ନୂଆଦିଲ୍ଲୀ,୧୬/୦୫; ଉତ୍ତେଜନା ସତ୍ତ୍ୱେ ଇସ୍ରାଏଲ ଏବଂ ଲେବାନନ୍ ମଧ୍ୟରେ ଯୁଦ୍ଧବିରତି ବଢିଛି । ଦୁଇ ଦେଶ ମଧ୍ୟରେ ୪୫ ଦିନିଆ ଅସ୍ତ୍ରବିରତି ଉପରେ ସହମତି ହୋଇଛି । ଆଲୋନଚା ମଧ୍ୟସ୍ଥତା କରିବା ପରେ ଆମେରିକା ବୈଦେଶିକ ମନ୍ତ୍ରୀ ଏ ବାବଦରେ ସୂଚନା ଦେଇଛନ୍ତି । ୱାଶିଂଟନ ଡିସିରେ ଆଉ ଏକ ପର୍ଯ୍ୟାୟ ଆଲୋଚନା ପରେ ଇସ୍ରାଏଲ ଏବଂ ଲେବାନନ ୪୫ ଦିନ ପାଇଁ ସେମାନଙ୍କର ଅସ୍ତ୍ରବିରତି ବୃଦ୍ଧି କରିବାକୁ ରାଜି ହୋଇଛନ୍ତି । ଆମେରିକାର ବୈଦେଶିକ ବିଭାଗ ମୁଖପାତ୍ର ଟମି ପିଗଟ୍ କହିଛନ୍ତି ଯେ, ଏହା ଦୁଇଟି ଫଳପ୍ରଦ ଦିନର ଆଲୋଚନା ପରେ ହୋଇଛି ଏବଂ ଏହା ପରେ ଜୁନ୍ ୨-୩ ତାରିଖରେ ଆହୁରି ଆଲୋଚନା ହେବ ।
ଯୁଦ୍ଧବିରତି ୪୫ ଦିନ ପାଇଁ ବୃଦ୍ଧି କରିବାକୁ ରାଜି- ଇସ୍ରାଏଲ ଏବଂ ଲେବାନନର ହିଜବୋଲା ଆତଙ୍କବାଦୀ ଗୋଷ୍ଠୀ ମଧ୍ୟରେ ଥିବା ଅସ୍ଥିର ଶାନ୍ତି ଚୁକ୍ତିନାମା ରବିବାର ଶେଷ ହେବାକୁ ଯାଉଛି । ପିଗଟ୍ ସୋସିଆଲ ମିଡିଆରେ କହିଛନ୍ତ କି, "ଆମେ ଆଶା କରୁଛୁ ଯେ ଏହି ଆଲୋଚନା ଦୁଇ ଦେଶ ମଧ୍ୟରେ ସ୍ଥାୟୀ ଶାନ୍ତି, ପରସ୍ପରର ସାର୍ବଭୌମତ୍ୱ ଏବଂ କ୍ଷେତ୍ରୀୟ ଅଖଣ୍ଡତାକୁ ପୂର୍ଣ୍ଣ ସ୍ୱୀକୃତି ଏବଂ ସେମାନଙ୍କର ସହଭାଗୀ ସୀମାରେ ପ୍ରକୃତ ସୁରକ୍ଷା ପ୍ରତିଷ୍ଠା କରିବ ।" ରିପୋର୍ଟ ଅନୁସାରେ, ଆମେରିକାର ବୈଦେଶିକ ବିଭାଗ ଶୁକ୍ରବାର ରିପୋର୍ଟ କରିଛି ଯେ, ଇସ୍ରାଏଲୀ ଆକ୍ରମଣ ମଧ୍ୟରେ ଇସ୍ରାଏଲ ଏବଂ ଲେବାନନ ଆଉ ୪୫ ଦିନ ପାଇଁ ଯୁଦ୍ଧବିରତି ବୃଦ୍ଧି କରିବାକୁ ରାଜି ହୋଇଛନ୍ତି । ଆମେରିକାର ବୈଦେଶିକ ବିଭାଗ ମୁଖପାତ୍ର ଟମି ପିଗଟ୍ ଶୁକ୍ରବାର ୱାଶିଂଟନରେ ଅନୁଷ୍ଠିତ ଶାନ୍ତି ଆଲୋଚନାକୁ ସଫଳ ବୋଲି ବର୍ଣ୍ଣନା କହି ଜୋର ଦେଇଛନ୍ତି କି ଏବଂ ଜୁନ୍ ୨ ଏବଂ ୩ ରେ ଆଲୋଚନା ଜାରି ରହିବ ।
ଦୁଇ ଦେଶ ମଧ୍ୟରେ ସ୍ଥାୟୀ ଶାନ୍ତି- ମେ' ୨୯ ତାରିଖରେ ପେଣ୍ଟାଗନରେ ଏକ ସୁରକ୍ଷା ଅଧିବେଶନ ଆରମ୍ଭ ହେବ, ଯେଉଁଥିରେ ଇସ୍ରାଏଲ ଏବଂ ଲେବାନନ ଉଭୟର ଅଧିକାରୀମାନେ ଉପସ୍ଥିତ ରହିବେ। ଆଲୋଚନାଗୁଡ଼ିକ ଦୁଇ ଦେଶ ମଧ୍ୟରେ ସ୍ଥାୟୀ ଶାନ୍ତି, ପରସ୍ପରର ସାର୍ବଭୌମତ୍ୱ ଏବଂ କ୍ଷେତ୍ରୀୟ ଅଖଣ୍ଡତାକୁ ପୂର୍ଣ୍ଣ ସ୍ୱୀକୃତି ଏବଂ ସେମାନଙ୍କର ସହଭାଗୀ ସୀମାରେ ପ୍ରକୃତ ସୁରକ୍ଷା ପାଇଁ ନେତୃତ୍ୱ ନେବେ ବୋଲି ରିପୋର୍ଟରେ କୁହାଯାଇଛି ।
ଏହା ବି ପଢନ୍ତୁ...ତାଇଓ୍ବାନକୁ ଅସ୍ତ୍ରଶସ୍ତ୍ର ବିକ୍ରି କରିବ କି ଆମେରିକା ? ଜିନପିଙ୍ଗ୍ଙ୍କ ସହ ସାକ୍ଷାତ ପରେ ଟ୍ରମ୍ପ କହିଲେ...
ଆକ୍ରମଣରେ ୭ଜଣ ଲୋକଙ୍କ ମୃତ୍ୟୁ- ରିପୋର୍ଟ ଅନୁସାରେ ଶୁକ୍ରବାର ଦିନ ଦକ୍ଷିଣ ଲେବାନନରେ ଇସ୍ରାଏଲ ନୂଆ ଆକ୍ରମଣରେ ୭ ଜଣଙ୍କୁ ହତ୍ୟା କରିବା ପରେ ଏହି ପଦକ୍ଷେପ ନିଆଯାଇଛି । ଦେଶର ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ମାର୍ଚ୍ଚ ୨ ତାରିଖରୁ ଇସ୍ରାଏଲୀ ଆକ୍ରମଣରେ ମୋଟ ୨,୯୫୧ ଜଣଙ୍କର ମୃତ୍ୟୁ ହୋଇଛି। ଚାଲିଥିବା ଶାନ୍ତି ଆଲୋଚନା ମଧ୍ୟରେ, ହିଜବୋଲା ବୁଧବାର ଦକ୍ଷିଣ ଲେବାନନରେ ଇସ୍ରାଏଲୀ ସାମରିକ ସ୍ଥାନ, ବାହିନୀ ଏବଂ ଯାନବାହନକୁ ଟାର୍ଗେଟ କରି ୧୭ଟି କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଆମ୍ବୁସ୍ ଆକ୍ରମଣରେ ୮ଟି ଡ୍ରୋନ୍ ଆକ୍ରମଣ, ୫ଟି କ୍ଷେପଣାସ୍ତ୍ର ଗୋଟିଏ ଗାଇଡେଡ୍ କ୍ଷେପଣାସ୍ତ୍ର ସାମିଲ । ହିଜବୋଲା ଦୁଇଟି ସାମରିକ ଯାନ, ଦୁଇଟି ମର୍କଭା ଟ୍ୟାଙ୍କ, ଗୋଟିଏ ସଶସ୍ତ୍ର ଯାନକୁ ଟାର୍ଗେଟ କରିଥିଲା । ଏହି ଗୋଷ୍ଠୀ ଏହା ମଧ୍ୟ ଦାବି କରିଛି ଯେ, ଏହାର ଯୋଦ୍ଧାମାନେ ପୂର୍ବ ଯୋଜନାବଦ୍ଧ ବିସ୍ଫୋରକ ସହିତ "ହାଲୁକା ଏବଂ ଭାରୀ ଅସ୍ତ୍ରଶସ୍ତ୍ର ଏବଂ ତୋପ ଗୁଳି" ବ୍ୟବହାର କରି ହଦାଥା ସହର ଉପକଣ୍ଠା ନିକଟରେ ଇସ୍ରାଏଲୀ ସୈନିକଙ୍କ ଉପରେ ଆକ୍ରମଣ କରିଥିଲେ ।
