ନୂଆଦିଲ୍ଲୀ, ୨୧।୮: ଡ୍ରାଗନର ମାଷ୍ଟର ପ୍ଲାନ । ତିବ୍ବତକୁ ଅସ୍ତ୍ର କରି ଭାରତ ବିରୋଧୀ ଷଡ଼ଯନ୍ତ୍ର ରଚୁଛି ଚୀନ । ବ୍ରହ୍ମପୁତ୍ରରେ ନଦୀବନ୍ଧ ନିର୍ମାଣ କରିବାକୁ ପ୍ରସ୍ତୁତି ଆରମ୍ଭ କରୁଛି । ଚୀନ ରାଷ୍ଟ୍ରପତି ସି ଜିନପିଙ୍ଗ ଅଗଷ୍ଟ ୨୦ ତାରିଖରେ ତିବ୍ଦତରେ ପହଞ୍ଚିଥିଲେ । ତିବ୍ଦତକୁ ଏକ ସ୍ୱାୟତ୍ତ ଅଞ୍ଚଳ ଭାବରେ ପ୍ରତିଷ୍ଠା କରିବାର ୬୦ତମ ବାର୍ଷିକୀ ପାଳନ କରିବା ପାଇଁ ଜିନପିଙ୍ଗ ତିବ୍ଦତର ପ୍ରାଦେଶିକ ରାଜଧାନୀ ଲାସାରେ ପହଞ୍ଚିଥିଲେ । ୬୦ ଦଶକରୁ ଚୀନ ତିବ୍ଦତକୁ ନିୟନ୍ତ୍ରଣ କରିବାକୁ ଚେଷ୍ଟା କରିଆସୁଛି । କିନ୍ତୁ, ଭାରତ ଏବଂ ଭାରତୀୟ ବୌଦ୍ଧ ଧର୍ମ ସହିତ ଘନିଷ୍ଠତା ଯୋଗୁଁ, ଏହାର ଉଦ୍ଦେଶ୍ୟ ପୂରଣ ହେଉନାହିଁ । ୧୯୫୦ ମସିହାରେ ଚୀନ ଏହି ଅଞ୍ଚଳ ଦଖଲ କରିବା ପରେ ୧୯୬୫ ମସିହାରେ ଆନୁଷ୍ଠାନିକ ଭାବରେ ତିବ୍ଦତ ସ୍ୱୟଂଶାସିତ ଅଞ୍ଚଳ (TAR) ଗଠନ କରିଥିଲା । ୧୯୫୯ ମସିହାରେ ତିବ୍ଦତୀୟ ଧର୍ମଗୁରୁ ଦଲାଇ ଲାମା ଭାରତ ଚାଲି ଆସିଥିଲେ । ଏହା ପରେ ୧୯୬୨ ମସିହାରେ ଭାରତ-ଚୀନ ମଧ୍ୟରେ ଯୁଦ୍ଧ ଆରମ୍ଭ ହୋଇଥିଲା । ଜିନପିଙ୍ଗଙ୍କ ତିବ୍ଦତ ଗସ୍ତର ପ୍ରକୃତ ଉଦ୍ଦେଶ୍ୟ କ’ଣ ଏବଂ ଭାରତ ପ୍ରତି କେଉଁ ବିପଦ ରହିଛି ? ଆସନ୍ତୁ ଜାଣିବା

ଚୀନର ସରକାରୀ ସମାଚାର ଏଜେନ୍ସି ଜିନହୁଆ ଅନୁଯାୟୀ, ବେଜିଂରୁ ଅଧିକାରୀମାନଙ୍କ ଏକ ପ୍ରତିନିଧିମଣ୍ଡଳର ନେତୃତ୍ୱ ନେଉଥିବା ଜିନପିଙ୍ଗଙ୍କୁ ତିବ୍ଦତର ବିଭିନ୍ନ ଜାତିଗତ ଗୋଷ୍ଠୀର ଲୋକମାନେ ସ୍ୱାଗତ କରିଥିଲେ । ତିବ୍ଦତୀୟ ଧର୍ମଗୁରୁ ଦଲାଇ ଲାମା ୧୯୫୯ ମସିହାରେ ତିବ୍ଦତୀୟମାନଙ୍କର ଏକ ବଡ଼ ଗୋଷ୍ଠୀ ସହିତ ଭାରତ ଆସିଥିଲେ ଏବଂ ସେବେଠାରୁ ହିଁ ହିମାଚଳ ପ୍ରଦେଶର ଧର୍ମଶାଳାରେ ରହୁଛନ୍ତି । ପ୍ରତିରକ୍ଷା ବିଶେଷଜ୍ଞ ଲେଫ୍ଟନାଣ୍ଟ କର୍ଣ୍ଣେଲ ଜେଏସ ସୋଧି କୁହନ୍ତି ଯେ, ତିବ୍ଦତ ବହୁ ବର୍ଷରୁ ଭାରତର ବନ୍ଧୁ । କିନ୍ତୁ, ତିବ୍ଦତ ଚୀନର ବନ୍ଧୁ ବୋଲି ସେ ସାରା ବିଶ୍ୱକୁ ଦର୍ଶାଉଛି । ଜିନପିଙ୍ଗଙ୍କୁ ତିବ୍ବଦତେ ଭବ୍ୟ ସ୍ୱାଗତ କରାଯାଉଥିବା ଚୀନର ଗଣମାଧ୍ୟମ ଜାଣିଶୁଣି ଦେଖାଉଛି । ଭାରତ ସଂଲଗ୍ନ ଏହି ହିମାଳୟ ଅଞ୍ଚଳରେ ଚୀନର ଉପସ୍ଥିତି ଭାରତ ପାଇଁ ବଡ଼ ଚିନ୍ତାର ବିଷୟ, କାରଣ ଭାରତ ସହିତ ଚୀନର ହଜାର ହଜାର କିଲୋମିଟର ସୀମା ବିବାଦ ରହିଛି । 

ବ୍ରହ୍ମପୁତ୍ରରେ ନଦୀବନ୍ଧ ନିର୍ମାଣ କରୁଛି ଚୀନ: ଭାରତ ପାଇଁ ଚେତାବନୀ 

ପ୍ରତିରକ୍ଷା ବିଶେଷଜ୍ଞ ଜେଏସ ସୋଧିଙ୍କ ଅନୁଯାୟୀ, ଜିନପିଙ୍ଗ ଏଠାକୁ ଆସିବା ସମୟରେ ବ୍ରହ୍ମପୁତ୍ର ନଦୀ, ନ୍ୟିଙ୍ଗ୍ଚି ସହର ପରିଦର୍ଶନ କରିଥିଲେ । ଯାହା ଉପରେ ଚୀନ୍ ଏକ ନଦୀବନ୍ଧ ନିର୍ମାଣ କରୁଛି । ସେହି ସମୟରେ ସେ ଏହାକୁ ତ୍ୱରାନ୍ୱିତ କରିବା ଉପରେ ଗୁରୁତ୍ୱ ଦେଇଥିଲେ । ବ୍ରହ୍ମପୁତ୍ର ଉପରେ ଏକ ବନ୍ଧ ନିର୍ମାଣ ମଧ୍ୟ ଭାରତ ପାଇଁ ଏକ ବଡ଼ ଚେତାବନୀ, କାରଣ ବ୍ରହ୍ମପୁତ୍ର ନଦୀ ଅରୁଣାଚଳପ୍ରଦେଶ ଦେଇ ପ୍ରବାହିତ ହୋଇଛି । ଚୀନ ଅରୁଣାଚଳପ୍ରଦେଶକୁ ତିବ୍ଦତର ଏକ ଅଂଶ ବୋଲି ମାନିଥାଏ । ତେଣୁ ସେ ବ୍ରହ୍ମପୁତ୍ର ନଦୀ ଉପରେ ନଦୀବନ୍ଧ ନିର୍ମାଣ କରିବାକୁ ଯୋଜନା କରୁଛି । ଚୀନର ସମ୍ପୂର୍ଣ୍ଣ ଯୋଜନା ହେଉଛି ତିବ୍ଦତର ଭିତ୍ତିଭୂମିକୁ ସୁଦୃଢ଼ କରିବା ଏବଂ ଏହାକୁ ମୁଖ୍ୟଭୂମି ଚୀନ ସହିତ ସଂଯୋଗ କରିବା । ତିବ୍ଦତ ଭାରତ ସହିତ ଏହାର ସୀମା ଅଂଶୀଦାର । ଚୀନର ଦକ୍ଷିଣ-ପଶ୍ଚିମ ସିଚୁଆନ୍ ପ୍ରଦେଶରୁ ତିବ୍ଦତ ପର୍ଯ୍ୟନ୍ତ ଏକ ରେଳ ଲାଇନ ମଧ୍ୟ ନିର୍ମାଣ କରାଯାଉଛି । ଜିନପିଙ୍ଗ ମଧ୍ୟ ତିବ୍ଦତର ପ୍ରଥମ ବୈଦ୍ୟୁତିକ ରେଳ ଲାଇନରେ ନିଙ୍ଗ୍ଚିରୁ ଲାସା ଯାଏ ଯାତ୍ରା କରିଥିଲେ । 

ତିବ୍ଦତକୁ ସମ୍ପୂର୍ଣ୍ଣ ଭାବରେ କବଜା କରିବା ଡ୍ରାଗନର ଉଦ୍ଦେଶ୍ୟ:

ଚୀନ ଶାସନ ବିରୁଦ୍ଧରେ ଏକ ବିଫଳ ତିବ୍ଦତୀୟ ବିଦ୍ରୋହ ପରେ, ଦଲାଇ ଲାମା ୧୯୫୯ ମସିହାରେ ଭାରତ ଚାଲି ଆସିଥିଲେ । ପରବର୍ତ୍ତୀ ଦଶନ୍ଧିଗୁଡ଼ିକରେ, ଚୀନ କମ୍ୟୁନିଷ୍ଟ ପାର୍ଟି ତିବ୍ଦତ ଉପରେ ନିଜର ନିୟନ୍ତ୍ରଣକୁ ଦୃଢ଼ କରିଥିଲା । କିନ୍ତୁ, ବୌଦ୍ଧ ମଠ ଏବଂ ତିବ୍ଦତୀୟ ସମ୍ପ୍ରଦାୟ ପ୍ରାୟତଃ ଦଳୀୟ ନିୟନ୍ତ୍ରଣ ପ୍ରତି ପ୍ରତିରୋଧୀ ରହିଥିଲେ ଏବଂ ଏହି ଅବମାନନା କିଛି ସମୟରେ ପ୍ରତିବାଦ ଏବଂ ବିଦ୍ରୋହରେ ପରିଣତ ହୋଇଥିଲା । ୨୦୦୮ ମସିହାରେ, ଲାସାରେ ଚୀନ ବ୍ୟବସାୟୀ ଏବଂ ବାସିନ୍ଦାଙ୍କ ବିରୁଦ୍ଧରେ ଦଙ୍ଗା ଏବଂ ପ୍ରତିବାଦ ଆରମ୍ଭ ହୋଇଥିଲା ଏବଂ ଅଶାନ୍ତି ଅନ୍ୟ ତିବ୍ଦତୀୟ ଅଞ୍ଚଳକୁ ବ୍ୟାପିଯାଇଥିଲା । ସେଥିପାଇଁ ଚୀନ ତିବ୍ଦତକୁ ସମ୍ପୂର୍ଣ୍ଣ ଭାବେ ନିୟନ୍ତ୍ରଣ କରିବାକୁ ଚାହୁଁଛି ।

ସୋଧି କହିଛନ୍ତି ଯେ, ଚୀନ ଭାରତ ଉପରେ ଆକ୍ରମଣ କରିବାକୁ ପ୍ରି ପ୍ଲାନ୍ ପ୍ରସ୍ତୁତ କରୁଛି । ଗ୍ଲୋବାଲ୍ ଟାଇମ୍ସର ଏକ ରିପୋର୍ଟ ଅନୁଯାୟୀ, ଚୀନ ତା'ର ପ୍ରଥମେ ତାଇୱାନ ଉପରେ ଆକ୍ରମଣ କରିବ, ଯାହା ୨୦୨୭ରେ ହୋଇପାରେ । ସେହି ସମୟରେ, ଏହା ୨୦୨୫ ସୁଦ୍ଧା ଭାରତ ଉପରେ ମଧ୍ୟ ଆକ୍ରମଣ କରିପାରେ । ଏଥିପାଇଁ ପୂର୍ଣ୍ଣ ପ୍ରସ୍ତୁତି ଜାରି ରଖିଛି । ଏପରି ପରିସ୍ଥିତିରେ, ଆମକୁ ଏ ବିଷୟରେ ସତର୍କ ରହିବା ଉଚିତ୍ ।