ନୂଆଦିଲ୍ଲୀ,୧୨/୧୧: ଆଫ୍ରିକା ମହାଦ୍ୱୀପର ଆଇଭରୀ କୋଷ୍ଟରେ ମର୍ମନ୍ତୁଦ ସଡକ ଦୁର୍ଘଟଣା । ଫଳରେ ୨୧ ଜଣଙ୍କର ମୃତ୍ୟୁ ଘଟିଛି । ସେହିପରି ୧୦ ରୁ ଅଧିକ ଲୋକ ଆହତ ହୋଇଥିବା ସୂଚନା ମିଳିଛି। ଏନେଇ ସମସ୍ତ ଗୁରୁତରଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ସମସ୍ତଙ୍କ ଚିକିତ୍ସା ଜାରି ରହିଛି। ତେବେ ଏହି ମର୍ମନ୍ତୁଦ ଦୁର୍ଘଟଣା ରବିବାର ଦିନ ସୋବ୍ରେ ଏବଂ ଗଗନୋଆ ସହରକୁ ସଂଯୋଗ କରୁଥିବା ରାସ୍ତାରେ ଘଟିଥିବା ନେଇ ପରିବହନ ମନ୍ତ୍ରାଳୟ ପକ୍ଷରୁ ସୂଚନା ମିଳିଛି।
ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ, ଦୁର୍ଘଟଣାର କିପରି ହେଲେ ଏନେଇ ତଦନ୍ତ ଚାଲିଛି । ଚଳିତ ବର୍ଷ ଆରମ୍ଭରୁ ଏହି ଉତ୍ତର ଆଇଭରୀ କୋଷ୍ଟରେ ଏକ ଟ୍ୟାଙ୍କର ଟ୍ରକ, ଏକ ବସକୁ ଧକ୍କା ଦେଇଥିଲା । ଏଥିରେ ୧୩ ଜଣ ଲୋକଙ୍କ ମୃତ୍ୟୁ ଘଟିଛି । ଏହି ମର୍ମନ୍ୁଦ ଦୁର୍ଘଟଣାରେ ୪୪ଜଣ ଆହତ ହୋଇଥିଲେ । ତେବେ ସୂଚନା ମୁତାବକ, ଏହି ଆଇଭରୀ କୋଷ୍ଟରେ ଅଧିକ ଦୁର୍ଘଟଣା ହୁଏ । ୩ କୋଟିରୁ ଅଧିକ ଲୋକେ ଏହି ଦେଶରେ ବସବାସ କରନ୍ତି, କିନ୍ତୁ ପ୍ରତି ବର୍ଷ ୧୦୦୦ ଜଣଙ୍କ ମୃତ୍ୟୁ ଏହି ଦୁର୍ଘଟଣା ଯୋଗୁଁ ଘଟିଥାଏ ।
