ନୂଆଦିଲ୍ଲୀ, ୧୧/୫ : ଭାରତର ସର୍ବବୃହତ ଟେଲିକମ୍ ଅପରେଟର ରିଲାଏନ୍ସ ଜିଓର ୫ଜି ନେଟୱାର୍କ ମହାକୁମ୍ଭମେଳାରେ ଚମତ୍କାର ପ୍ରଦର୍ଶନ କରିଥିଲା । ଓକଲା ଦ୍ୱାରା ପ୍ରକାଶିତ ରିପୋର୍ଟ ଅନୁଯାୟୀ, ମହାକୁମ୍ଭରେ ରିଲାଏନ୍ସ ଜିଓର ନେଟୱାର୍କ ସ୍ପିଡ୍ କେବଳ ଯେ ସବୁଠାରୁ ଦ୍ରୁତ ଥିଲା ତାହା ନୁହେଁ, ଏହା ୫ଜି ନେଟୱାର୍କ ଉପଲବ୍ଧତାରେ ପ୍ରତିଦ୍ୱନ୍ଦ୍ୱୀ ଭାରତୀ ଏୟାରଟେଲକୁ ମଧ୍ୟ ବହୁ ପଛରେ ପକାଇ ଦେଇଛି । ଓକଲା ତାର ରିପୋର୍ଟରେ ଉଲ୍ଲେଖ କରିଛି ଯେ ମହାକୁମ୍ଭରେ ୫ଜି ନେଟୱାର୍କର ଗତି ୪ଜି ତୁଳନାରେ ପ୍ରାୟ ୯ ଗୁଣ ଅଧିକ ଥିଲା । ସୂଚନାଯୋଗ୍ୟ ଯେ ପ୍ରୟାଗରାଜରେ ମହାକୁମ୍ଭମେଳା ଜାନୁୟାରୀ ଆରମ୍ଭରୁ ଫେବୃଆରୀ ଶେଷ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା ।
୫ଜି ନେଟୱାର୍କ କାର୍ଯ୍ୟଦକ୍ଷତାରେ ଜିଓ ହାରାହାରି ୨୦୧.୮୭ ଏମବିପିଏସ ଡାଉନଲୋଡ୍ ସ୍ପିଡ୍ ସହିତ ସବୁଠାରୁ ଆଗରେ ରହିଥିବା ବେଳେ ଏହା ପଛକୁ ଏୟାରଟେଲ ୧୬୫.୨୩ ଏମବିପିଏସ ସହିତ ଦ୍ୱିତୀୟ ସ୍ଥାନରେ ରହିଥିଲା । ମହାକୁମ୍ଭ ସମୟରେ ରିଲାଏନ୍ସ ଜିଓର ୫ଜି ନେଟୱାର୍କର ହାରାହାରି ଡାଉନଲୋଡ୍ ସ୍ପିଡ୍ ଏୟାରଟେଲ ଅପେକ୍ଷା ପ୍ରାୟ ୩୬ ଏମବିପିଏସ ଅଧିକ ରହିଥିଲା । ଭାରତରେ କେବଳ ଜିଓ ଏବଂ ଏୟାରଟେଲ୍ ୫ଜି ସେବା ପ୍ରଦାନ କରନ୍ତି । ମହାକୁମ୍ଭ କ୍ଷେତ୍ରରେ ୫ଜି ନେଟୱାର୍କ ଉପଲବ୍ଧତା କ୍ଷେତ୍ରରେ ମଧ୍ୟ ଜିଓ ଆଗରେ ଥିଲା, ମେଳା ପରିସରରେ ଜିଓର ୫ଜି ନେଟୱାର୍କର ଉପଲବ୍ଧତା ୮୯.୯ଧ ଥିଲା ଯାହା ଏୟାରଟେଲର ୪୨.୪ଧ ଉପଲବ୍ଧତା ତୁଳନାରେ ଦୁଇଗୁଣରୁ ଅଧିକ ଥିଲା । ଏହାର ଅର୍ଥ ହେଉଛି ଜିଓ ୫ଜି ନେଟୱାର୍କ ଅଧିକ ସଂଖ୍ୟକ ଗ୍ରାହକଙ୍କ ପାଇଁ ଉପଲବ୍ଧ ଥିଲା, ଯାହା ଏହାର ବ୍ୟବହାରକାରୀଙ୍କୁ ଉତ୍ତମ କଭରେଜ୍ ଏବଂ ସଂଯୋଗ ପ୍ରଦାନ କରୁଥିଲା ।
ମହାକୁମ୍ଭ ସମୟରେ ପ୍ରବଳ ଭିଡ଼ ସତ୍ତେ୍ୱ, ୫ଜି ନେଟୱାର୍କ ୪ଜି ଅପେକ୍ଷା ଭଲ ପ୍ରଦର୍ଶନ କରିଥିଲା । ରିପୋର୍ଟ ଅନୁଯାୟୀ ଜାନୁୟାରୀ ପ୍ରାରମ୍ଭରେ ହାରାହାରି ୫ଜି ଡାଉନଲୋଡ୍ ସ୍ପିଡ୍ ୨୫୯.୬୭ ଏମବିପିଏସ ରହିଥିଲା, ଯାହା ପ୍ରବଳ ଭିଡ଼ ରହିଥିବା ଜାନୁୟାରୀ ୨୬ ତାରିଖରେ ୧୫୧.୦୯ ଏମବିପିଏସକୁ ହ୍ରାସ ପାଇଥିଲା, କିନ୍ତୁ ମେଳା ଶେଷ ସୁଦ୍ଧା ଏହା ପୁଣି ୨୦୬.୮୨ ଏମବିପିଏସକୁ ବୃଦ୍ଧି ପାଇଥିଲା । ଅତ୍ୟଧିକ ଭିଡ଼ ସମୟରେ ମଧ୍ୟ ଇଣ୍ଟରନେଟ ବ୍ରାଉଜିଂ ଏବଂ ଭିଡିଓ ପ୍ଲେବ୍ୟାକ୍ରେ କୌଣସି ବିଶେଷ ବିଳମ୍ବ ରହିନଥିଲା ବୋଲି ଓକଲା ଏହାର ରିପୋର୍ଟରେ ପ୍ରକାଶ କରିଛି ।
