ମୁମ୍ବାଇ, ୮/୫ : ଆଇପିଏଲ୍ ୨୦୨୫ମଧ୍ୟରେ ଗତ ଦୁଇ ଦିନ ଭିତରେ ୩ଷ୍ଟାଡିୟମକୁ ବମରେ ଉଡ଼ାଇବାକୁ ଧମକ ମିଳିଛି। ଭାରତ ବୁଧବାର ପାକିସ୍ତାନ ଏବଂ ପାକିସ୍ତାନ କବ୍ଜାଧିନ ଥିବା କଶ୍ମୀରରେ ଥିବା ୯ଆତଙ୍କୀ ଠିକଣା ଉପରେ ଆକ୍ରମଣ କରିଥିଲା। ଏହାପରେ ଏହି ଧମକ ମିଳିବା ଆରମ୍ଭ ହୋଇଯାଇଛି । କୋଲକାତା ନାଇଟ ରାଇଡର୍ସ ଏବଂ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ବୁଧବାର ମ୍ୟାଚ୍ ଖେଳାଯାଇଛି । ଏହି ସମୟରେ କ୍ରିକେଟ ଆସୋସିଏଶନ ଅଫ ବେଙ୍ଗଲକୁ ଇଡେନ ଗାର୍ଡେନ୍ସ ଷ୍ଟାଡିୟମକୁ ବମରେ ଉଡ଼ାଇବାର ଧମକ ପୂର୍ଣ୍ଣ ଇମେଲ୍ ଆସିଥିଲା । ଯାହା ପରେ ମ୍ୟାଚରେ ସିକ୍ୟୁରିଟି ବଢାଇ ଦିଆଯାଇଥିଲା ।
ଏହା ପୂର୍ବରୁ ଅହମଦାବାଦରେ ଥିବା ନରେନ୍ଦ୍ର ମୋଦୀ ଷ୍ଟାଡିୟମକୁ ବି ବମରେ ଉଡ଼ାଇବାକୁ ଧମକପୂର୍ଣ୍ଣ ଇମେଲ୍ ଆସିଥିଲା । ଏହି ଇମେଲରେ ଲେଖାଥିଲା କି, ଆମେ ତୁମ ଷ୍ଟାଡିୟମକୁ ଉଡ଼ାଇ ଦେବୁ ’। ଏହି ମେଲ୍ ପାକିସ୍ତାନ ନାମରେ ଗୁଜୁରାଟ କ୍ରିକେଟ ଆସୋସିଏଶନକୁ ଆସିଥିଲା । ସେହିଭଳି ଏବେ ଗୁରୁବାର ରାଜସ୍ଥାନର ଜୟପୁରରେ ଥିବା ସବାଇ ମାନ ସିଂହ ଷ୍ଟାଡିୟମକୁ ବମରେ ଉଡ଼ାଇବାକୁ ଧମକ ମିଳିଛି । ଏହି ମେଲ୍ ଜୟପୁର କ୍ରିକେଟ ଆସୋସିଏଶନକୁ ମିଳିଛି । ଏହି ଇମେଲରେ ଲେଖା ଅଛି କି , ‘ଯଦି ହୋଇପାରୁଛି ତେବେ ସମସ୍ତଙ୍କୁ ବଞ୍ଚେଇ ଦିଅନ୍ତୁ’ ।
ଷ୍ଟାଡିୟମକୁ ବମରେ ଉଡ଼ାଇବାର ଧମକ ମିଳିବା ପରେ ସୁରକ୍ଷା ଏଜେନ୍ସି ଯାଞ୍ଚ ଆରମ୍ଭ କରି ଦେଇଛି । ପ୍ରକାଶ ଯେ, ଭାରତୀୟ ସେନା ବୁଧବାର ଅପରେସନ ସିନ୍ଦୂର ମାଧ୍ୟମରେ ପାକିସ୍ତାନକୁ ଜୋରଦାର ଜବାବ ଦେଇଥିଲା ।
