ଭୁବନେଶ୍ବର, ୨୦।୩ : ଇସ୍କନର ଅଦିନିଆ ରଥଯାତ୍ରାକୁ ନେଇ ବୈଠକ । ଶ୍ରୀଜଗନ୍ନାଥ ମନ୍ଦିର ପକ୍ଷରୁ ଗଜପତି ମହାରାଜା ଦିବ୍ୟସିଂହ ଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହୋଇଛି। ଜଗନ୍ନାଥ ସଂସ୍କୃତିକୁ ନେଇ ଆଲୋଚନା ହୋଇଥିଲା । ମନ୍ଦିର ପ୍ରଶାସନ ପକ୍ଷରୁ ଇସ୍କନକୁ ଅଦିନିଆ ରଥଯାତ୍ରା ନ କରିବାକୁ ଅନୁରୋଧ କରାଯାଇଛି।
ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢୀ କହିଛନ୍ତି ଜଗନ୍ନାଥ ସଂସ୍କୃତିର ଉଲ୍ଲଂଘନ ନ କରିବାକୁ ବୈଠକରେ ଇସ୍କନଙ୍କୁ ନିବେଦନ କରାଯାଇଛି । ବିଧି ଅନୁସାରେ ରଥଯାତ୍ରା କରିବାକୁ କୁହାଯାଇଛି । ସନାତନ ଧର୍ମ ଅନୁସାରେ ନୀତିକାନ୍ତି ପାଳନ କରନ୍ତୁ । ଧାର୍ମିକ ଭାବନାକୁ ଦୃଷ୍ଟିରେ ରଖି ଘୋଷ ଯାତ୍ରା ଏବଂ ଜଗନ୍ନାଥ ପରମ୍ପରା ଅନୁଯାୟୀ ପାଳନ କରନ୍ତୁ। ତିଥି ଅନୁସାରେ ରଥଯାତ୍ରା ପାଳନ କରିବାକୁ କୁହାଯାଇଛି। ଧାର୍ମିକ ଭାବନାକୁ ସମସ୍ତେ ସମ୍ମାନ ଦେବା ଆବଶ୍ୟକ ବୋଲି କହିଛନ୍ତି ଅରବିନ୍ଦ ପାଢୀ । ତେଣୁ ଇସ୍କନ ସଂସ୍ଥା ମଧ୍ୟ ଏହି ନିୟମ ଅବଲମ୍ବନ କରିବେ ବୋଲ ସେ ଅନୁରୋଧ କରିଛନ୍ତି ।
ଗଜପତି ମହାରାଜଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀ ସହ ଅନ୍ୟମାନେ ଉପସ୍ଥିତ ଥିଲେ । ଇସ୍କନ ପକ୍ଷରୁ ମୁକୁନ୍ଦାଦାସ ମହାରାଜଙ୍କ ସମେତ ଅନ୍ୟ କର୍ତ୍ତୃପକ୍ଷ ଏହି ବୈଠକରେ ସାମିଲ ହୋଇ ନିଜର ମତ ରଖିଥିଲେ ।
