ନୂଆଦିଲ୍ଲୀ,୦୬/୦୨; ପୁଣିଥରେ ଟି-୨୦ ଚାମ୍ପିଅନ ହେବାର ସ୍ୱପ୍ନ ଦେଖୁଥିବା ଅଷ୍ଟ୍ରେଲିଆ କ୍ରିକେଟ୍ ଦଳକୁ ଏକ ବଡ଼ ଝଟକା ଲାଗିଛି । ଦିନକେ ପରେ ଆଇସିସି ପୁରୁଷ ଟି-ଟେଣ୍ଟି ବିଶ୍ୱକପ ଆରମ୍ଭ ହେବ । ଦିନକ ପୂର୍ବରୁ ଅଷ୍ଟ୍ରେଲିଆ ଦଳ ପାଇଁ ଖରାପ ଖବର ଆସିଛି । ଦଳର ଦ୍ରୁତ ବୋଲର ଜୋସ୍ ହାଜେଲଉଡ୍ ଟି-୨୦ ବିଶ୍ୱକପରୁ ବାଦ ପଡ଼ିଛନ୍ତି । ମିଚେଲ ଷ୍ଟାର୍କ ଏବଂ ପ୍ୟାଟ୍ କମିନ୍ସଙ୍କ ଅନୁପସ୍ଥିତିରେ ଟୁର୍ଣ୍ଣାମେଣ୍ଟରେ ପ୍ରବେଶ କରିସାରିଥିବା ଅଷ୍ଟ୍ରେଲିଆର ଅଭିଜ୍ଞ ପେସ୍ ଟିମ୍ ଅଂଶଗ୍ରହଣ କରିପାରିବେ ନାହିଁ । ଷ୍ଟାର୍କ ଗତ ବର୍ଷ ତାଙ୍କର ଅବସର ଘୋଷଣା କରିଥିଲେ । କମିନ୍ସ କିଛି ଦିନ ପୂର୍ବରୁ ଆଘାତ ଯୋଗୁଁ ବାଦ ପଡ଼ିଥିଲେ ।
ହାଜଲଉଡ୍ ସୁପର ୮ ପାଇଁ ମଧ୍ୟ ଫିଟ୍ ହେବେନି- କ୍ରିକେଟ୍ ଅଷ୍ଟ୍ରେଲିଆ (ସିଏ) ଏକ ବିବୃତ୍ତିରେ କହିଛି କି, ହାଜେଲଉଡ୍ ଟି-ଟ୍ୱେଣ୍ଟି ବିଶ୍ୱକପ୍ ପାଇଁ ଠିକ୍ ସମୟରେ ଫିଟ୍ ହେବେ ନାହିଁ । ଫଳରେ ସେ ଟୁର୍ଣ୍ଣାମେଣ୍ଟରୁ ବାଦ ପଡ଼ିଛନ୍ତି । ଗତ ତିନି ମାସ ଧରି ହାମଷ୍ଟ୍ରିଙ୍ଗ୍ ଆଘାତ ସହିତ ଲଢ଼ୁଥିବା ହାଜେଲଉଡ୍ଙ୍କୁ ଅଷ୍ଟ୍ରେଲିଆ ଦଳରେ ସାମିଲ କରାଯାଇଥିଲା । କିନ୍ତୁ ସେ ସୁସ୍ଥ ହେବା ବିଳମ୍ବ ଯୋଗୁଁ ତାଙ୍କୁ ଗ୍ରୁପ୍ ପର୍ଯ୍ୟାୟରୁ ବାଦ ଦିଆଯାଇଥିଲା । ଅଷ୍ଟ୍ରେଲିଆ ଆଶା କରିଥିଲା ଯେ ସେ ସୁପର ୮ ରାଉଣ୍ଡ ପାଇଁ ଫିଟ୍ ହେବେ । କିନ୍ତୁ ସେହି ଆଶା ଆଶାରେ ରହିଛି । ଅଷ୍ଟ୍ରେଲିଆର ପ୍ରଥମ ମ୍ୟାଚ୍ ଫେବୃଆରୀ ୧୧ରେ ଆୟର୍ଲାଣ୍ଡ ବିପକ୍ଷରେ ରହିଛି ।
ଏହା ବି ପଢନ୍ତୁ...ଗାଲ-ଆଖିରେ ଗଭୀର ଆଘାତ, ଇଂଲଣ୍ଡ ଟେଷ୍ଟ ଅଧିନାୟକ ବେନ୍ ଷ୍ଟୋକ୍ସଙ୍କ ଅବସ୍ଥା ଖରାପ
କ୍ରିକେଟ ଅଷ୍ଟ୍ରେଲିଆ ଚୟନକର୍ତ୍ତା ଟୋନି ଡୋଡମେଡ୍ ଏକ ବିବୃତ୍ତିରେ କହିଛନ୍ତି ଯେ, ସେମାନେ ସୁପର ୮ ମ୍ୟାଚ୍ ପାଇଁ ହାଜେଲଉଡ୍ଙ୍କ ଖେଳିବା ଆଶା ରଖିଥିଲେ, କିନ୍ତୁ ତାଙ୍କୁ ସମ୍ପୂର୍ଣ୍ଣ ସୁସ୍ଥ ହେବା ପାଇଁ ଆହୁରି ଅଧିକ ସମୟ ଲାଗିବ । ୩୫ ବର୍ଷୀୟ ପେସରଙ୍କ ପୁନର୍ବାସ ପ୍ରକ୍ରିୟାକୁ ତ୍ୱରାନ୍ୱିତ କରିବା ବିପଦ ହୋଇପାରେ, ତେଣୁ ତାଙ୍କୁ ଟୁର୍ଣ୍ଣାମେଣ୍ଟରୁ ବାଦ ଦେବା ପାଇଁ ନିଷ୍ପତ୍ତି ନିଆଯାଇଛି । ଅଷ୍ଟ୍ରେଲୀୟ ଚୟନକର୍ତ୍ତା ଏହା ମଧ୍ୟ ସ୍ପଷ୍ଟ କରିଛନ୍ତି ଯେ, ତାଙ୍କ ବଦଳ ବର୍ତ୍ତମାନ ଘୋଷଣା କରାଯିବ ନାହିଁ ଏବଂ ଆବଶ୍ୟକତା ଅନୁସାରେ ଉପଯୁକ୍ତ ସମୟରେ ନିଷ୍ପତ୍ତି ନିଆଯିବ ।
୧୫ ବର୍ଷରେ ପ୍ରଥମ ଘଟଣା- ହାଜେଲଉଡ୍ ଟୁର୍ଣ୍ଣାମେଣ୍ଟରୁ ବାହାର ହେବା ପରେ, ଅଷ୍ଟ୍ରେଲିଆ ଦଳକୁ ସଙ୍କଟର ସମ୍ମୁଖୀନ ହୋଇଛି । ୧୫ ବର୍ଷ ମଧ୍ୟରେ ପ୍ରଥମ ଥର ପାଇଁ, ଅଷ୍ଟ୍ରେଲିଆ ଦଳ ତାର ୩ ଜଣ ଷ୍ଟାର ଦ୍ରୁତ ବୋଲରଙ୍କ ବିନା ଆଇସିସି ଟୁର୍ଣ୍ଣାମେଣ୍ଟରେ ଖେଳିବ । ଷ୍ଟାର୍କ ଗତ ବର୍ଷ ଟି-ଟ୍ୱେଣ୍ଟି ଆନ୍ତର୍ଜାତୀୟ ମ୍ୟାଚରୁ ଅବସର ଘୋଷଣା କରିଥିଲେ । ପ୍ୟାଟ୍ କମିନ୍ସ ପିଠି ଆଘାତ ଯୋଗୁଁ ଟୁର୍ଣ୍ଣାମେଣ୍ଟରୁ ବାହାରେ ଅଛନ୍ତି । ତାଙ୍କୁ ମଧ୍ୟ ଦଳରେ ସାମିଲ କରାଯାଇଥିଲା କିନ୍ତୁ ସେ ଯୋଗ୍ୟତା ଅର୍ଜନ କରିପାରି ନଥିଲେ । ୨୦୨୨ ବିଶ୍ୱକପ୍ ଶେଷ ଟୁର୍ଣ୍ଣାମେଣ୍ଟ ଥିଲା ଯେଉଁଥିରେ ଏହି ୩ ଜଣ ଦ୍ରୁତ ବୋଲର ଅଷ୍ଟ୍ରେଲିଆ ଦଳର ଅଂଶ ନଥିଲେ । କାରଣ ସେମାନଙ୍କ ମଧ୍ୟରୁ କେହି ସେତେବେଳେ ଡେବ୍ୟୁ କରି ନଥିଲେ ।
