ନୂଆଦିଲ୍ଲୀ, ୨୨/୧ : ଇଂଲଣ୍ଡ କ୍ରିକେଟ ଟିମର ପୂର୍ବତନ ଭେଟରାନ ଦ୍ରୁତ ବୋଲର ଜେମ୍ସ ଏଣ୍ଡରସନଙ୍କ ବିଷୟରେ କିଏ ଜାଣି ନାହିଁ । ସେ ଟେଷ୍ଟ କ୍ରିକେଟରେ ସର୍ବାଧିକ ଓ୍ବିକେଟ ନେଇଥିବା ବିଶ୍ବର ପ୍ରଥମ ବୋଲର ଅଟେ । ୪୨ବର୍ଷୀୟ ପୂର୍ବତନ କ୍ରିକେଟର ନିକଟରେ ଅନ୍ତର୍ଜାତୀୟ କ୍ରିକେଟରୁ ରିଟାୟରମେଣ୍ଟର ଘୋଷଣା କରିଛନ୍ତି । ଯାହା ପରେ ସେ ନିଜ ବିଚାରକୁ ନେଇ ବାରମ୍ବାର ଚର୍ଚ୍ଚାରେ ଅଛନ୍ତି ।
ପୂର୍ବତନ ଇଂଲଣ୍ଡର ଦ୍ରୁତ ବୋଲର ନିକଟରେ ନିଜ ପୂର୍ବତନ ସାଥି ଖେଳାଳୀ ସ୍ଟିଭ ହାର୍ମିସନଙ୍କ ସହ ଟକସ୍ପୋର୍ଟ କ୍ରିକେଟ ୟୁଟ୍ୟୁବ ଚ୍ୟାନେଲରେ ଖାସ୍ କଥାବାର୍ତ୍ତା କରିଛନ୍ତି । ଏହି ସମୟରେ ଉଭୟ ଭେଟରାନଙ୍କ ମଧ୍ୟରେ ସେହି ସର୍ବଶ୍ରେଷ୍ଠ ଖେଳାଳୀ ବିଷୟରେ ଚର୍ଚ୍ଚା ହୋଇଛି ଯାହାଙ୍କ ସହ ସେ କ୍ରିକେଟ ମୈଦାନରେ ସାମ୍ନା ସାମ୍ନି ହୋଇସାରିଛନ୍ତି ।
ଖାଲି ଏତିକି ନୁହେଁ ବରଂ ଏହି କଥାବାର୍ତ୍ତା ସମୟରେ ଯେତେବେଳେ ଏଣ୍ଡରସନଙ୍କୁ ତାଙ୍କ ସର୍ବକାଳୀନ ଚୁଡ଼ାନ୍ତ ଏକାଦଶ ବିଷୟରେ କଥାବାର୍ତ୍ତା କରାଗଲା ତ ସେ କିଛି ଭେଟରାନଙ୍କୁ ନଜର ଅନ୍ଦାଜ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଲେ । ଏଣ୍ଡରସନଙ୍କ ଟିମରେ କେବିନ ପିଟରସନଙ୍କ ନାଁ ସାମିଲ ନାହିଁ । ଯାହାଙ୍କୁ ଇଂଲଣ୍ଡର ଏବେ ପର୍ଯ୍ୟନ୍ତ ସବୁଠାରୁ ପ୍ରତିଭାଶାଳୀ ବ୍ୟାଟରଙ୍କ ମଧ୍ୟରୁ ଜଣେ ବୋଲି ଧରାଯାଏ ।
ଏଣ୍ଡରସନ ନିଜ ଟିମରେ ଭଲ ଯୋଡ଼ି ଭାବେ ଏଲିଷ୍ଟେୟର କୃକ ଏବଂ ବିରେନ୍ଦ୍ର ସେହଓ୍ବାଗଙ୍କୁ ଚୟନ କରିଛନ୍ତି। ସେହିଭଳି ମଧ୍ୟକ୍ରମର ଦାୟିତ୍ବ ବିରାଟ କୋହଲୀ, ଜୋ ଋଟ ଏବଂ ସଚିନ ତେନ୍ଦୁଲକରଙ୍କ କାନ୍ଧରେ ବି ରଖିଛନ୍ତି। ସେହିଭଳି ଓ୍ବିକେଟ କିପର ଭାବେ ସେ ନିଜ ଟିମରେ ଆଉ କାହାକୁ ନୁହେଁ ବାରଂ ଭାରତୀୟ ଯୁବ ଷ୍ଟାର ଋଷଭ ପନ୍ତଙ୍କୁ ସାମିଲ କରାଯାଇଛି । ଏଣ୍ଡରସନଙ୍କ ଟିମରେ ଅଲରାଉଣ୍ଡର ପୂର୍ବତନ ଇଂଲଣ୍ଡର ଭେଟରାନ ଏଡୁୟୁ ଫ୍ଲିଣ୍ଟଫ ସ୍ଥାନ ପକ୍କା କରିବାରେ ସଫଳ ହୋଇଛନ୍ତି । ଫ୍ଲିଣ୍ଟଫଙ୍କ ଅଲରାଉଣ୍ଡର ପ୍ରଦର୍ଶନରେ ସମସ୍ତେ ଭଲ ଭାବେ ଜାଣିଥାନ୍ତି। ପେସ ବୋଲର ଭାବେ ଷ୍ଟୁଆର୍ଟ ବ୍ରଡ଼, ଗ୍ଲେନ ମ୍ୟାକଗ୍ରାଥ ଏବଂ ଡେଲ ଷ୍ଟେନଙ୍କୁ ସେ ନିଜ ଟିମରେ ସାମିଲ କରିଛନ୍ତି। ମୁଖ୍ୟ ସ୍ପିନର ଭାବେ ସେ ସେନ ଓ୍ବାର୍ଣ୍ଣଙ୍କୁ ନିଜ ଟିମରେ ଚୟନ କରିଛନ୍ତି ।
ଏଣ୍ଡରସନ ଚୟନ କରିଥିବା ଟିମ୍
ସର ଏଲେଷ୍ଟେୟର କୃକ, ବିରେନ୍ଦ୍ର ସେହଓ୍ବାଗ, ବିରାଟ କୋହଲୀ, ଜୋ ଋଟ, ସଚିନ ତେନ୍ଦୁଲକର, ଏଣ୍ଡୁ ୟୁ ଫ୍ଲିଣ୍ଟଫ, ଋଷଭ ପନ୍ତ, ଶେନ ଓ୍ବାର୍ଣ୍ଣ, ଷ୍ଟୁଆର୍ଟ ବ୍ରଡ଼, ଗ୍ଲେନ ମ୍ୟାକଗ୍ରାଥ ଏବଂ ଡେଲ୍ ଷ୍ଟେନ ।
