ନୂଆଦିଲ୍ଲୀ,୧୬/୧୧: ବିଶ୍ବର ବଡ ବକ୍ସର ମାଇକ ଟାଇସନ । ପାଖାପାଖି ୨୦ ବର୍ଷ ପରେ ମଇଦାନକୁ ଓହ୍ଲାଇଥିଲେ । ମାତ୍ର ତାଙ୍କର କମବ୍ୟାକ ଫଳପ୍ରଦ ହୋଇନାହିଁ । ବକ୍ସିଂର ମହାମୁକାବିଲାରେ ଜାକ ପଲଙ୍କଠୁ ୭୪-୭୮ ପଏଣ୍ଟରେ ପରାସ୍ତ ହୋଇଛନ୍ତି ମାଇକ ଟାଇସନ । ଫଳରେ ୨୭ ବର୍ଷୀୟ ଜାକଙ୍କୁ ବିଜେତା ଘୋଷଣା କରାଯାଇଛି ।
ମୁକାବିଲାରେ ୫୮ ବର୍ଷୀୟ ମହାନ ବକ୍ସର ମାଇକ ଟାଇସନ ୨୦ ବର୍ଷ ପରେ ମଇଦାନକୁ ଓହ୍ଲାଇଥିଲେ । ମାତ୍ର ତାହା ଦମଦାର ନଥିଲା । ପ୍ରଥମ ଦୁଇ ରାଉଣ୍ଡରେ ମାଇକ ଟାଇସନ ଆଗୁଆ ଥିଲେ । ମାତ୍ର ବାକି ୬ ରାଉଣ୍ଡରେ ପଛୁଆ ପଡିଥିଲେ । ଜାକ ଓ ମାଇକଙ୍କ ମଧ୍ୟରେ ୩୦ ବର୍ଷ ବୟସ ବ୍ୟବଧାନ ରହିଛି । ବୟସ ହୋଇଥିଲେ ବି ଶେଷ ଯାଏ ଲଢେଇ କରିଥିଲେ ମାଇକ ଟାଇସନ । ତାଙ୍କ କ୍ୟାରିୟରରେ ଏହା ତାଙ୍କର ସପ୍ତମ ପରାଜୟ ।
ମାଇକ ଓ ଜାକଙ୍କ ମଧ୍ୟରେ ୮ଟି ରାଉଣ୍ଡ ଖେଳାଯାଇଥିଲା । ପ୍ରଥମ ଦୁଇ ରାଉଣ୍ଡରେ ଯଥାକ୍ରମେ ୧୦-୯ ଓ ୧୦-୯ରେ ଜିତିଥିଲା । ତୃତୀୟ ରାଉଣ୍ଡରେ କମବ୍ୟାକ କରି ବାଜି ପଲଟାଇ ଦେଇଥିଲେ ଜାକ । ଆଉ ପ୍ରତ୍ୟାବର୍ତ୍ତନ କରି ପାରିନଥିଲେ ମାଇକ ଟାଇସନ । ପଞ୍ଚମ ରାଉଣ୍ଡରେ ମାଇକ ଟାଇସନ ଜାକଙ୍କ ଓଭରହେଡ ପଞ୍ଚରେ ଆହତ ହୋଇଥିଲେ । ଫଳରେ ତାଙ୍କ ପାଇଁ ଖେଳିବା ମୁସ୍କିଲ ହୋଇପଡିଥିଲା । ଏହା ପରେ ବାକି ରାଉଣ୍ଡରେ ବାଜି ମାରି ନେଇଥିଲେ ଜାକ । ମ୍ୟାଚ ଫଳାଫଳର ପରିଣାମ ଜାକସନଙ୍କୁ ବିଜେତା ଘୋଷଣା କରାଯାଇଥିଲା । ବିଜୟ ପୁରସ୍କାର ରାଶି ଆକାରରେ ଜାକ ପଲଙ୍କୁ ୪୦ ମିଲିୟନ ଡଲାର ( ୩୩୮ କୋଟି ଟଙ୍କା) ମିଳିଥିଲା । ପରାଜୟ ସତ୍ତ୍ବେ ମାଇକଙ୍କୁ ୨୦ ମିଲିୟନ ଡଲାର (୧୬୯ କୋଟି ଟଙ୍କା) ପୁରସ୍କାର ରାଶି ପ୍ରଦାନ କରାଯାଇଥିଲା ।
ବିବାଦରେ ଫସିଥିଲେ ମାଇଟ ଟାଇସନ- ବକ୍ସିଂ ପାଇଁ ଚର୍ଚ୍ଚାରେ ଥିବା ମାଇକ ଟାଇସନ ବିବାଦରେ ଫସିଥିଲେ । ୧୯୯୨ରେ ମାଇକଙ୍କୁ ଏକ ଦୁଷ୍କର୍ମ ମାମଲାରେ ୭ ବର୍ଷ ଜେଲ ଦଣ୍ଡାଦେଶ ହୋଇଥିଲା । ୩ ବର୍ଷ ପରେ ଜାମନି ମିଳିଥିଲା ।
