ମାଲକାନଗିରି,୨୩।୭ (ଆପ୍ର): ଲାଲଗଡ଼ରେ ରୋଗୀଙ୍କ ପାଇଁ ଦେବଦୂତ ସାଜିଛନ୍ତି ଯବାନ` ଦୁର୍ଗମ ଅଞ୍ଚଳରୁ ଗୁରୁତର ରୋଗୀକୁ ଖଟିଆରେ ବୋହି ହସ୍ପିଟାଲରେ ପହଞ୍ଚାଇ ଜୀବନ ବଞ୍ଚାଇଛନ୍ତି । ଗୁରୁତର ରୋଗୀଙ୍କ ଜୀବନ ବଞ୍ଚାଇ ସାଧାରଣରେ ବେସ ପ୍ରଶଂସାର ପାତ୍ର ହୋଇଛନ୍ତି ଯବାନମାନେ ଏହି ଘଟଣା ଦେଖିବକୁ ମିଳିଛି ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ରାଜ୍ୟ ବିଜାପୁର ଜିଲ୍ଲାର ଅତି ଦୁର୍ଗମ ତଥା ମାଓପ୍ରବଣ ପଟେଲପାରା ଗାଁରେ।
ସେହି ଗାଁର ୪୮ ବର୍ଷୀୟ କବାସୀ ଆଡମା ଅନେକ ଦିନ ଧରି ବାତ ରୋଗରେ ପିଡିତ ଥିଲେ। ତେବେ ହଠାତ ବୁଧବାର ତାଙ୍କୁ ବାତ ମାରିବା ପରେ ସମ୍ପୁର୍ଣ୍ଣ ଅସୁସ୍ଥ ହୋଇ ପଡି ଥିଲେ। ରକ୍ତଚାପ ସାଙ୍ଗକୁ ସୁଗାର ଲେବୁଲ ମଧ୍ୟ ଖସି ଯାଇ ଥିଲା। ରୋଗୀଟି ଜୀବନ ମରଣ ସହ ସଂଗ୍ରାମ କରୁ ଥିବା ବେଳେ ଏହି ଖବର ମାଓ ଦମନ ଅପରେସନରେ ନିଯୋଜିତ ଥିବା କୋରାଗୁଟ୍ଟା ସ୍ଥିତ ୧୫୧ ସିଆରପିଏଫ ବାଟାଲିୟନର ଯବାନମାନେ ଜାଣିବା ପରେ ଯବାନଙ୍କ ଡାକ୍ତରୀ ଦଳ ଗାଁରେ ପହଞ୍ଚି ଥିଲେ। ତୁରନ୍ତ କବାସୀ ଆଡମାଙ୍କୁ ପ୍ରାଥମିକ ଚିକିତ୍ସା କରା ଯାଇଥିଲା। ରାସ୍ତା ଖରାପ ଥିବାରୁ ଗାଁ କୁ ଆମ୍ବୁଲାନ୍ସ ଯାଇପାରି ନଥିଲା। ଯବାନ ମାନେ ଆଡମାଙ୍କୁ ଖଟରେ ବୋହି ନେଇ ଟ୍ରାକ୍ଟର ଯୋଗେ ପାମେଡ୍ ସ୍ୱାସ୍ଥ୍ୟ କେନ୍ଦ୍ର ପଠାଇଛନ୍ତି। ଯେଉଁଠାରେ ତାଙ୍କର ଚିକିତ୍ସା ଜାରି ରହିଥିବା ବେଳେ ସେ ସୁସ୍ଥ ଥିବା ଜଣା ପଡିଛି। ଯବାନ ମାନଙ୍କ ଏହି ସେବା କାର୍ଯ୍ୟ କୁ ଉକ୍ତ ଗ୍ରାମ ବାସୀ ଓ ଆଡ଼ମା ପରିବାର ଧନ୍ୟବାଦ ଜଣାଇ ପ୍ରଶଂସା କରିଛନ୍ତି।
