ଜମ୍ମୁ-କାଶ୍ମୀର : ଜମ୍ମୁ-କାଶ୍ମୀରର କଠୁଆ ଜିଲ୍ଲାରେ ରବିବାର ସନ୍ଧ୍ୟାରେ ଆତଙ୍କବାଦୀ ଓ ସୁରକ୍ଷାକର୍ମଙ୍କ ମଧ୍ୟରେ ଏନକାଉଣ୍ଟର ଚାଲିଛି। ହିରାନଗର ସେକ୍ଟରରେ ଭାରତ-ପାକ୍ ସୀମାର ସାନ୍ୟାଲ ଗାଁରେ ରବିବାର ସନ୍ଧ୍ୟାରେ ସଦିଗ୍ଧ ଗତିବିଧି ପରେ, ତଲାସୀ ଅଭିଯାନ ଆରମ୍ଭ ହୋଇ ଯାଇଛି।
ଅଧିକାରୀମାନେ କହିଛନ୍ତି ଯେ, ଘଟଣାସ୍ଥଳକୁ ଅତିରିକ୍ତ ବାହିନୀ ପଠା ଯାଇଛି ଏବଂ ବିସ୍ତୃତ ସୂଚନାର ପ୍ରତୀକ୍ଷା ରହିଛି। ଏହାର ପୂର୍ବ ଦିନ , ସୁରକ୍ଷା ବାହିନୀ ଜମ୍ମୁକାଶ୍ମୀରର ପୁଞ୍ଚ ଜିଲ୍ଲାର ସୁରନକୋଟର ସାଙ୍ଗଲାର ସାଧାରଣ କ୍ଷେତ୍ରରେ କିଛି ସଦିଗ୍ଧ ଗତିବିଧି ଦେଖାଯିବା ପରେ ,ଏକ ମିଳିତ ତଲାସୀ ଅଭିଯାନ ଆରମ୍ଭ କରାଯାଇ ଥିଲା। ଏହି ମିଳିତ ଅଭିଯାନ ଭାରତୀୟ ସେନାର ରୋମିଓ ଫୋର୍ସେସ୍ ପୁଞ୍ଚ ପୁଲିସ ସହ ମିଶି ଆରମ୍ଭ କରିଥିଲା।
ଆଉ ଏକ ଘଟଣାକ୍ରମରେ , ଜମ୍ମୁ-କାଶ୍ମୀର ଡୋଡା ଜିଲ୍ଲାର ଏକ ସୁଦୂର ବନ କ୍ଷେତ୍ରରେ ଏକ ଆତଙ୍କବାଦୀ ଠିକଣା ବିଷୟରେ ସୂଚନା ମିଳିଥିଲା, ଯେଉଁଠାରୁ ଗୋଟିଏ ପିସ୍ତଲ ଓ କିଛି ଗୋଳାବାରୁଦ ଜବତ କରାଯାଇଛି। ସ୍ଥାନୀୟ ପୁଲିସ ଓ ସେନାର ବିଶେଷ ଅଭିଯାନ ଗ୍ରୁପ୍ (ଏସଓଜି) ଦ୍ୱାରା ଶନିବାର ଭଦ୍ରୱାହର ଭାଲରା ଜଙ୍ଗଲ ଅଞ୍ଚଳରେ ଏକ ସଂଯୁକ୍ତ ତଲାସୀ ଅଭିଯାନ ବେଳ ଠିକଣା ବିଷୟରେ ଜଣାପଡ଼ି ଥିଲା।
ଅଧିକାରୀମାନେ କହିଛନ୍ତି ଯେ, ସଂପୃକ୍ତ ସ୍ଥାନରୁ ଏକ ପିସ୍ତଲ , ତାଙ୍କର ୩ଟି ମାଗାଜିନ ଓ ୬ ରାଉଣ୍ଡ ତଥା ଏକେ ଅସଲଟ ରାଇଫଲର ୨୫ ରାଉଣ୍ଡ ଜବତ କରାଯାଇଛି। ଏହି ଅଭିଯାନ ବେଳେ କାହାକୁ ଗିରଫ କରାଯାଇ ନାହିଁ , ସଦିଗ୍ଧ ଗତିବିଧିର ରିପୋର୍ଟ ପରେ ଏକ ବିଶିଷ୍ଟ ଗୁଇନ୍ଦା ଇନପୁଟରେ ଚଲାଯାଇ ଥିବା ସେମାନେ କହିଛନ୍ତି।
