ଆଠଗଡ଼,୧୭/୦୮: ଖୁଣ୍ଟୁଣୀ ଥାନା ଡାଳୁଆ ଓ ଖଣ୍ଡୁଆଳି ଗାଁରେ ଥିବା ସଂରକ୍ଷିତ ଜଙ୍ଗଲରେ ଅବକାରୀ ବିଭାଗ ଏବଂ ବନ ବିଭାଗର ପକ୍ଷରୁ ଚଢ଼ାଉ । ରେଡ୍ କରି ୧୯,୩୫୫ ଲିଟର ପୋଚ ସହିତ ୧,୯୯୫ ଲିଟର ଦେଶୀ ମଦ ନଷ୍ଟ କରିଛି ଅବକାରୀ ବିଭାଗ ।
ସୂଚନା ମୁତାବକ, ଆଠଗଡ଼ ବନ ବିଭାଗ ସହିତ ଅବକାରୀ ବିଭାଗର ମିଳିତ ଭାବେ ଚଢ଼ାଉ କରିଛି । ଡାଳୁଆ ଓ ଖଣ୍ଡୁଆଳି ଗ୍ରାମର ଚତୁପାର୍ଶ୍ଵର ସଂରକ୍ଷିତ ଜଙ୍ଗଲରରେ ଏହି ଚଢ଼ାଉ କରାଯାଇଛି । ଏହି ରେଡ୍ରେ ଚୋରା ଦେଶୀ ମଦ ରନ୍ଧା ପ୍ରସ୍ତୁତ ପାଇଁ ରଖାଯାଇଥିବା ୧୯,୩୫୫ ଲିଟର ପୋଚ ସହିତ ୧,୯୯୫ ଲିଟର ଦେଶୀ ମଦକୁ ନଷ୍ଟ କରାଯାଇଛି । ଏହି ଚଢ଼ାଉରେ ଆଠଗଡ଼ ଅବକାରୀ ଡେପୁଟି ସୁପରିଟେଣ୍ଡଣ୍ଟ ସିଏଚ ତିରୁପତିଙ୍କ ସମେତ ୭ ଉର୍ଦ୍ଧ୍ୱ ଅଧିକାରୀ ସାମିଲ ଥିଲେ ।
