ରାଞ୍ଚି, ୨୬/୦୨: ସାଂସଦ ମହୁଆ ମାଝୀ ସଡକ ଦୁର୍ଘଟଣାରେ ଆହତ ହୋଇଛନ୍ତି । ଝାଡଖଣ୍ଡ ମୁକ୍ତି ମୋର୍ଚ୍ଚାର ରାଜ୍ୟସଭା ସାଂସଦ ମହୁଆ ମାଝୀଙ୍କ କାର୍ ଦୁର୍ଘଟଣାଗସ୍ତ ହୋଇଛି । ମହାକୁମ୍ଭରୁ ଫେରୁଥିବାବେଳେ ତାଙ୍କ କାର୍ ଦୁର୍ଘଟଣା ହୋଇଥିବା ସୂଚନା ମିଳିଛି । ମହୁଆ ମାଝୀଙ୍କ ସ୍ବାସ୍ଥ୍ୟବସ୍ଥା ଗୁରୁତର ଥିବା ଜଣାପଡିଛି ।
ଆଜି (ବୁଧବାର) ସକାଳୁ ପ୍ରୟାଗରାଜରେ ଚାଲିଥିବା ମହାକୁମ୍ଭରୁ ଫେରୁଥିଲେ ସାଂସଦ ମହୁଆ ମାଝୀ । ଲାତେହାରର ଏନଏଚ ୩୯ରେ ତାଙ୍କ ଗାଡି ଦୁର୍ଘଟଣାଗସ୍ତ ହୋଇଥିଲା । ସାଂସଦଙ୍କ ସ୍ବାସ୍ଥ୍ୟବସ୍ଥା ଗୁରୁତର ରହିଛି । ତାଙ୍କୁ ପ୍ରାଥମିକ ଚିକିତ୍ସା ପରେ ରାଞ୍ଚି ଅରଚିଡ ମେଡିକାଲ ସେଣ୍ଟରରେ ଭର୍ତ୍ତି କରାଯାଇଛି । କୁହାଯାଉଛି କି ମହୁଆ ମାଝୀଙ୍କ ହାତରେ ଗଭୀର ଆହତ ଲାଗିଛି । ଦୁର୍ଘଟଣା ଏତେ ଭୟଙ୍କର ଥିଲା ଯେ, କାରଟି ଚୁରମାର୍ ହୋଇଯାଇଛି ।
#WATCH | Jharkhand: JMM Rajya Sabha MP Mahua Maji admitted at Orchid Medical Centre in Ranchi as she met with an accident near Jharkhand's Latehar while returning from Prayagraj. pic.twitter.com/JXVWCPlw5E
— ANI (@ANI) February 26, 2025
ଅଧିକ ପଢନ୍ତୁ...ପବିତ୍ର ମହାଶିବରାତ୍ରୀ; ଶୁଭେଚ୍ଛା ଜଣାଇଲେ ରାଷ୍ଟ୍ରପତି-ପ୍ରଧାନମନ୍ତ୍ରୀ
ମହୁଆ ମାଝୀ ହିନ୍ଦୀ ଭାଷାର ଜଣେ ପ୍ରସିଦ୍ଧ ସାହିତ୍ୟିକା । ଏହା ସହ ସମାଜସେବା କ୍ଷେତ୍ରରେ ଜଣେ ଜଣାଶୁଣା ଚେହେରା । ସେ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ବହୁତ ଘନିଷ୍ଠ । ଦୀର୍ଘ ଦିନ ହେବ ସେ ଜେଏମଏମ ମହିଳା ମୋର୍ଚ୍ଚାର ଅଧ୍ୟକ୍ଷ ରହିଛନ୍ତି । ଗତ ବିଧାନସଭା ନିର୍ବାଚନରେ ରାଞ୍ଚିରୁ ଜେଏମଏମରୁ ଟିକେଟ୍ ପାଇଥିଲେ । ଭାରତୀୟ ଜନତା ପାର୍ଟି ପ୍ରାର୍ଥୀ ଚନ୍ଦ୍ରେଶ୍ବର ସିଂହଙ୍କଠୁ ପରାସ୍ତ ହୋଇଥିଲେ । ୨୨୦୦୦ ଭୋଟରେ ମହୁଆ ମାଝୀଙ୍କୁ ପରାସ୍ତ କରିଥିଲେ ବିଜେପି ପ୍ରାର୍ଥୀ ।
