପରେ ଟିମର ମାଲିକ ସଞ୍ଜିବ ଗୋୟନକା ମୈଦାନରେ ଆସିଥିଲେ ଏବଂ ଋଷଭ ପନ୍ତ ଏବଂ ମୁଖ୍ୟ କୋଚ ଜଷ୍ଟିନ ଲ୍ୟାଙ୍ଗରଙ୍କ ସହ କଥା ହୋଇଥିଲେ । ତାଙ୍କର ଏହି ଭିଡ଼ିଓ ଏବେ ଖୁବ୍ ଭାଇରାଲ ହେବାରେ ଲାଗିଛି ।
ପ୍ରକାଶ ଯେ, ଏଲଏସଜି ଟିମର ମାଲିକ ସଞ୍ଜିବ ଗୋୟନକାଙ୍କ ଏକ ଭିଡ଼ିଓ ପୂର୍ବ ବର୍ଷ ବି ଭାଇରାଲ ହୋଇଥିଲା । ସେହି ବର୍ଷ ଋଷଭ ପନ୍ତଙ୍କ ସ୍ଥାନରେ କେଏଲ ରାହୁଲ ମୈଦାନରେ ଥିଲେ । ଭିଡ଼ିଓରେ ସଫା ସଫା ଜଣାପଡ଼ୁଛି କି ଗୋୟନକା ରାହୁଲଙ୍କ ଅଧିନାୟକତ୍ବ ଏବଂ ଟିମର ପରାଜୟରେ ବହୁତ ନାରାଜ ଅଛନ୍ତି । ଏହି ସମୟରେ ରାହୁଲ ମଝିରେ କିଛି କହୁଥିବା ପ୍ରୟାସ କରୁଛନ୍ତି କିନ୍ତୁ ପରେ ଚୁପ ରହିଥିଲେ । ଏହି ଭିଡ଼ିଓ ପରେ କ୍ରିକେଟ ଫ୍ୟାନ୍ସ ଗୋୟନକାଙ୍କ କାର୍ଯ୍ୟକଳାପ ଅନୁଚିତ ବୋଲି କହିଥିଲେ ।
ଲକ୍ଷ୍ନୌ ସୁପର ଜାୟଣ୍ଟ୍ସ ୨୦୨୨ରୁ ନିଜ ଆଇପିଏଲ୍ ଅଭିଯାନ ଆରମ୍ଭ କରିଥିଲା । ପ୍ରଥମ ସଂସ୍କରଣରେ ଟିମ୍ କେଏଲ୍ ରାହୁଲଙ୍କୁ ନିଜ ଅଧୀନାୟକ କରିଥିଲା । ରାହୁଲ ଆରମ୍ଭ ୨ ସିଜନରେ ଟିମକୁ ଏଲିମିନେଟର ରାଉଣ୍ଡ ପର୍ଯ୍ୟନ୍ତ ପହଞ୍ଚାଇଥିଲେ କିନ୍ତୁ ପୂର୍ବ ବର୍ଷ ଟିମ୍ ଲିଗ୍ ପର୍ଯ୍ୟାୟରେ ବାହାର ହୋଇଯାଇଥିଲା । ଏହି ସିଜନରେ ଏକ ମ୍ୟାଚ୍ ସମୟରେ ପରାଜୟ ପରେ ନାରାଜ ଗୋୟନକାଙ୍କୁ ମୈଦାନରେ ରାହୁଲଙ୍କ ସାମ୍ନାରେ କିଛି କହୁଥିବା ଦେଖାଯାଇଥିଲେ । ସଫାସଫା ଦେଖାଯାଉଥିଲା କି ଗୋୟନକା ରାଗରେ ରାହୁଲଙ୍କୁ କିଛି କହୁଛନ୍ତି । ଅକ୍ସନ ପୂର୍ବରୁ ରାହୁଲଙ୍କୁ ଫ୍ରାଞ୍ଚାଇଜ ରିଲିଜ କରିଦେଇଥିଲା ଏବଂ ଋଷଭ ପନ୍ତଙ୍କୁ ନିଜର ନୂଆ ଅଧିନାୟକ ଚୟନ କରିଥିଲା ।
ଋଷଭ ପନ୍ତଙ୍କୁ ଲକ୍ଷ୍ନୌ ସୁପର ଜାୟଣ୍ଟ୍ସ ୨୭କୋଟି ଟଙ୍କାରେ କିଣିଛି । ସେ ଆଇପିଏଲ୍ ଇତିହାସରେ ସବୁଠାରୁ ମହଙ୍ଗା କିଣାଯାଇଥିବା ଖେଳାଳୀ ଅଟନ୍ତି । ମାତ୍ର ତାଙ୍କ ଲକ୍ଷ୍ନୌ ସହ ଆରମ୍ଭ ଭଲ ନଥିଲା । ଟିମ୍ ଦିଲ୍ଲୀ କ୍ୟାପିଟାଲ୍ସଠାରୁ ଗୋଟିଏ ଜିତୁଥିବା ମ୍ୟାଚ୍ ହାରିଯାଇଛି । ଏହି ମ୍ୟାଚ୍ ପରେ ଟିମର ମାଲିକ ସଞ୍ଜିବ ଗୋୟନକାଙ୍କୁ ମୈଦାନରେ ଆସି ପନ୍ତଙ୍କ ସହ କଥା ହେଉଥିବା ଦେଖାଯାଉଛନ୍ତି । ମାତ୍ର ଏଥର ତାଙ୍କ କଥାବାର୍ତ୍ତା ପୂର୍ବଠାରୁ ଟିକେ ନରମ ଥିଲା ।
ଏହି ଘଟଣା ପରେ ଏବେ ସବୁଆଡ଼େ ଚର୍ଚ୍ଚା ହେଉଛି କି ଆଇପିଏଲ୍ ଟିମର ମାଲିକ କ’ଣ ମୈଦାନରେ ଆସି କୌଣସି ଖେଳାଳୀଙ୍କୁ ଖରାପ ପ୍ରଦର୍ଶନ ଲାଗି ରାଗିପାରିବେ ? ଆଇପିଏଲ୍ ଫ୍ରାଞ୍ଚାଇଜର ମାଲିକଙ୍କ ଲାଗି କେତେକ ନିୟମ ରହିଛି । ଯାହା ଫଳରେ ତାଙ୍କ ରେଭିନ୍ୟୁରେ କେଉଁଭଳି ଭାବେ ଭାଗ ମିଳିବ କିମ୍ବା ତାଙ୍କୁ ଟିମ୍ କିଭଳି ଚଳାଇବାକୁ ହେବ । ସୂଚନା ଅନୁସାରେ ଟିମର ମାଲିକଙ୍କୁ ଖେଳାଳୀଙ୍କୁ କିଭଳି କଥା ହେବା ଆବଶ୍ୟକ, ଏହି ଭଳି କୌଣସି ସ୍ପଷ୍ଟ ନିୟମ ତିଆରି ହୋଇନାହିଁ । ମାତ୍ର ଆଶା ଅଛି କି ଯେଭଳି ବ୍ୟବହାର କରିବା କଥା କରିବେ । ଖେଳ ସରିବା ପରେ କୌଣସି ମାଲିକ ଖେଳାଳୀଙ୍କୁ ରାଗିବା ଅନୁଚିତ ଅଟେ ।
