ଗାଜା ସିଟି,୨୧/୧୦: ଉତ୍ତର ଗାଜାରେ ଘମାଘୋଟ ଲଢ଼େଇ ବେଳେ ହମାସ୍ ହମଲାରେ ରବିବାର ଇସ୍ରାଏଲ୍ ଡିଫେନ୍ସ ଫୋର୍ସେସ୍ (ଆଇଡିଏଫ୍)ର ଜଣେ କମାଣ୍ଡର ପ୍ରାଣ ହରାଇଛନ୍ତି । ତାଙ୍କ ନାମ କଲୋନେଲ୍ ଏହସାନ୍ ଡାକ୍ସା (୪୧) । ଉତ୍ତର ଗାଜାରେ ମୁତୟନ ୪୦୧ତମ ସଶସ୍ତ୍ର ବ୍ରିଗେଡ୍ର ସେ କମାଣ୍ଡର ଥିଲେ । ହମାସ୍ ଆତଙ୍କୀମାନେ ଇସ୍ରାଏଲ୍ର ଏକ ଟ୍ୟାଙ୍କ୍ ଉପରେ ବିସ୍ଫୋରଣ ଘଟାଇଥିଲେ । ଫଳରେ ଏହା ଧ୍ୱଂସ ହୋଇଯାଇଥିଲା । ଟ୍ୟାଙ୍କ୍ ନିକଟରୁ ଡାକ୍ସାଙ୍କ ମୃତଦେହ ଉଦ୍ଧାର କରିଛି ଆଇଡିଏଫ୍ । ଏହାପରେ ଆଇଡିଏଫ୍ ୪୦୧ତମ ବ୍ରିଗେଡ୍ର କାମଚଳା କମାଣ୍ଡର ଭାବେ ୧୬୨ତମ ଡିଭିଜନ୍ର ଡେପୁଟି ମୁଖ୍ୟ କଲୋନେଲ୍ ମୀର୍ ବାଇଡର୍ମ୍ୟାନ୍ଙ୍କୁ ନିଯୁକ୍ତ କରିଛି ।
