ମୁମ୍ବାଇ,୨୩/୧ : କପିଲ ଶର୍ମାଙ୍କୁ ହତ୍ୟା ଧମକ । କମେଡି କିଙ୍ଗ କପିଲ ଶର୍ମାଙ୍କ ସମେତ ୪ ବଲିଉଡ ଷ୍ଟାରଙ୍କୁ ହତ୍ୟା ଧମକ ମିଳିଛି । ପାକିସ୍ତାନରୁ ଇ-ମେଲ ଜରିଆରେ ହତ୍ୟା ଧମକ ଦିଆଯାଇଥିବା ସୂଚନା ମିଳିଛି । କପିଲଙ୍କ ସମେତ କମେଡିଆନ ରାଜପାଲ ଯାଦବ, ସୁଗନ୍ଧା ମିଶ୍ରା ଓ ଡାନ୍ସ କୋରିଓଗ୍ରାଫର ରେମୋ ଡିସୁଜାଙ୍କୁ ମଧ୍ୟ ହତ୍ୟା ଧମକ ଆସିଥିବା ଖବର ମିଳିଛି । ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି ।
କମେଡି କିଙ୍ଗ କପିଲ ଶର୍ମାଙ୍କୁ ଏକ ଇ-ମେଲ ଆସିଥିଲା । ଯେଉଁଥିରେ ତାଙ୍କୁ ଓ ତାଙ୍କ ପରିବାର, ସମ୍ପର୍କୀୟଙ୍କୁ ହତ୍ୟା ଧମକ ଦିଆଯାଇଥିବା ପୋଲିସ ପକ୍ଷରୁ ସୂଚନା ମିଳିଛି । ଅନ୍ୟପଟେ କମେଡିଆନ ତଥା ବଲିଉଡ ଅଭିନେତା ରାଜପାଲ ଯାଦବଙ୍କୁ ମଧ୍ୟ ହତ୍ୟା ଧମକ ଆସିଛି । ସେହିପରି ସମାନ ଧମକପୂର୍ଣ୍ଣ ଏକ ଇମେଲ କୋରିଓଗ୍ରାଫର-ଡିରେକ୍ଟର ରେମୋ ଡିସୁଜାଙ୍କୁ ମଧ୍ୟ ଆସିଛି । ଏ ନେଇ ଅମ୍ବୋଲି ପୋଲିସ ଷ୍ଟେସନରେ ମାମଲା ରୁଜ୍ଜୁ ହୋଇଛି ।
କପିଲ, ରାଜପାଲ ଓ ରେମୋଙ୍କ ସମେତ ଅଭିନେତ୍ରୀ ସୁଗନ୍ଧା ମିଶ୍ରାଙ୍କୁ ମଧ୍ୟ ହତ୍ୟା ଧମକ ମିଳିଛି । ଏ ନେଇ ଓସିୱାରା ପୋଲିସ ଷ୍ଟେସନରେ ମାମଲା ରୁଜ୍ଜୁ ହୋଇଛି । ସମସ୍ତ ୪ ଜଣଙ୍କୁ ଜୀବନରୁ ମାରି ଦେବାକୁ ଧମକ ଆସିଛି । ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି ମୁମ୍ବାଇ ପୋଲିସ । ଆସିଥିବା ଧମକପୂର୍ଣ୍ଣ ଇ-ମେଲରେ ବିଷ୍ଣୁ ଲେଖା ରହିଛି । ଗ୍ୟାଙ୍ଗଷ୍ଟାର ରବି ବିଷ୍ଣୋଇରୁ କେହି ଏପରି କରିଥିବା ଅନୁମାନ କରାଯାଉଛି ।
ନିକଟରେ ବଲିଉଡ ଅଭିନେତା ସୈଫ ଅଲ୍ଲୀ ଖାନଙ୍କୁ ଛୁରାମାଡ ହୋଇଥିଲା । ଘଟଣାକୁ କିଛି ଦିନ ହୋଇଛି ଏହାରି ଭିତରେ ଏକା ସଙ୍ଗରେ ବଲିଉଡର ୪ ଷ୍ଟାରଙ୍କୁ ହତ୍ୟା ଧମକ ଆସିବାକୁ ନେଇ ଆଲୋଡନ ସୃଷ୍ଟି ହୋଇଛି ।
