ଫିରିଙ୍ଗିଆ, ୨୪l୮: କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଭୃଙ୍ଗୀଯୋଡି ପଞ୍ଚାୟତର ଶୁଣ୍ଢୀଗାଁ ନୁଆଁପଦର ଠାରେ ଶହେ ଶଯ୍ୟା ବିଶିଷ୍ଟ ଛାତ୍ରୀ ନିବାସ କନ୍ଧମାଳ ସାଂସଦ ସୁକାନ୍ତ ପାଣିଗ୍ରାହୀ ଉଦଘାଟନ କରିଛନ୍ତି।ଏହି ନୁଆଁପଦର ଠାରେ ଏକ ଛାତ୍ର ନିବାସ ପାଇଁ ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I 

ତେବେ ଏହି ଉଦ୍ଘାଟନୀ ଉତ୍ସବରେ ସାଂସଦଙ୍କ ସହ ଫୁଲବାଣୀ ବିଧାୟକ ଉମାଚାରଣ ମଲ୍ଲିକ ମଧ୍ୟ ଉପସ୍ଥିତ ଥିଲେ। ଅନ୍ୟମାନଙ୍କ ମଧ୍ୟରେ ପ୍ରକଳ୍ପ ପ୍ରଶାସକ ଗଦାଧର ପାତ୍ର, ଜିଲ୍ଲା ଶିକ୍ଷା ଅଧିକାରୀ ରାଜେଶ କୁମାର ସ୍ୱାଇଁ, ସାଂସଦ ପ୍ରତିନିଧି ଦୁର୍ଗାମାଧବ ଆଚାର୍ଯ୍ୟ, ବିଧାୟକ ପ୍ରତିନିଧି ପ୍ରଶାନ୍ତ କମ୍ପ, ବିଭାଗ ର କନିଷ୍ଠ ଯନ୍ତ୍ରୀ ଛୋଟରାୟେ ମାଝୀ,ସ୍ଥାନୀୟ ବିଜେପି ନେତା ଓ କର୍ମୀ ଙ୍କ ସହ ବିଦ୍ୟାଳୟ ମାନଙ୍କର ଶିକ୍ଷକ ଶିକ୍ଷୟିତ୍ରୀ, ବିଦ୍ୟାଳୟ ପରିଚାଳନା କମିଟି ର ସଦସ୍ୟ ମାନେ ଉପସ୍ଥିତ ଥିଲେ I ଅନୁସୂଚିତ ଜାତି ଓ ଜନଜାତି ଉନ୍ନୟନ ବିଭାଗ ଦ୍ୱାରା ନିର୍ମାଣ କରାଯାଇଥିବା ଏହି ଛାତ୍ରୀ ନିବାସ ଗୁଡିକ ଦୀର୍ଘ ବର୍ଷ ଧରି ଅର୍ଦ୍ଧ ନିର୍ମିତ ଅବସ୍ଥାରେ ପଡିରହିଥିବା ବେଳେ ଏହି ବିଭାଗ ରେ ପ୍ରକଳ୍ପ ପ୍ରଶାସକ ଭାବରେ ଗଦାଧର ପାତ୍ର ଯୋଗ ଦେବାପରେ ନିର୍ମାଣ କାର୍ଯ୍ୟ କୁ ତ୍ୱରାନ୍ୱିତ କରାଯାଇଥିଲା I